Thursday, November 20, 2008

36 - بعض الاسئلة للرجالة .... لو مافيهاش رزالة يعنى

بعض لو ممكن حد يجاوبنى:


1 - ايه الحكمة من استخدام اى سور كبيت راحة و ممكن السور ده يكون على بعد امتار او حتى اقل من اى مول . و كل مول فيه ما لا يقل عن حمام واحد فى كل دور؟؟؟؟
و اللى مش مصدقنى يشوف المنظر تحت الكوبرى قدام موقف عبد المنعم رياض و هيلتون رمسيس من الناحية التانية. او الشارع اللى بين سيتى سنتر و احمد فخرى ( سيتى سنتر!!!)


2 - هو انتوا ليه بتتنحنحوا و انتوا طالعين من الحمام؟؟؟


3 - هو ايه الوحش فى الغطيان؟؟؟ غطا معجون السنان .. غطا قزازة المية .. غطا ال... الحمام ؟


4 - مش الحنفية اما نفتحها و ايدينا مش نضيفة هاتتوسخ؟ يبقى لما نغسل ايدينا لازم نغسل الحنفية برضه صح؟؟؟


5 - ليه لازم ندوس على كبس النور فى الحمام بكل كف ايدينا اللى مش نضيف ده؟؟


6 - فرشة السنان و الفوطة .و البنطلون الجينس مش اجهزة معمرة ! الفرشة بتتغير و الفوطة بتتغسل و يتحط غيرها و البنطلون ممكن يتغسل بين كل الف لبسة و التانية ..صح؟


20 comments:

One of the enemies said...

LOOOOOOL; coz we are men, and those are men's rules.

Watch this and you will ask more and more questions ;)

http://www.metacafe.com/watch/412867/how_to_shower_men_vs_women/

TAFATEFO said...

البوست دمه خفيف جداً

بس يا ريت تغيري كلمة الرجاله .. لأن التساؤلات دي مش ممكن تكون موجهه للرجاله .. في أسئله حضرتك تقصدي بيها المع*نين

Eman Hashim said...

طيب يا تافاتيفو والله العظيم بيحصل كده
اقولك ايه بس... دى معاناة

يا اهلا بالاعداء!!
هاشوفه حاضر

77Math. said...

هههههههههههههههههههه

بانتظار الإجابة !

An Egyptian said...

هاها ده مين الراجل اللى باقك اوى كده ده؟

Anonymous said...

لا بصي هو مش شرط خالص
فيه بني ادم نضيف وبني ادم قذر
وعموما اغلب البني ادمين ستات ورجاله بيتعاملوا مع الممتلكات العامه بقذاره
زي ميكونوا بينتقموا م التحفظ اللي بيعملوه ف البيت ..يعني مثلا لو واحد قذر اكيد هيبقي اقذر ف تعامله مع الحاجات العامه ولو واحد نضيف هتتفاجئي بيه ف الاماكن العامه
مفيش ضمير...دي صفه مشتركه

Anonymous said...

سوري الكومنت اللي فات دا فيه من البوست دا واللي فات علي بعضه يعني
المهم اللي قاصده اقوله وانا بنت يعني ف المسائل دي فيه بني ادمين كدا او كدا مش ولد كدا وبنت كدا لان البنت اللي المفروض نضيفه دي وتقعد تلم ف شقتها لما بتخرج برا البيت وتنزل تدخل ابنها الصغير التواليت شوفي بتعمل ايه
فين النضافه دي بقي
النضافه سلوك مش تأدية واجب وف اماكن معينه
وسوري صدعتك بتعليقين ورا بعض علي بوستين داخلين علي بعض

Eman Hashim said...

اولا اهلا بيكى يا نورا

ثانيا .. انا طبعا باشوف اى تعليق فى المدونة حتى لو على بوست قديم لان ببساطة بيجيلى ايميل

ثالقا .. انا نقلته و رديت عليكى هناك

شكرا

Eman Hashim said...

