Saturday, November 1, 2008

30 - الجنس فعل حب!

الاول كده ازيكوا .. وحشتونى اوى .. معلهش الامتحانات منعتنى عنكم. انا ليسة مش خلصت الامتحانات بشكل رسمى بس خلاص هانت الحمد لله.

و طبعا البداية خل!! و بس عشان نتفق انا حاولت " انقى الكلام " على قد ماقدر بس الكلام ساعات هايكون صادم .

انا عايزة اعرف ..هو ايه الجنس؟ اللى اعرفه انه حاجة انسانية طبيعية جدا زى كل الحاجات البشرية بل و الحيوانية كمان. جميل؟

مفيش شك ان الجنس من الجوانب المهمة فى الجواز و الا نبقى بنضحك على نفسنا.

و للأسف الشديد مجتمعنا البارع فى انه يضحك على نفسه لافف الموضوع فى مجموعة من الاكاذيب اللى مش بيكدب بيها الا على نفسه.

انا متهيألى ان ده من اهم اسباب تعدد الزوجات و الخيانات الزوجية و الفتور فى العلاقات الزوجية و السطحية اللى فى ناس كتير بتتعامل بيها فى موضوع الجنس لما بتفكر فى الجواز و فى الجوازكله بشكل عام .

يعنى عايزة تقولى ايه؟

الجنس حاجة آه و حتما تتقضى.. بس فى اساسه فعل حب . درجة عالية من التعبير عن مجموعة من المشاعر ... كون ان انا مثلا لأسباب كتير, الحبيب بالنسبة لى هو الزوج او مشروع زوج . ده ما يمنعش ان العلاقة فى اساسها مشاعر الحب.

لو تخيلنا اى شكل آخر للعلاقات الانسانية اللى ممكن يكون الجنس جزء منها غير الشكل المتسمى "حب" هانلاقى ان الاساس فيه سواء انجذاب جسدى بحت او جوازة صالونات خالية من اى مشاعر الا المسمى "احترام متبادل و قبول" .. بيكون

Exclusiveness صعب جدا فيه مطالبة طرف بال

اللى هو انه مش مسموحله ابدا انه "يبص" لحد تاني او انه ينجذب له,,و طبعا صعب ان طرف يتصور استمرارية العلاقة دى الى ما شاء الله . الا لو فعلا اللى بيحسه للطرف الاخر دى مشاعر صعب تتكرر مع اى حد تانى .. و ده اللى بيخللى كل جوانب العلاقة – و الجنس منها – فى شكل مميز جدا مرتبط بتواجد الاتنين دول بالذات عشان شكلها يبقى كده.

الاغلب من الناس بتبص للموضوع ده زى حاجة كده باستغربها و باخد بالى منها كتير...و هى ان فى ناس تقول " احنا رايحين سينما " طب فيلم ايه؟ مش مهم.. هما مش اصلا مهتمين بحضور فيلم معين... مش فارقة معاهم .

المهم انهم لبسوا الحتة اللى على الحبل و ساقوا و حجزوا تذاكر و اشتروا فشار و قعدوا فى " المكان الضلمة" و اتفرجوا على اى بتنجان على الشاشة ! النوع ده هو اللى بتلاقيه بيتكلم و بيرد على الموبايل و بيروح و بييجى فى وسط الفيلم.. لانه اصلا مش مهتم اطلاقا بمتابعة الاحداث ولا فارقة معاه . هو بالكتير هاتلاقيه يتفرج على العربيات و البوس لو راجل و على التسريحات و الفساتين لو ست!!

Passion و ده لان – و للمرة الالف- الناس فاقدة ال

فى كل و اى حاجة بتعملها.

ده اللى بيخليهم يفكروا ان اى راجل و اى ست ممكن يتجوزوا !

و ده اللى بيخللى الجوازات تتم فى ازمنة قياسية !

و ده اللى بيخللى الناس مش مدركة اصلا ان الجانب ده فى العلاقة جانب مهم و ضرورى .... و على فكرة .. لا عيب ولا حرام!

يمكن الرجالة اكثر صراحة فى التعامل مع الموضوع ده و ان كانوا برضه مش اذكياء.. يعنى هو فاكر انه لما "يطلع المازورة و يرفع المقاسات" هو بكده اتأكد من ان الموضوع ده فى السليم .. و كأن المازورة هى المقياس الوحيد لمدى نجاح الجنس بين الاتنين.

لازم البنت ما تتكسفش انها تتسائل اذا كان الجنس مع الانسان ده هايكون امر محبب ليها او لأ .. و لازم الاهالى تتفهم يعنى ايه " شكله مش مريحنى" او "مش ....كده" و كل التعابير اللى البنت ممكن تحاول تعبر بيها انها مش متصورة نفسها فى الموقف ده .

لان ده مش عيب و لا حرام تانى!!

