1 - بيزنوا
الراجل اما بيبقى عايز حاجة بيزن زن الدنيا و الاخرة و "فيها ايه يعنى؟" .. "هايجرالك ايه " .. "عشان خاطرى انا بقولك" .. " مانتى لو بتحبينى فعلا ماكنتيش خالتينى اطلبها كل ده"
2 – بيتقمصوا
احدث خبر .. "الرجالة كمان عليهم بوز"!! و بوزهم ممكن يستمر ايام .. و على ايه بقى.. طب الست بتقلب بوها قدام الراجل لو هو مزعلها . لكن الراجل ماشاء الله بيقلب بوزه قدام الست ( و بس قدام الست) لو اى حاجة فى الحياة مش ماشية صح
العربية بايظة..الحياة لونها غامق
الشغل فيه مشاكل .. نكد العالم
الكمبيوتر متفيرس .. ياللا بينا نتكدر
واحد صاحبه متخانق معاه .. مفيش امان فى الدنيا و ماحدش يستاهل
3 – اللهفة العيالى
جربى ماترديش عليه مرتين ورا بعض .. و شوفى ممكن يكلمك كم مرة .. و لو ماتكلمش يبقى من بتوع سيناريو رقم 2
4- سياسة ال 30 رنة و ال20 رسالة
عادى جدا ... ممكن اوى تلاقيه عامل كده! خصوصا لو زعلانين مع بعض.. و خصوصا بقى لو هو اللى غلطان فيكى ... و يا سلام لو عرف انك عايزة تسيبيه
5 - الغيرة من اى مذكر على وجه الارض
عنده 50 سنة ... سن الخبرة و دول يتخاف منهم
عنده 20 سنة ... لو تعرفى دول بيفكروا فى ايه
مسيحى و انتى مسلمة ... طب عايز منك ايه ده
زميل فى الشغل ... هو مش عارف انك مرتبطة , بيكلمك من اساسه ليه ؟؟!!!!!
قرايبك ... ما خلاص بقى , هو انتى عيلة هاتلعبى معاهم فى الشارع؟
6 - المفاجأة بقى !
الرجالة كمان بتفرح بالهدايا! آه .. اعمليله سى دى اغانى, هاينشكح آخر الانشكاح..جربى مرة تبعتيله اغنية على الموبايل هايطير من السعادة , او اى لفتة لطيفة صغيرة كده
" هو بس الفرق ان فى احتمال كبير انه مايبينش"
7 - بيغيروا من صحابهم المتجوزين
آه...آآآآآآآه .. أه بقى.. و مش بيغيروا بس عشان نظرة المجتمع ( اللى بتفرق معاهم على فكرة) لآة. الراجل بيبقى عايز بيت و عيال بلعي معاهم . و مهما كدبوا فيها دى اتأكدوا منها
8 - بيخبوا الخير عن صحابهم عشان بيخافوا من الحسد و بيتعرف انهم فى علاقة متأخر
و بيداروا الاخبار الكويسة عن صحابهم
و مش بيقولوا ان مراتاتهم حوامل غير متأخر عشان الحمل (بيتنظر)
9 - عايزة تتستر
اصل اذا كان المجتمع بيقول على الست المش متجوزة "عانس" فتفسيرات المجتمع لعدم جواز الراجل كلها بتحصر يا فى اتهام مباشر لسلوكه..يا تشكيك واضح فى حالته الصحية..يا تساؤل مهم بشأن اتجاهاته الانتقائية
10 - بيكدبوا فيما يتعلق بمعرفتهم و ثقلفتهم الجنسية
الست بتكدب بادعاء الجهل
و الراجل بيبالغ فى المعرفة الى حد كوميدى فى بعض الاحيان .. كل واحد بيصور لخطبيبته انها "هايغمى عليها منه"
11 -بيسمعوا كلام صحابهم و بيتأثروا بيه اوى
12 - بيتلمعوا فى الافراح عشان يعجبوا البنات اللى فى احيان كتيرة بيرورحوها عشان يشوفوا عروسة
13 - بيسمعوا لامهاتهم فى شئون الجواز كويس اوى
14 - بيعيطوا!