لأ خالص يا "من غير اسم" و اكيد انتى عندك حق
بس للأسف الشديد - و الكلام ده برضه لتفاتيفو - فى كتير من الرجالة بيمزجوا بين القذارة و الذكورة و الرجولة
ماعرفش ليه و منين

Anonymous said...

ياحبيبتى ده الطبيعى دلوقتى,,فين تلاقى الراجل الجنتل الشيك المتحضر فى أفكاره وتصرفاته امام الناس وحتى وهو لوحده,,فين رشدى أباظة وعمر الشريف بشياكتهم ورقتهم وجنتلتهم ورجولتهم فى الكلمة والنظرة والتصرف والمظهر الخارجى,,اه يا زمن

batates_777 said...

LOL:) Hillarious , that part about " ghata ma3goun el senan..2ezazet el mayya ,, ghata el 7ammam :D:D
ezzay you related them keda?! sa7 awiii..all women I know complain about those 3 ! whoever ! however !!
Oh godd?!!:D

batates_777 said...

you just reminded me of smth too, yesterday night , i saw a guy pee-ing to a wall as you mentioned in your post , elly 2estafazzenny eih !! inno was talkin on the phone ! he was holding his cell phone and talkin with one hand and...!! begad sharr el baleyyah ma yod7ek

Eman Hashim said...

والنبى ياختى انا مبقوقة خلاص
نفسى افهمهم .. حارتاح
هههههههههههه

Anonymous said...

ازيك يا حقوده انا سمعتك على البيت بيتك انا محمد 27 سنه من المنصوره محاسب معجبنيش طريقتك اللى اقل ما اوصفك بيها بلهاء لا تعى ما تقول ونفسى اتكلم معاكى واناظرك حددى الطريقه وانا مستنيكى بس يكون النهارده او بكره لانى مش بفضى باقى ايام الاسبوع سلام

Eman Hashim said...

طب و لازمتها ايه الشتيمة؟؟
هى دى برضه اخلاق اللى عايز "يناظر"؟؟
و بعدين ايه يناظر دى
و هم اليومين اللى جايين يعنى ... فين بقى ان شاء الله؟؟ههههههههه
و الله العظيم
الحمد لله

Eman Hashim said...

ياحبيبتى ده الطبيعى دلوقتى,,فين تلاقى الراجل الجنتل الشيك المتحضر فى أفكاره وتصرفاته امام الناس وحتى وهو لوحده,,فين رشدى أباظة وعمر الشريف بشياكتهم ورقتهم وجنتلتهم ورجولتهم فى الكلمة والنظرة والتصرف والمظهر الخارجى,,اه يا زمن

هههههههههههههههههههههههههههههههههههههههههههههههههههههههههههههههههههههههههههههه

انا بقالى كتير ماضجكتش كده

Eman Hashim said...

الكبير:

كلامك واضح منه انك مافهمتنيش على فكرة
لانى ببساطة مش عايزة الرجالة تمشى ب"روب الاودة" فى البيت ولا ياكلوا بالشوكة و السكينة بس يعنى النضافة طول عمرها من الايمان
و ان الواحد فى الجيش مفيش فرصة حموم كتير مش سبب ولا عذر انه فى شغله فى القاهرة يبقى علاطول عرقان

ولا ايه؟؟

matrix said...

لا فرق بين الست والراجل فى الاستعمالات اليومية ما عدى حكاية السور بس الس ما تعملها ابدا
بصراحة مخك محتاج فرمتة احسن

Eman Hashim said...

آه والله عندك حق
غلبانة انا و محتاجة الحكاية دى شكلى
عندك حد بقى (يخدمنى ) الخدمة دى و يبقى كتر خيره؟

Harrykqrh said...

you just reminded me of smth too, yesterday night , i saw a guy pee-ing to a wall as you mentioned in your post , elly 2estafazzenny eih !! inno was talkin on the phone ! he was holding his cell phone and talkin with one hand and...!! begad sharr el baleyyah ma yod7ek