ماهو لو مفهوم الصفقة هايخش كمان فى ده يبقى دى دعارة مشورعة بقى! البنت الحلوة سوقها يمشى و جوازتها تتم حتى لو غصب عنها و طبعا مش بيبقى من حقا انها حتى تكون رأى عنها . هو كده و ان كان عاجبك!

اللى استفزنى للكتابة عن الموضوع ده هو نموذج محطوط قدامى الايامى دى للتعاسة الحقيقية فى أم و زوجة.. كل مهمتها فى الحياة هى التمثيل و جاتنى بتطالبنى بمهدىء "يسطلها" فى الوقت ده بس ماينيمهاش عشان هى خلاص مش طايقة!

و لما حاولت اسألها طب ليه مايعملش مش عارف ايه تقوللى مفيش وقت .. ده بيبقى عايز يدوب يخلص عشان يلحق ينام عشان يصحى الصبح تانى يوم للسحل فى الشغل !

و اما سألتها انتى اصلا بتحبيه .. قالتلى حب ايه , انا لو امى كانت شمت بس انى بافكر حتى فى العريس ده كانت رامتنى من الشباك .. اصله كان فعلا جاهز يا ايمان و انا برضه كنت شايفاه "مناسب" جدا و جايللى فى الوقت المناسب!!!!!

25 comments:

77Math. said...

وأنا أعيش مع صديقة مخطوبة نفس الكلام ..

لا حب ولا بطيخ .. والموضوع عامل زي الطبيخ البايت بجد!!

وانت جاية تتكلمي عن الـ passion

بجد عمري ما شفت بنت بتفكر بالطريقة دي_الحب أولا_ إلا القلة النادرة!!!

الكلّ عايزين حد مناسب وخلاص، قولي لي ليه ؟

أقول لك لأن الجنس بالنسبة لمعظمهم مجرد وسيلة لإنجاب الأطفال،حاجة كدا زي غسيل الهدوم والطبيخ، والرجل نفسه وسيلة لكي يكون لديّ منزل مستقل وحياة أكثر "حريّة" .. تقولي لي ليه؟


أقول لك لأن البنت كل ما تطلب حاجة من أهلها، يقولوا لها: في بيتك إن شاء الله !


فالبنات عاشت على أساس إن الزواج دا حاجة بتفك كل الكبت .. حتغير زي ما هي عايزة .. حتعيش حياة تانية .. وبتتعكّ في الآخر وتلاقي نفسها زي أي ست تانية .. مفيش أي فرق


بس كدا .. البنات للأسف بيفرحوا بالدبلة ويتفاخروا بيها، بس تدخلي جواهم تلاقي ولا حاجة .. ومفيش حب حقيقي ولا فِكْر ولا يحزنون


تحياتي لكِ ويارب تخلصي على خير

AHMED SAMIR said...

بصي
هو الجنس طبعا ممكن جدا يكون بدون حب
على اساس انه غريزة زي الاكل والشرب...الخ
احتياج لابد ان يتم اشباعه
انما مع الحب بيكون له طعم تاني خالص
بمعنى انك ممكن تاكلي اكلة والسلام لمجرد انك جعانة
انما لما بتاكلي اكلة انتي بتحبيها بيبقى الطعم اكيد مختلف
تحياتي واحتراماتي

daktara said...

بصي الموضوع مهم جدا
الجنس بدون حب ملوش طعم
(ملحوظة انا لم اجربه لا بحب ولا بدون)
المشكلة ان معظم البنات عايزين العريس الكامل يعني الشقة المحترمة والعربية والفلوس
اهم من اي حاجة تانية
او موجودين بيبقي شوية الاعجاب اللي في الاول وفرحة الخطوبة ودمتم
لو في حب هيفضل حتي لو في مشاكل في الجنس
اما بدون حب يبقي فقدنا الاتنين
تحياتي

انظر حولك
د. خالد عزب

Anonymous said...

مجتمع هايخلص على نفسه بنفسه
يالا

Anonymous said...

الجواز كله فعل حب
.
.
وعادة قلة بس هما اللي مؤمنين أن "الجواز كله فعل حب ويإما عن يكون عن حب يا بلاش" .. والقلة اللي بتفهم دي هي أكتر فئة بتتعب , خصوصا في مجتمع متناقض مريض زي مجتمعنا .. بس لما بيتجوزا والقناعة دي لسة عندهم بيعيشوا أسعد حياة

مرحبا بكتاباتك الجميلة من تاني
:)

77Math. said...

في جملة قرأتها:

تحتاج المرأة لسبب كي تمارس الجنس، بينما يحتاج الرجل فقط إلى مكان

!

Unknown said...

