Saturday, May 3, 2008

21 - جواز الانتريهات

أصل ماعندنش صالون فى البيت!!

بغض النظر عن الطريقة ( صالونات .. جامع .. كنيسة .. نت .. مكاتب..) متهيألى ممكن نتفق ان الهدف من النوع ده من العلاقات هو الجواز ... صح كده؟
لو مش صح حد يقوللى يا ريت

هو صحيح مسئولية , بس الجواز برضه حاجة جميلة و حلال و تعطى احساس بالصحبة و ان البنى آدم مش لوحده فى الدنيا دى

بس هل ده كافى انه يكون هدف؟؟
انا اللى اعرفه ان الهدف هو الانسان! انى اقابل فلان و اللى احنا اقتنعنا ببعض و اصبح ( هدف مشترك ) اننا نكون اسرة سوا لكن ان هدفى يكون شبكة منورة و شقة مفروشة بالكامل و فرح صحباتى يغيروا منه - و يا ريت حتى ده مضمون- ده صراحة مش هدف
و لا الخلفة هدف
ولا البيت هدف

فى الجوازات دى عادة اللى بيحصل هو الاتى:

العريس -- يطلع المازورة و برفع المقاسات و يتأكد من انها على مزاجه لضمان عامل الانشكاح
الام -- تتفحص البيت و الاسرة لاستبيان التوافق الاجتماعى لضمان عامل الفشخرة

و اقطع دراعى ان ماكان اصلا من الاول شاف صورة لانه طبعا هايتجوز الشكل و يا ريت الصورة تبقى من فوق لتحت
يعنى انا اتلخصت من الاخر فى لازمة واحدة!!!

آه بيفتح مواضيع .....بس عشان اوافقه فيها
آه بيتكلم عن الستات و مشاكلهم ...... بس عشان يسمع ان آه هو عنده حق
امال يعنى هانفشكل الجوازة!!

هنا طبعا البنت اللى شكلها مش قد كده مالهاش اى سوق لان أول مالراجل بيشوف صورتها بيصرف نظر
و هنا طبعا الراجل مالهوش صورة لانه فى النهاية الراجل مايعيبوش الا جيبه .. لو قرد بس هايجيب شبكة يشيل

يعنى الست سريرو تجيب عيال اولهم بعد 9 شهور من ليلة الدخلة لاثبات حالتها الصحية و رجولته
و الراجل بنك كل اللى عليه يصرف على الجرمأ ده

طب انا عايزة اسأل سؤال..

صعب اوى كده انى الاقى حد عايزنى انا عشان انا؟؟
كتيرة مثلا؟؟؟
مش عشان شكلى مناسب و مش تخينة و سنى يجيب عيال و عيلتى ناس كويسين و سمعتى مافيهاش حاجة و ماتخطبتش قبل كدة؟؟؟ - يا ريت بس كنت بيضة ملفولة القوام تقدس الحياة الزوجية .. كنت يقيت فعلا العروسة اللقطة- و يا سلام لو اصل و فصل و حسب و نسب


حق جوزى اللى ماجاش انه يكون عارف و متأكد انى عايزة اتجوزه هو مش اى حد تانى زى ماده حقى انا كمان
ولادى يبقوا ولاده هو
بيتنا يبقى بيتى انا و هو
هو مش راجل و السلام

و وحياة ربنا لو ماجاش مش البديل انى ( آخد ) اى حاجة و السلام .. اهه يبقى اسمى متجوزة
الجواز مش سلعة فى سوبرماركت بتنقى الماركة اللى عاجباك و مستوفية الشروط بالسعر المناسب اللى على قد اللى فى جيبك

اى حد فينا بيحترم نفسه شوية متهيالى ممكن يشوف انه يستحق من هذى الحياة ذات ال 6 مليار نسمة واحد بس شايفه

THE ONE

انتى اقيم من انك تكونى ( عروسة)
انت فيك حاجات كتير اهم من انك بس تبقى ( عريش)

و الهدف هو مشاركة فلان مش تغيير البطاقة

21 comments:

Lobna Ahmed Nour said...

