Friday, November 28, 2008

38 - و انا كمان مش عايزة لبن يا فاطمة



http://globalvoicesonline.org/2008/11/28/egypt-locking-al-azhar-students-in-the-dark-ages/


الناس باينها اتجننت ولا ايه؟؟؟
يالهوى

اقول ايييييييييييييييييييييه
انا عايزة اصوت والله

http://nosra.islammemo.cc/onenew.aspx?newid=3546



http://www.ikhwanonline.com/Article.asp?ArtID=42439&SecID=250



مش ممكن!!! مش ممكن يكون التعليم نصرة لأى حاجة غير لكل تعاليم ديننا الحنيف الجميل العالى الراقى المتحضر
والله العظيم الدين ده بيحب التعليم و العلم و بيحث على ان الانسان يروح للعلم و لو فى الصين .. مش يقولله لأ لما يجيله فى بيته جوا داره و تحت اشرافه
يعنى مش كده احسن من انهم يسافروا للبلاد دى و يتعملوا فيها و ساعتها فعلا ممكن يتأثروا بيها؟
ده مثلا يعنى!!! انا شخصيا مش موافقة على ان طلب العلم بأى شكل ضد الدين
لا يمكن يا ناس!! مستحيل
مستحيل يكون تعليم الانسان لغات تانية توسع مداركه و تخليه يقرا كلام الناس التانية و مفاهيمهم و كمان يرد على اى واحد فيهم .. مش معقول كل ده يكون غلط

هانفضل نتحوصل و نتقوقع و نتوحد لحد فييييييييييييييييييين؟؟
مش عايزين المسلمسن يتعلموا ليييييييييييييييييييييييه؟؟
رافضين ان احنا نقوى بالعلم ليييييييييييييييييييييه؟؟
با ربى ارحمنا يا رب

و انا هاعلى صوتى و اقول : " انا مع فاطمة ثابت .... مش عايزين لبن النهاردة!!"
0

6 comments:

Mariam Galal said...

على فكره اننا نسخر من المسلمين اللى زينا حتى لو غلطو ده نفسه منتهى الغلط مينفعش ارد على غلط بغلط والا هتبقى غابه
مروه رخا فى globalvoices
محلتش المشكله بالعكس ديه عقدتها جدا واضطرت ناس كتير تغلط فيها
وانا هارد زى ما رديت هناك
البشر منهم المخطأوالمصيب مش معنى ان واحد او جماعه غلطت فيها وقالت انها تدعو للرزيله والكلام ده ان الاخوان المسلمين كلهم وحشين وان الازهريين بيحاولو يمنعوهم من التقدم والرقى
والدليل انى ازهريه
وفى كليه لغات وترجمه فوريه
يعنى بدرس لغات وحضاره الغرب ومحدش مانعنى من كده وبروح الجامعه الامريكيه والمعهد البريطانى
هو قال وجهه نظره لو ضايقت حد خلاص خلصنا
لكن منديش الموضوع اكبر من حجمه ونسمح لحد يقول على المسلمين او الاخوان المسلمين انهم متخلفين

هنا الخطأ بعينه اللى وقعت فيه مروه رخا .. الجانبين مخطأين
واحنا ينقصنا تقارب وجهات النظر

شكرا ليكى على طرحك الموضوع واعطاءك مجالا للنقاش

Unknown said...

انا مش شايفة فى كلامى اى كلام سخرية عن المسلمين
واحد قال وجهة نظره الشخصية و انا بارد عليها بوجهة نظرى الشخصية برضه
اما عن انك بتتكلمى عن شخص آخر ( مروة رخا ) فانا مش من حقى ارد فيما يخصها باسمها
هى ليها موقع و فى لينك الموصوع ده نفسه ممكن حضرتك تعرضى عليها هى وجهة نظرك .. لكن انا ده شىء مايخصينيش

Anonymous said...

يا فالحة ياللي عاملة نفسك فاهمة و انتي و لا فاهمة حاجة


الي اتكلم عنه الاخ اللي من الاخوان دا و عباراته و فهمه اللي على قده ما سعدتهوش انه يتكلم فيه جدل حاصل عالميا دلوقتي في تدريس اللغة الانجليزية كلغة اجنبية و في اماكن معينة في العالم كلغة تانية

و انا بقولك الكلام دا عن دراسة

ما بيحصلش
tailoring للمناهج بشكل يناسب المجتماعات و خصوصيتها الدينية و الثقافية

بيحصل فرض مباشر لقيم معينة على المجتمعات الشرقية القصد منه التغريب و بدون مواربة و بدون نقاش و اقري يا هانم من اول
ال orientalism لا ادوارد سعيد لحد مليون بحث و بحث ها تلاقيهم منشوريين لحد النهاردة الصبح على جوجل سكولار