LOOOOOOOOL @ 77 math
هو فى بنات كتير بتفكر فى ده .. و للأسف بيفرطوا فيه كمان الى حد الكوميديا مش الرومانسية
بس كل ده بيترمى على باب الصالون و هى داخلة تشوف العريس!!

اما وهم الحرية مع الجواز فعندك حق .. فى كتير مخدوعين الخدعة دى


أ . سمير:
و ان ردك رجالى صرف .. لكن انا باحيى صراحتك
بس صراحة - و انا والله صادقة فى ده مش عشان الموضوع - انا ماعرفش آكل اى حاجة و السلام
الاكل كمان على فكرة مزاج

د.خالد عزب:
البنات عايزين الجواز
حتى لو كل ده مش موجود
بدليل ان فى حتى بيرضوا بانهم تيجوزوا و يرجعوا لبيوت اهاليهم و اجوازهم يسافروا
قشطة يعنى .. المهم حصلت على لقب زوجة
و حميت نفسها من لقب عانس
سأنظر حولى!!

يا مصرى .. شكلك بجد "مبقوق" .. عبر عن نفسك و اتكلم بدل مانت خلاص كده
حاسة بيك والله

احمد :
اهلا بيك فى المدونة تانى
عندك حق بجد .. الجواز كله فعل حب
عندك زنتليون حق فى ان اللى بيفهم بيتعب.. دى ضريبة تشغيل المخ اللى بقيت اعلى من الضريبة العقارية
ربنا يتولانا برحمته

77Math. said...

"و ان ردك رجالى صرف .. لكن انا باحيى صراحتك
بس صراحة - و انا والله صادقة فى ده مش عشان الموضوع - انا ماعرفش آكل اى حاجة و السلام
الاكل كمان على فكرة مزاج
"

لأ ممكن آكل أي حاجة لو جعانة .. بس تكون مقبولة يعني مش حاجة بكرهها مثلا !

أو ما آكل أصلا .. بترجع لعوامل كثير

بس المقارنة هنا غير صحيحة مع احترامي وفهمي لوجهة النظر

ليه بقى؟

السعادة التي تُبنَى على وجود طرفين أصعب دائمًا من السعادة التي تبنى على وجود طرف واحد ..

ازاي؟

الأكل يعتمد عليّ وحدي .. ممكن آكل اللي أنا عايزاه بالكمية اللي عايزاها .. ممكن ما آكل .. عادي محدش يلومني

إنما علاقة زي الجنس، إذا ما كان في توافق بين الشخصين وتفاهم وحب و على رأيك
passion

حتبقى كإن واحد بياكل غصب عنه حاجة مش بيحبها !

غالبا حيصاب بمغص وفي نفس الوقت هو مضطر ياكل !

عشان كدا .. اللي بيفهموا بيتعذبوا .. لأنهم فهموا إن السعادة معتمدة على شخصين ..

مش ينفع طرف واحد يكون لوحده سبب نجاح العلاقة ..

وبس ..

ربنا يتولانا جميعًا

تحياتي لكِ :)

Samar Ali said...

Eman...welcome back...
t2oly l meeeeeeeeeeeeeeen!

ابن المليونير said...

الباحثة عن الحقيقة إيمان
غاية الحب هو الجنس
و لكن غاية الزواج هى المشاركه

و احنا مش بنتجوز علشان نمارس الجنس لأننا ببساطة ممكن نمارسة فى أى حته لو اتنازلنا عن مبادئنا و بارخص الأسعار و بدون تكلفة الجواز
احنا بنتجوز علشان نشارك حد حياتنا يعنى نبقى احنا الأتنين واحد فينتهى منطق الأنانية و حب الذات ليصبح حب الاّخر و راحتة و رضاة هو اكبر تعبير عن حبنا لأنفسنا
فلم يعد هناك جسدان بل هما فى الحقيقة جسد واحد و روح واحد و دة ملاحظ جدا عند المتزوجون عن حب أنهم فى بعض لحظات الجماع بيحسوا فعلا انهم مش جسدين بل تساموا و تحولوا إلى جسد واحد و روح واحد
أما ما تتكلمين عنه من إمرأة تسلم ذاتها لزوجها لمجرد أن يفرغ بها شهواته الحيوانية فدة أنا بسمية إغتصاب و إنتهاك لجسد زوجتة و هنا بقى فهما مش جسد واحد بل جسد معتدي و جسد معتدى عليه و برضة مش روح واحد بل روح شاعره بالنصرة و روح حاسه بالهزيمة و الإنكسار و أظن أن الزوج اللى من النوع دة معندوش أى مشكلة أنة يخون مراتة ( بالنسبة له مجرد جسد) و يشوف غيرها او يجوز عليها لو مراتة تعبت او لم تعد قادرة على إتمام العملية الجنسية
لأن مراتة دى بالنسبة له هى مجرد وعاء جنسى لإفراغ طاقاته يعنى العمليه بالنسبة لة عملية ميكانيكية بدون اى روح
أخيرا احب اقولك أنتى مش عانس بل انتى باحثة و ناجحة و إنسانة مفكرةو دى مميزات لا يحظى بها الكثيرون
و نفسى بقى نلغى لفظ البنت العانس دة ليتحول إلى باحثة، عالمة، دكتورة مهندسة ،مش عايزة تتجوز، هى حرة ،اى حاجة
تحياتى

Anonymous said...