ايون! كلهم.. خلاص بقى.. مابقيناش فى الزمن اللى ده معجزة فيه – و دى مش حاجة وحشة اصلا- يعنى اما تلاقيه بيعيط قدامك ده مش معناه انك عملتى كارثة مثلا.. ده اصلا هم عشان عارفين ان احنا فاهمينها حاجة كبيرة , ساعات بيستغلوها
15 - بيقولوا ان فى عروسة تانية كأسلوب ضغط
ماما عايزة تجوزنى عروسة جاباهالها طنط و معجبة بيها اوى
العيلة عندى متحمسين لواحدة زميلتى فى الشغل
فى ناس بيضغطوا عليا اشوف بنت مرشحينها ليا
16 - الرجالة كمان محتاجين الستات و بنفس القدر و لنفس الاسباب
يا ريت بقى نبطل نمثل على بعض. و نكون صرحا مع نفسنا و مع قدام بعضنا
الاعتراف بالحب مش عيب
الاعتراف بالاحتياج للحب مش خيبة
و الاعتراف بالاحتياج للحبيب شكل انسانى جدا من اشكال العلاقة ... مش ضعف ولا قلة حيلة..للدرجة انها تكون تنافى رجولة الراجل او قوة الست
19 comments:
كل ده في البنات قبل الولاد .. المشكله بقى لما ميبقاش ليك خلق على كل ده
التمثيل مثلاً اللي البنات بتتنفسه .. والدموع وقلبة الوش عمال على بطال .. والاتصال الكتير والخروج الكتير اللي يجبرك تغير طريقة حياتك و........... وتبقى مشكله أصلاً لو مكنش الموضوع موضوع عواطف وجواز اعجاب
ساعتها هتسيب ومش هتفكر ترتبط تاني .. واللي هيجيبلك سيرة الموضوع ده بتبقى عايز تحدفه من الشباك
المشكله ان في ناس دوغري أوي .. ملهاش خالص في التمثيل .. ولاد وبنات .. ومبيستحملوهوش وبيبقو هيتخنقوا منه
OMG that's so true ya Khokha i'm living it lolz the problem is that no one boy or girl would ever confess that he/she acts this way some of them doesnt even feel that they're acting this way lol bas it's totaly true after all we are all humans and we DO behave alike
ههههههههه
استثناء يؤكد القاعدة طبعا
على راي الشاعر
كفى بالمرء نبلا أن تعد معايبه
المشكلة هي اسباب النكد مش النكد نفسه
الراجل بيكون نكدي برضه بطريقه او بأخرى
انما الست بتتخنق من اسباب كتير اوي اوي مش هاقول عليها صغيرة علشان البنات مش يزعلوا على الرغم من ان ي راجل بيشوفها صغيره
الا انها عندهم كبيرة
نحترم ده المفروض هانعمل ايه يعني بس مش هانقدر نلاحق كل الصغائر دي
الراجل بيتصالح بسهولة البنت اصعب
و لكن ملاحظ ان التصرفات اللي انتي اتكلمتي عليها في الراجل دي اغلبا بتاع العيال المراهقين انتي مش بتتعاملي مع رجاله ناضجة ولا ايه ؟
اعتقد معنى كلمة (كمان ) اللى فى العنوان
انى باقول هما كمان بيعملوها مش باقول الرجالة بس بيعملوا كده
tafatefo:
التمثيل بس للبنات؟ متهيألى لأ
لو قلتلك ان الرجالة كمان بيخبوا لو فى عروسة عشان الحسد .. هاتقول ايه؟
Sue:
we all do dear.. we all do
and they NEVER see it when they do it.