انتي عارفة يا ايمان اني انا بجد باحسد

اللي بيفكروا في الجواز بالطريقة

التقليدية بتاعة العروسة والعريس

والمقاسات .. يا بختهم لو كانوا فعلا

مقتنعين بده

وياسلام لو كلنا نفكر كدة علشان راحة

الدماغ .. ولا ايه رايك ؟

Unknown said...

مممممممم
ماهو الجهل طول عمره مريح على فكرة
ماحدش قال انك اما تعرفى اكتر هاترتاحى
بالعكس ... ابسولوتلى !!

بس هى حلوة لو من منطلق اننا نلعب لعبة عريس و عروسة ...هههههههه

Anonymous said...

kteer bashof etnain metgwzeen shaklohom so`3ayar , we lamma bashofhom m3ahom 3arabya 7adisa keda we homma bayn 3laihom enohom msh welad nas awy ya3ny byb2o 90% metgwazeen msh 3n 7ob saloonat ya3ny .
bs lel asaf 90% mn elly ana bashofo , ya2mma el ragel 3amal ybos 3ala kol wa7da t3addy , ya3ma hyya 3amal tbos 3ala kol wa7d y3ddy which is worse tab3an .
ana 3n nafsy msh ba3tared 3ala el gawaz beltari2a dih , bs 3n nafsy i think enny hafakar fih ka 7al msh ka mabda2 , we b3d sen mo3ayana , akon weltlha mn `3air ma la2y the one elly enty bet2oly 3laih dah ya eman which i dont believe in by the way .
ana ba7eb 3n nafsy arga3 lel din fi asas tafkiry fi mo3zam el aw2at we lamma fakart l2ait en el naby 3sws lamma etgawez a3zam 7ob fi 7ayato mn `3air bay3odo m3 ba3d b2a we ysabelo lb3d we yshof we yedrs , kol t3mlo m3aha kan fil sho`3l t2riban . dah tab3an `3air en hyya elly talbeto .
so mawdo3 the one dah msh lazm we msh asasy ya3ny , el en el wa7d lamma ylga2 lel esloob dah mn el gawz enno ydawr sa7 we yshof wa7da f3lan kwaysa , l2n belnesba lel ragel el zawga el sale7a hyya 7asanet el donya .

Unknown said...

ايه اللى يخلى ان الست تبص للرجالة لو مش مبسوطة مع جوزها اوحش من ان الراجل يبص للستات لو مش مبسوط مع مراته؟؟؟

Anonymous said...

بصى هو كلامك جميل بس مُعمم أوي يا ايمان ...

لحظة انا مش بهاجمك .... مدونتك وسطورك رااااائعيين بحق .... احنا بنتناقش

انتي بتقولي...

"صعب اوى كده انى الاقى حد عايزنى انا عشان انا؟؟
كتيرة مثلا؟؟؟
مش عشان شكلى مناسب و مش تخينة و سنى يجيب عيال و عيلتى ناس كويسين و سمعتى مافيهاش حاجة و ماتخطبتش قبل كدة؟؟؟ - يا ريت بس كنت بيضة ملفولة القوام تقدس الحياة الزوجية .. كنت يقيت فعلا العروسة اللقطة-
"

كلام جميل جدا .... بس فيه اشكالية صغيرة أد كدة .... الانسان اللي عايزك عشانك انتي دة , هيعوزك ازاى كدة إلا لو كان فيه اطار ما بيجمعكم وقربكم من بعض .... اطار زمالة , قرابة , جيرة , نشاط اجتماعي .... أى اطار طبيعي من الأًطُر الطبيعية اللي ترتضيها لنفسك قربتكم من بعض .... وخليتك تحسي أنه هو دة , وخليته يحس أنها هي دى .... وبكدة تحقق النقطة اللي بتتكملي عنها .....

طيب جميل , بس لنفرض الأًطُر دى كلها مش موجودة .... لنفرض أن كل الرجالة اللي فى دائرة الأًطُر دى حواليكي مفيمهش واحد بس ينفع يكون "هو" .... ايه الحل فى الحالة دى .... والله فيه ملايين البنات بيفتقدوا الأًطُر دى كلها .... ساعتها ايه الحل .... ازاى كل دول يتجوزا ولازم يتجوزا .... ساعتها مافيش غير جواز الصالونات كحل يقربهم من بعض عشان تلاقي "هو" ....