سطحية ايه اللي الناس بتفكر بيها عن الجنس عند الزواج ؟
انا اللي اعرفه ان اول حاجة بيفكر فيها الرجل لما يقابل واحدة او واحدة تقابل واحد عشان الجواز هو الموضوع ده:)
انا رأيي ان زواج الصالونات مش هو سبب الخيانة الزوجية و البرود و الفتور لان اصلا ممكن ده كله يحصل بعد جواز الحب لان الجواز عشان يكون ناجح لازمله اخلاق مش حب
لان الشراكة هي المصارحة و الثقة و العمل المشترك من اجل تحقيق الاهداف المشتركة هو ده النجاح و هو ده اللي بيحقق ال passion اللي بتتكلمي عليه و هو ده اللي بيحافظ علي العلاقة
و الجنس بيبقي ليه اجمل طعم لما يحس الشركا انهم ناجحين في تحقيق اهدافهم و ان تخطيطهم سليم
اما الحب بس كده ممكن يودي في داهية لان اساس الجواز الاهتمامات المشتركة و الاهداف المشتركة و بعدين في حاجات تاني كتييير ممكن تخلي الجنس مالوش طعم لان في الواقع لو سألنا نفسنا الجنس هياخد وقت قد ايه من حياة الزوج و الزوجة حاجة بسيطة جدا و في بقية اليوم بقي تعالي نتكلم عن المشاركة و الحديث و التفكير و و و و و حاجات كتير قوي و كل ده بيأثر في الجنس
ليس علي الحب وحدة ينجح الزواج
و ليس بدون الحب يفشل الجواز

Anonymous said...

جزء من رائعة باولو كويللو " أحد عشر دقيقة " يكفي للتعليق :---
يمارس العاشق الحب طوال الوقت , حتى عندما لا يمارسه .

وحين تتلاقى الأجساد فهذا يعنى أن الشراب قد بلغ حافة الكأس بأمكانهما أن يبقيا معا لساعات ولأيام طويلة . بأمكانهما أن يبدأ الرقصة اليوم وينهياها غدآ , أو يستمر فيها مستسلمين للذة لا تنتهى . لا علاقة لذلك بالأحدى عشرة دقيقة .


فكرت بالعاهرات اللواتى يعملن معها , بأمها وبصديقاتها . جميعهن يعتقدن ان الرجال لا يعيشون الا من أجل الأحدى عشرة دقيقة فى اليوم , وأنهم مستعدون لأنفاق ما ملكت ايديهم للحصول على المتعة التى توفرها المضاجعة . لكن هذا غير صحيح , اذ يمتلك الرجل بعضآ من الأنوثة داخله ويتوق الى اللقاء الغرامى بحد ذاته ليضفى على حياته معنى جديدآ .

أيعقل أن تكون أمها قد تصرفت مثلها خلال الممارسة الجنسية مع أبيها . فتظاهرت ببلوغ النشوة لم تبلغها فى الحقيقة ؟. ترى الا يزال محرمآ على أمرأة من داخل البرازيل أن تبوح بأنها استمتعت فى ممارسة العمل الجنسى وبلغت فيه ذروة النشوة ؟ تعرف ماريا أشياء قليلة عن الحياة والحب , لكنها الان تكتشف معصوبة العينين مصدر الأشياء كلها , هذا يبدأ كل شئ , حيث يفترض به أن يبدأ , حيث أحبت أن يبدأ .

karakib said...

:) كلام كبير و حلو
---------
الرجل يكون اكثر قدرة علي التعبير عن ده لأنه الرجل بطبعه يميل الي ممارسة الجنس مع من يحب كتعبير عن ذلك
اما الانثي فهي أكثر قدرة علي التعبير عن الحب بالكلمات
ده مش كلامي ده من كتاب اسمه الرجال من المريخ و النساء من الزهرة
--------
بس في الكتاب بيتكلم عن الذكر كما يجب أن يكون و الأنثي ايضا بدون كل هذا العبء من الموروث الثقافي و العرف و الاساطير التي تجذب الجميع دائما للخلف سواء كانوا رجال او نساء
هذه الاشياء التي تؤثر شئنا او ابينا في سلوك الاشخاص في كل مجتمع تبعا لموروثه الثقافي و قصصه الشعبي و و و
--------
مدونتك حلوة

Anonymous said...