احمد عرفة:
للأسف مش استثناء للقاعدة خالص
و الدليل الردود هنا و على الفيس بوك
البنات دى من مختلف الاعمار و الثقافات و الخلفيات و بيقولوا اه والله بيحصل
للأسف مش استثناء نهائى
الفكرة مش فى السبب لان اى انسان بيتنكد اكيد بسبب حاجة مهمة عنده و قيمة ليه
الفكرة ازاى يقدر الانسان ينخلع من عباية مفسه و مايجبرش اللى حواليه انهم يشوفوا ايام سواد بسبب النكد بتاعهم
سؤالك الاخير مش هارد عليه عشان الاجابة هاتزعلك
nice ya eman:D...2slobek 7elw as usual (w bel ra7a 3al mo3gabeen shwya:D)...2na batefe2 m3aky f kol 2lly 2olteeh 3la fkra...regala kteeer by3mlo kda zy 2l banat:)..3shan dih msh 7aga leeha ta3ref..hya msha3er 3mtn masmoo7 beeha tb2a fel ragel w fel sett msh f7etta wa7da bs y3ny..w 3la fkra fi banat htla2eehom zy 2l regala bynkreo 2nnohom kda 2sln mnhom 2nty:P:D...msh hatkesef w 2a2ol 2n fi 7agat 2na ba3mlha mn 2lly 2nty 2olteeha...bs mawdoo3 2l demoo3 w 2st3'lalha dah ma3tqadesh..2lbanat bgd homma 2lly foza3 f mawdoo3 2l dala3 w 2nnaha tban week w t3ayat:)...mashoftesh 2na ragel bysta3'el dmo3o:D...bgd mqala 7lwa...keep on goin:)..Sadek
صادقة :)
ليه بس انا عملتلك ايه
انا سؤالي مكانش سخرية على فكرة
كان لفت نظر بس ان الاساليب اللي بتتكلمي عليها و طرق التعامل قليلة جدا عند الناس الناضجة حتى البنات منهم
هقول ايه؟
هقول اني جربت الارتباط ده مره واحده في امتياز .. من سنه وشويه .. وبعد أسبوع واحد كرهت اليوم اللي قررت فيه اني قال ايه أرتبط .. بلاش قرف
إذا كنت لما تدقق الاختيار علشان تختار واحده أوت جوينج ومنفتحه ومحترمه وعلى خلق وبنت ناس ... وبعدين تلاقي نفسك اتخنقت وبتتهرب وبتكدب وأسلوب حياتك بيتغير وبيتضغط عليك في اليوم 100 مره وحاسس احساس المحاصر
بجد أزبل حاجه حصلتلي في حياتي .. وعلشان كده بكامل رغبتي واحتياري وارادتي الحره صرفت نظر عن فكرة الارتباط .. إلا بعد بلوغ سن الثلاثين ولازم تكون واحده بينك وبينها عشره كامله وطويله علشان متفاجأش بأي حاجه تنغص عليك عيشتك
عشر سنين؟؟؟!!!
دى هاتبقى بنتك مش مراتك ...هههههههه
بهزر طبعا
هى اكيد وجهات نظر .. بس يعنى
خدها منى
لو مشكلتك المخ الصغير .. فكل ما هايزيد الفارق العمرى بينك و بينها .. كل مالمشكلة دى - غالبا - ما هاتبقى اكتر
77 math
ما قل و دل
صادق
ازيك اصلا ... واحشانى حياتى يا ناس!!
ايه اللى مشاعر مسموح بيها
الاحتياج؟ اه معاك طبعا
بس هو التعبير عنه اللى محتاج يتعدل عند الاتنين
عشان الزن و المطاردة و الكبس على النفس ده مش حاجة حلوة خالص
يا راجل ده فى ناس كرهت اختراع الموبايل
ههههههههههههه
تصدقي والله صح
اه مصدقة
ههههههههه
عشرة على عشرة
يا فندم متشكرين جدا
سمايل بيصقف :D
وعايزة أاكد على حتة ان الراجل بيبوز! شخصيا بعاني من حكاية البوز دي, المشكلة انالبنات بتبوز وبتتفك بسرعة, يعني ممكن فعلا يحتفظوا بمشاعرهم وبغضبهم بس بدون التعبير المباشر (البوز) انما الرجالة بتحتظ بالبوز بعد الحاجة اللي سببت غضبهم ايا كان لفترة طويلة جدا ومدهشة جدا, الناس دي بوزها ما بيوجعهاش؟
LOL :D
ضحكت والله
هى دى ملحوظة برضه .. هم فعلا بيطولوا اوى فى البوز .. مش عافرفة ليه
و المشكلة انك لو ما بوزتيش يبقى مش حاسة بيه و مش محتوياه
والله يا ايمان من كتر الكلام اللى عندى فالموضوع دة
حسة اتخنقت ومش قادرة اتكلم
بس بجد موضوع هادف جدا
تسلم ايدك
سلامتك من الخنقة
ليه بس؟ فى ايه احكيلى
مممممممممم...مش عارفه علي اي اساس حكمتي الحكم دا بس انا حتكلم عن نفسي او اللي بشوفوا ان الراجل بيحب الاهتمام وبيحب المراعيه وعمروا ما بينكر كدا بالعكس اغلب الراجاله بتعترف بانك لو عايزا تملكي قلبه عامليه كطفل واهتمي بيه...اما بالنسبه لحوار القمص فانا مش معاكي خالص احنا بنتقمص اكتر وبنطول كمان فالقمص اووووووووووي...اما موضوع النكد فانا معاكي جدددددددددا فالراجل بيكسب بكل المقاييس
Post a Comment