مش مشكلة أن اللي جاي عايز البنت , عايزها عشان شكلها حلو أو مش تخينة أو أو أو .... البنت اللي راضية بدة هى حرة ومفيش مشكلة بالنسبة لها .... والبنت اللي بتفكر زيك وعايز شكل العلاقة يبقي ارقي , تتأكد انه جاي عشانها هي ودة مش صعب أبدا على أنثي .... والله لو جاي عشانها تمام نكمل ولو جاي عشان أى سبب غير "الانسان" يبقي تقوله معلش ومفيش نصيب ودة برضة مش صعب على أنثي .... بلاش نعقد الحياة على نفسنا .... والله انا شفت جوازات صالونات تفرح القلب من قمة الرقي اللي فيها .... شفت الأخ اللي يفضل يلح على المتقدم لأخته انه يتأكد أنه فعلا عايزها .... ويسأل أخته كذا مرة على مدي شهور أنه فعلا هو الانسان اللي هى عايزاه .... وكل دة قبل قراية الفاتحة أساسا .... ولغاية اخر لحظة قبل ما يجيب خطيب اخته الشبكة بيأكد عليه ويسأله هل هي فعلا "الانسان" اللي انت عايزوه والا لأ .... وشفت أمثلة تانية غير دى كتير تفرح زى ما شفت برضة أمثلة تقرف فى جوازات الصالونات , أبسطها خااااااااالص , البيه اللي أول مرة يشوف البنت فى صالون أبوها ومافكرش ولو لحظة يشوفها قبل ما يروح ولو من بعيد .

ليه مانفكرش فى جواز الصالونات كأطار زى أى أطار بيقرب اتنين من بعض بأسلوب ترتضيه البنت قبل الولد .... مجرد اطار يقربهم من بعض عشان هو يعرف انها هي وهي تعرف انه هو .... مجرد اطار لايمكن هيحكم على العلاقة فى المستقبل بالفشل أو النجاح .

Unknown said...

انا مش بقول ان 100% لا يمكن ان يكون فى جواز صالونات ناجح
انا بقول ان نسبة فشله لاسباب كتير فى رأيى اكتر من نجاحه

غير ان الجواز مش لازم خالص
الحكاية دى لازم نبطلها بقى ... الجواز فى حد ذاته مش هدف يا ناس
و ماينفعش يكون هدف

اما انك تكون شفت حالات فدى عندك حق فيها

بس القاعدة فين؟ ده اللى صعب شويتين

وانا مبسوطة انك هنا و ياريت تفضل هنا علاطول

Anonymous said...

enty f3lan btes2ly we 3ayza egaba walla enty mestanya el egaba elly fi dma`3ik .

Unknown said...

انا عايزاك انت تعبر عن نفسك
مش عايز ترد خلاص بلاش.. ده اصلا مش اساس الموضوع

Rasha said...

ا جماعة دينيا ما هو تغريف الزواج او الهدف منه؟ أول حاجة المودة و الرحمة, و ماحدش يقولي اكيد طبعا انت مش بتتجوز كلب تتبطب عليه شوية و تهشه لمل تعوز.
انت بتتجوز انسان,روح لازم تكون مقتنع ان هو بس اللي هيقدر يسعدك مش اي حد تاني
جواز الصالونات ده بيفكرني باعلان فودافون بتاع التايه في البحر اللي لقى جزيرة مليانة ستات, حلويين و مش مهم المضمون, لكن اول ما يبقى عنده مركبة تانية هيروح لجزيرة تانية.
الخلاصة لو تم الزواج بدون الاقتناع التام و الرغبة الخالصة للطرف الاخر, صدقوني و شفتها كتير هيحصل ملل و بعد شوية صداقات في خارج نطاق الزواج و هكذا
الناس تقولك محدش مبسوط في جوازته ده العادي, يا سلام مانتو السبب

Lasto-adri *Blue* said...