يا صديقتى السابقة لسة شاغلة نفسك بالعلاقة بين الرجال و السيدات فى مجتمعناالافاق المنافق بسيداتة ورجالة فى مجتمع مزيف لو كل الناس بقوا عرايا فيه فى الصحراء برضة حيكدبوا او مكنش على بعض يبقى على نفسهم لسة بتدورى على راجل بمعنى الكلمة لسة عاوزة تلاقى طعم للحب وطعم للجنس لسة عاوزة تفكرى و تفرقى بين جواز الحب وجواز الصالونات والمتعة والصفاء النفسى العلاقة بين اثنين هى علاقة بين اتنين مالهاش نظريات وتفسيرات و اسباب ونتائج كل اتنين حالة خاصة و متفردة كل اتنين احساس مختلف و اسباب مختلفة الحب جميل و الجنس جميل وسلاح وعبودية ومتعة الحب وقتى والجنس متعة ولذة وبرضة وقتى وبيفضل فى الاخر ان القلوب بتحس فى لحظة بمتعة و انتعاش وصفاء لحظة ادمية لو فى حب و شهوانية لو مطلوبة لذاتها او لاى سبب تانى
نصيحتى دورى لنفسك على حالة متفردة خاصة بك انت عشان تعيشيها اخلقى حالتك و عيشيها استمتعى فى لحظتها واتألمى بعدها كفاية بحث عن قوانين وتحليل للظواهر والعلل عشان نوصل للروشتة عشان نوصل لهدف اسمة السعادة او المتعة او الحب او العلاقة المتزنة المثقفة الراقية اللى توصل للاشباع الروحى قبل الجسدى مش حتلاقى الروشتة دى كل علاج له اثار جانبية اخلقى حالتك .. اكتشفى نفسك اكتشفى قانونك وسعادتك بلاش بحث وتنقيب و تفكير ودوران فى متاهات الحياة حب وجنس وفلوس وشغل والم وفرح الحياة كوكتيل متدوريش على مقادير الكوكتيل عيشى حالتك و اخلقى كوكتيلك النظريات السرمدية المطلقة تنفع للفلك او المرض وبتتغير بس مش مع نفس بشرية خلقت من نور طين .

Unknown said...

_ مش عارفة بس انا غلقت .. دلوقتى مش لاقية كلامى..ما علينا -

77math:
اولا ازيك
القلة النادرة دول لازم مايتكسفوش بقى
و لازم يتكلموا
و لازم يزيدوا و ان شاء الله هايزيدوا
عشان انا كده انا من الكلام ده بارد على المعلق الاخير
anonymous
ماينفعش اسكت
و ماينفعش ابطل افكر
و لازم افضل اقول انا و كل اللى بيفكروا

^^السعادة التي تُبنَى على وجود طرفين أصعب دائمًا من السعادة التي تبنى على وجود طرف واحد^^^
يا سلام على الكلام الكبير!!

ؤبنا يخليكى يا سمر يا رب
و ان شاء الله هايفهموا .. ياما اخرتهم مش كويسة
ههههههههههههه

Unknown said...

ابن المليونير:

للأسف الشديد اللى انت شايفه اغتصاب - و ده انا موافقاك فيه تماما- بيتكرر فى كل بيت مصرى لاغلب المتجوزين حديثا
و من بيوت من اللى بيعتبرهم المجتمع "صفوة" سواء كان فى التعليم او المستويات الاجتماعية او المادية
و مش هاقولك باشوف ايه فى العيادات اللى بتخدم مستويات اقل

اما عن لفظ عانس فانا استخدامى هو قمة الرفض للقب لان لو اللى بتشغل مخها و تسأل عشان عايزة تفهم عانس يبقى اهلا بالعنوسة
و ده موجود فى اول بوست هنا على فكرة باسم "تعريف"


samir:

^^^لان الشراكة هي المصارحة و الثقة و العمل المشترك من اجل تحقيق الاهداف المشتركة هو ده النجاح و هو ده اللي بيحقق ال passion اللي بتتكلمي عليه و هو ده اللي بيحافظ علي العلاقة^^^

طب امال يعنى حب؟ اوعى تكون فاكر ان انا عندى 17 سنة مفهومى عن الحب تسبيل و سهوكة و سماع عبد الحليم!! اللى انت بتقوله ده هو الحب
و عشان كده انا شايفة ان الاساس هو الحب
و عشان كده برضه انا مش شايفة ان احنا مختلفين اصلا و ان كان يبان كده

احمد عرفة و الحواديت!!ههههههه
نفسى اعرف رأيك انت
عايزة افهم تفكيرك انت

كراكيب
شكرا
و بلاش جون جراى .. ده حبيبى!!
هههههههه
الموروثات دى هو اللى جابانا ورا والله
ربنا يستر علينا

anonymous
البحث عن اللى بيتقال ده مازال
بس برضه لازم يكون فى تفكير و تحريك للمياه الراكدة

Unknown said...