الهانم فاطمة ثابت اللي اتحمقت و كتبت و غالبا اتحمقت علشان قال وصفهم بالمتبرجات ما كتابتش كلمة واحدةبموضوغية من الموضوعية اللي الهانم بتتشدق بيها و قال من المتفوقين في كليتها قال و طبعا تلاقيها عاهة من عاهات الجامعة الامريكية او ما شابه عن المنهج اللي بيدرسوه اللي اغلبه كتب الهيدواي اللي ما بتدرسش دلوقتي الا في المعهد البريطاني و معمول ابحاث طويلة عريضة على محتواها و اللي فيه من فرض قصري لثقافة ما عادتش حتى موجودة في بريطانيا و لا تعكس اي شئ من حياة المجتمعات دي و بتخلق عندنا وهم كامل عن لمجتمعات دي

اقري في الحضارة و الثقافة و الهوية لو سمحتي

انا قاعدة اقرا في البلوج بتاعك مستنية جهلك و تخلفك يخلصوا و يبان بصيص امل لاي حتة عقل بيفهم لكن مافيش

مش كده

انتي فعلا عندك مشكلة هرمونات و عندك مشكلة اعجاب بنفسك عامي عينك عن انك تتعلمي

عجباكي الكام انترفيوا و انهم بيعجبهم انك بترصي كلام حلو و هما في الاخر كلمتين "انتي حرة"

و انا مش من الاخوان و ست و مش من الناس اللطيفة اللي بتدور على المواقع تدافع عن الاخوان و انا في رايي ان الاخوان دول من اوسخ ما مر على شعب مصر

لكن لما اقرا حاجة اتعلمت اني اوزنها و اجنب مشاعري و غبائي و اشوف الامور بموضوعية و افهمها كويس و طبعا حضرتك لطختي المقالات من على المواقع الاسلامية بدون حتى ما تقريها

الاخ الاخواني اللي اتكلم كنت مستنية اسمع ادلته من المنهج اللي هو تحدي صريح لثقافة البلد مسلميين و مسيحيين و انا يا هانم مدرسة انجليزي و عارفة يعني ايه منهح يتفصل لنوعية معينة من الطلبةو دارسة في المعهد البريطاني وانا في مجتمع بيعاني من المرحلة التالتة للسكوت على التحدي الصارخ لثقافته الا اذا كنتي من انصار نهد و نبني على نضافة و ما عنديش مانع انك تناقشي الفكرة دي لو فاهماها

و لا الاعلان السخيف اللي حطاه بتاع البنت مصريةو شغل ماما سوزان و الحياة الوردية و غباوته

لا هي مصر ها تتقدم لما الفلاحة تسيب ارضها و حياتهاو تشوف ان التعليم وسيلتها للارتقاء الاجتماعي المزيف

ايه الغباء دا

لو سمحتي اقري يا ايمان

بلاش شغل انصاف المثقفين و بلاش الانغلاق الغبي في علبة النسوية و كلام الكليشيهات دا


اللي بيحصل في مجتمعاتنا مأساة على مستوى الانسان مش على مستوى المرأة و لا الرجل

انزلي من برجك العاجي يا ايمنا و سيبك من دي بصتلي و دي ما قلتليش انها حامل و الواد العيل استغرب من ذكائي الفذ علشان بقرا ميكي و الدستور حتة واحد يااااااااااااه ميكي و الدستور جتة واحدة

و لا اللي يدخل يجاملك بكلمتين و موجة اعجابك بنفسك تركبك و شكرا شكرا مرسي مرسي

ظني فيكي احسن من كده


و مش ها كتبلك اسمي و ها علق انونيمس لاني قرفت من مدونتك و زعلانة على الوقت اللي ضيعته بكتبلك بديهيات لكن يمك تتعلمي زي ما تعلمنا لان زي ما انتي ما قلتي ما تخلقناش و معانا السي دي جاهزة لكن من فضلك استخدمي العقل اللي ربنا ادهاولك بدل ما تحوليه لحتة بالوظة

Unknown said...

تانى
اما تهدى و تبطلى تهاجمينى انا على كامل استعداد لمناقشتك
بس مايخلصكيش اتناقش مع حد بيكلمنى كده

لو فعلا عندك استعداد للنقاش .. اهلا و سهلا بيكى
بس من غير شتيمة و الكلام الفاضى بتاع الصغيرين ده

salome said...

أنا مش فاهمة اي حاجة بناع الانسان المجهول اللي كتب البوست دي. مش عارفة هو/هي معترض علي اية بالظبط الموضوع,راي ايمان,اسلوب الكتابة و الاهم من كدة اني مش شايفة اي حاجة اتقالت ذات قيمة مجرد هجوم حاد بدون سبب و اسلوب كلام منحط علي ااقل تقديرويدل علي نوع الثقافه اللي بيدعو ليها المرسل. يا ايها المجهول لو شايف ان الموضوع دي هايف و احنا مرفهين فياريت تروح تتكلم فيها مع المثقفين اللي يعرفوا في الثقافات زيكو بلاش تشغل وقتك الثمين معانا.

Unknown said...

معلهش يا سالوم
الكراهية مرض للاسف