Anonymous said...

بصي يا ستي انا لسه اول مره اشوف مدونتك وحبيت اعلق علي بوست قديم بس قلت ممكن متاخديش بالك وانا عاوزه ردك البوست دا http://3anes.blogspot.com/2008/11/30.html

انا مش فاهمه العالم كله تاعب نفسه بكلمة جواز صالونات وجواز انتريهات وجواز حب ...اصلا انا شايفه ان المشكله مش ف الشخص اللي بيتجوز جواز صالونات بصفته مختلف عن الشخص الحر المتفتح اللي بيتجوز عن حب الاتنين ف نظري واحد تماماااااااا الا ف حالات اسمها ناس بتحب بجد
الاتنين حقيقي واحد هو بيبقي عاوز يحب وهي بتبقي عاوزه تحب وبيقعدوا يتمحكوا ف الظروف وف كل حاجه ويقابلوا بعض ف اطار اي حاجه فيقولك احنا حبينا بعض مع ان مثلا ممكن تكون هي او هو كانوا قبل ميتقابلوا مركزين علي حد تاني معين وعايشين دور ( هو انا بحبه ولا مبحبوش ) بينهم وبين نفسهم يعني ولما تقعد او يقعد بينه وبين نفسه او لما تيجي اغنيه مناسبه كان بيعيش الحاله مع الشخص دا وبعدين يظهروا لبعض فيحولوا الدفه فجأه ودا لانهم مناسبين اكتر لبعض او اي سبب تاني ويقولوا ايون هو دا الحب انا اول مره احب وتبقي اسمها قصه حب والاتنين دول بيحبوا بعض ويبقي واو قصه فظيعه وبينت وولد ف غاية النبل قصتهم نجحوا ..انا عاوزه اعرف النموذج دا فرق ايه عن بنت وولد تانين الناس شايفينهم مناسبين لبعض فعرفهوهم علي بعض عشان يجوزوا ويطلعوا مشاعرهم لبعض او حتي بلاش الناس هي اللي شافتهم هو شافها ف مكان لاول مره فراح الصالون يتجوزها منه ويطلع مشاعره عليها تفرق ايه لما تدور لنفسك علي حتة موبايل عن متعرفش تشتريه وتخلي حد يجيبلك واحد..صدقيني متفرقش كله ف سن معين محتاج يحب محتاج الشخص المناسب عشان يحب ويمارس الجنس وينهي بقي التعب الكبير اللي ف مخه وشاغله ناحية الموضوع دا...انا اقصد ان كل الناس بتدور بطريقتها واحد العادات متفرقش عنده شويه ومتخطي دا فيقولك احب واتجوز التاني العادات والمجتمع قاطعين فيه شويه فيقولك اشوف عروسه ...طب انا اعرف ناس قبل ما يحبواكانوا ماشيين علي بعضهم يقيموا كل الناس اللي حواليهم واللي بيقابلوهم دول هعرف احبهم ولا لا يعني دول مناسبين ولا لا لغاية ما يقابل فيرمي شبكه..اموت انا واعرف دي فرقت ف ايه عن واحد بردوا عاوز يحب وبيدور علي عروسه ...وف مجتمع متناقض زي دا اقدر اقولك ان غالبا بيكون دول مضحوك عليهم ودول مضحوك عليهم بس من وجهات مختلفه الاولاني عايش فكرة الحريه وانه متحضر وعاوز يتجوز عن حب والتاني عايش جوا فكرة الولد المحافظ اللي مبيعجبوش البينت اللي بتمشي مع غيره وانه ميرضاش لاخته اللي المفروض ميعملوش ف الحقيقه والنموذجين بيخضعولها ان العلاقات بطيخه لاننا ف الحالتين وصلنا لنفس النتيجه ان اي شخصين تواجدوا دلوقتي ف مجال حبوا بعص او اتجوزوا بعض بنسميهم ف علاقه ودي هتكون بطيخه يا هينجحوا يا هيفشلوا وف الغالب كل اللي فات مش حب الحب هو اللي هييجي بعد كدا بعد ما يعرفوا بعض بعد ما البينت او الولد ياخدوا فرحتهم خلاص والجاي بيكون بيتوقف علي مدي جودة البني ادم اوا لبيني ادمه اللي قدامه لو شخصيه محترمه ومزه والمجتمع بيحسده عليها ومريحاه هتلاقي الحب مشعلل ومستمر غصب عنه دي مش ماديه دي الحياه ولو بنت كلب وطين مش هيبقي فيه حب هتبقي كالغالب النموذج اللي بنتكلم عنه دايما ...يعني ممكن التنين يتجوزوا حواز صالونات ويبقوا مناسبين لبعض بشكل خيالي ويحبوا بعض جدااااااااااااااااااا ويبقي اسمه جواز صالونات وجيرانهم اللي ف الشقه اللي قدامهم متجوزين عن حب متسربعين وعاوزين يحبوا ويتجوزا وعدوا لبعض حاجات كتير عشان يخلصوا تهلاقيهم بيدوا لعض بالجزمه ...مبحبش بقي التصنيفات اللي بتحطوها ..المجتمع اصلا والناس اصلا ف نفسيتهم مينفعش حد يحطلهم حاجات ثابته ونظريات ويقولك فهمتهم الموضوع اكبر من كدا بكتير




معلش طولت جداااااااااااا ...نورا

Unknown said...

ازيك يا نورا

اللى انا فهمته من كلامك - و صلحيلى لو غلطت - ان النقطة اللى ضايقتك انى حصرت الفتور الجنسى فى ان الجوازة جوازة صالونات
و انى بكده بحمل الاسلوب ده فى التعارف على انه السبب فى بوظان الحياة الجنسية بين الاتنين المتجوزين
و على كده يبقى انا كمان باقول ان اللى واخدين بعض عن سهوكة و تسبيل بينهم الشعلة المش عارف ايه اللى تخللى الموضوع ده عندهم زى فى الافلام الاجنبى

و ردى هو نفس ردى على سمير و هو ان المأساة الحقيقية فى ان الحب مش تسبيل و سهوكة و يبقوا مستعجلين على الجواز

طبعا انا مش هالف ولا ادور فى ان رأيى فى موضوع جواز الصالونات ماتغيرش
و انى شايفاه سبب .بس مش السبب الوحيد
لان اللى متجوزين عن معرفة بأى شكل آخر غير الصالونات ممكن جدا يواجهوا نفس المشكلة
لسبب بسيط جدا و هو اننا مش ناضجين فى مشاعرنا و تعريفنا و توظيفنا ليها

و فى كلمة مهمة جدا انا مختلفة معاها انتى قلتيها "كل واحد من حقه يحب و يتجوز عشان يرتاح من الموضوع ده" اكيد كل واحد من حقه .. بس مش كل واحد بيلاقى
و مش ده السبب فى ان البنى آدم يتجوز و خلاص
ماهو هو ده سبب كل النيلة اللى احنا فيها
انه بقى حق للانسان..هو رغبة مشروعة بس مش لازم
و اى بديل فيها مشروع
فهمتى قصدى؟

Anonymous said...

د..صدقيني متفرقش كله ف سن معين محتاج يحب محتاج الشخص المناسب عشان يحب ويمارس الجنس وينهي بقي التعب الكبير اللي ف مخه وشاغله ناحية الموضوع دا...انا اقصد ان كل الناس بتدور بطريقتها واحد العادات متفرقش عنده شويه ومتخطي دا فيقولك احب واتجوز التاني العادات والمجتمع قاطعين فيه شويه فيقولك اشوف عروسه



الفقره ف كومنتي اللي انتي بتقولي فيها اني بقول ان كل واحد من حقه يعمل كدا وينهي تعبه اهي ...اقريها تاني انتي فهمتي غلط خالص...انا بكلمك عن الوضع ان كل واحد سواء من دول او دول مبيفرقوش الاتنين شايفين انهم عاوزين يخلصوا الموضوع دا والاتنين بيغلطوا نفس الغلطه مش بتاع جواز الصالونات بس يعني


وقصدي التاني من الكلام الكتير اللي كنت قلته..اني بس بختلف معاكي ف التصنيف جواز صالونات وجواز حب مش هتفرق اي طريقه للجواز ولا الكلام دا الفرق ف البني ادمين يعني فيه بني ادم ناضج وفيه لا

وميرسي ع الرد
نورا

Anonymous said...

وحاجه كمان معلش نسيتها

ان مسألة الفتور ف العلاقه الجنسيه دي بتتوقف ع الحب والحب يعني الاقتناع
عشان ممكن اتنين قصة حبهم مكسره الدنيا تلاقيه بيعمل كدا واجب ودا بيكون راجع ف الاصل لانه هو حبها لان مفيش قدامه غيرها وهي اللي رضيت بيه وشافته الواد بقي وهي اللي حسسته برجولته والعكس ع البنت بردوا فبردوا الحب اللي بتتكلموا عليه والظروف اللي بنتحملها دي احنا ف الحقيقه بنتحمل ظروفنا احنا بموافقتنا علي وضع معين وزوج او زوجه معينه ولعلمك دا منتشر ف جوازات الحب اكتر عشان الضحك والعشم بيبقي بزياده ودا مش معناه مفيش ناس ناضجه عارفه تحب لا طبعا موجود ف رأيي يعني والا هبقي سوداويه اوي انما غالبا مش هيبقوا بيعانواا من خرا المجتمع والكبت اللي فيه بالشكل الفظيع اللي بيعاني منه اغلبنا او معظمنا وبجد نفسي اشوف نموذج كدا غير ف الافلام ومش بتاع اي مخرجين ( دا حلم)

silverstone said...

hi a eman de awl mara adkhol bas bgad 7abet al posts bta3tk awy balnsba llmawdo3 aly bt7ky feh ana shayfa ano leh gwanb kter awlha
3o2dt al3eb aly albanat bttraba
3aleha w tfdal tkbar m3ahom 7ta
ba3d ma ttgawz tob2a khayfa t3br
anha mrta7a aw mostamt3ha aw 7ata ttklm m3 gozha fe aly bt7bo mn algns . w balnsba llgawaz khalyna ntf2 ano al7ob mohm bas bgad mosh kfaya
la2n 7ob mn gher sha2a w moratab mosh hayfta7 bet hwa ymken al2haly sa3at btzawdha shoyten bas da maymna3sh an fe asasyat lazm tkon mawgoda .

Unknown said...

كلام موزون اوى يا سيلفر
بجد
بسيط و جايب المفيد
للأسف فعلا فى ساعات ممكن ندى للموضوع رومانسية زيادة تخليه بعيد عن الواقع

شكرا ليكى
و يا ريت اشوفك هنا علاطول

MOHAMED RASMY said...

برغم انى جدسد فى المدوه ومش كتير برد على المدونات لانى مهتم اكتر بالفيس بوك لكن بجد الموضوع ده شدنى بصوره فظيعه
وعجبنى جدا ومكنتش اتوقع انه يطلع من بنت مصريه بصراحه

لان البتكلمى فيه ده الكابوس المش بنام بسبه لان ببساطه شديده انا انسان ابحث عن السعاده الزوجيه بدور عهلى اميرة قلبى انسانه اعيش معاها سعيد

ومقتنع جدا ان الموضوع ده هو عمود الحياه الزوجيه مش زي مابيضحكه لى بعض فى مجتمعنا انه مش مهم او انه وسلة انجاب او حاجه لفرفشه كده ودمتم

وعمرى مهكون سعيد فمعه انسانه بتعمل كده لانه واجب او علشان تبقى بريئة الحجه لما ابص بره ولا علشان لستت الاحاديث والايات البتحرم رفضها المعلقها ليها فى غرفة المنوم

هكون سعيد معه انسانه بينى وبنهاالرغبه عارفين نوصل لسعاده مشتركه وعادله لطرفين حبين كده وكل وقت بنكون فيه كده وبكده حبين حياتنا كلها سوا لان من الاخر عايشن سعداء وراضيا

المشكله ان الفكر فى مجتمعنا العكس والبنات مبرمجه على العكس وبنها وبين انها تفهم كده او تصرف على كده مية حاجز

فيرت لاخوكى لو قبلتى بنت بتفكر كده مناسبه ليه امسكى فيها ونادي عليه لان النوع ده نادر جدا ودخت عليه مش ملاقيه

تحياتى واسف على الاطاله
محمد رسمي

انسانة واقعيه said...

الحقيقة جربت موضوع جواز الصالونات دة
واتاكدت انها فكرة فاشلة لانها كانت تجربة فاشلة

يعنى متهيالى اقرب معنى يوصفها هية كلمة .. عافية..

اة عافية ..عافية هتحبية وعافية هترتحيلة وعافية هتعيشى معاه

ولو سالتى لية ..محترم ...متعلم .. هيعيشك فى مستوى اجتماعى مناسب ليكى

طيب مكل دة موجود فحياتى دلوقتى ومش فاقدة شىء منة؟؟ يبقى لية وجع الدماغ والدخول فى ربطة زى دة

اة والله يا ايمان بتبقى ربطة مش ارتباط

تحسى بجد بخنقة ..تحسى ان حتى حالتك النفسية وتعبيرات وشك مبقتش بايدك

كمان غصب عنك لازم تبتسمى .. ولو سالتى لية اقبل ؟
يقولولك رد عجيب اوى ..لان مفيش سبب منطقى للرفض

وطبعا دة بالنسبالهم .. وكل اسباب العالم هتبقى برضة غير منطقية

وعلى فكرة انا مقصدش ان بيبقى الانسان مش كويس..لا اقصد الفكرة والطريقة نفسها..بجد فاشلة

والحمد لله ربنا نجانى منها

وكلامك مظبوط يا ايمان انا متفقة مع وجهة نظرك

تسلم ايدك

Unknown said...

بالضبط كده .. مفيش سبب منطقى للرفض ده تعبير عجيب
ده لو مشروع و لقيتى نفسك مش مرتحاله مش هايقولولك كده

و انيل حاجة احساس العافية ده
زى مانكون فعلا متبرمجين