I feel its very generalized.. and to my knowledge.. the salanota works better than love stories.
yes there are exceptions.. and yes i hate the salonate concept, which i don't take for myself.. but somehow it works!

but if you looked closly you'll find it "all" sort marriges that goes wrong... but a certain category, either salonat or love...

P=S=Y=C=H=O said...

kalmak mazbot awy ya eman..
bas 3ayza a2olek 3ala 7aga ezay 3ayza gawaz salaonat ya3ny wa7ed ma shfesh el wa7da eli fi sewar w 3ayzah yekon 3ayzha heya 3ashan heya..

3morha ma 7at7sal asln..
howa gey 3ashan 3aref enha bent nas w w w w w el aham en shaklha 3agbo whatever ba2a el gawaz da masha wala masha wala nag7 wala la2a

awel 7aga yetbas 3aleh shaklha w specially ba2a fa gawz el salonat da dah belnesbla li ragel

bensabla li bent lw lesa ma3detsh el sen 7att3weg 3ashan 3 7agat
awlelha en fi wa7ed tany fi 7aytha
saneha..shaklo mish 3agbha
a7'erha.. mish betfker fi mawde 3di delw2ty

lw 3adet ba2a el sen eli be2olo 3aleh w ba2et 3ala 7afet el 3enosa
w zan fo2 el dem3' ba2a
3'sab 3anha 7atrda 3ashan el zan eli fo2 dem3'ha da
w 7atbtedy tatnzal ba2a 3an el shakl aw kan metgwez aw ma7'lef el mohem ta7'ls men eli heya feh w ta7'las men lakb ''3anas''

lw el nas bas tefhaaaaaaaaaam en dah gawzzzzzzzz mish sal2 bed
ya3ny 7aga maseraya keda maynf3sh tegy keda kan zaman nasbet el tal2 2alet

howa so2l hena??
el nas 7atb2a far7ana w enty motl2ah bensblha ar7am me enk tekony 3anes mish keda??
kamet el gahl asln

Samar Ali said...

hmmm...
modo3 gameel ya emy..
enti 3rfa eny a2fla el bab da..malosh lazma wla m3na..

w m3 nas bytfkar el 7ekya betet3a2d..l2nena msh 3lla ma2as el mazora asln

Wael said...

اخشى ان معاكى حق فعلا

بس اعتقد ان اللى بيقدموا على زواج الصالونات هما شريحة معينة , اللى مبيقدروش يكونوا علاقة تعارف بنفسهم سواء لسبب نفسى او دينى او ايا كان السبب , وبالتالى بيقدم على زواج الصالونات وطبعا بيختار افضل حاجه - وهى المظهر - بغض النظر عن الحاجات الاهم .


على اى حال , تعددت الاسباب والزواج واحد

Unknown said...

بالضبط يا رشا
و المصيبة اننا عمرنا ما بنفكر فى اللى بعد الفرح

عندنا القصة تنتهى بالفرح التحفة .. فى حين ان القصة تبدأ بعد انتهاء الفرح

لست ادرى:

انا حساكى بتناقضى نفسك شوية .. منين انتى ضده من حيث المبدأ و منين ماتفضليهوش لنفسك لكنك شايفاه احسن من جواز قصص الحب؟؟


سيكو:

مانا عارفة يا بنتى .. انا اللى هايجننى ليه الانسان مستقل بقيمة نفسه اوى كده؟؟؟

آآآآآآآآآآآآه يا سمر
أه من المازورة و اللى عاملاه ... لأ و النيلة ان المفروض البنت استك .. تجيب مقاس المازورة اللى مع الراجل اللى جاى
حاجة بنت كلب و الله!!!

Unknown said...

وائل:

انا مش عارفة اوصفلك مدى انشكاحى من كلامك و خصوصا انه منك
بس المشكلة ان الجوازات المترتبة دى باى شكل و اى منظمة بقى بتخدم ناس من كافة اشكال الناس
مش بس الشريحة اللى ممكن تكون اجتماعيا مش قد كده و مايعرفوش يقيموا علاقات

النيلة الاصلية فى نوع من الرجالة بيصيع و يلف و يعمل كل اللى نفسه فيه و يخلى مامته تجيبله بنت الناس البريئة اللى تجيبله عيال و تسد الخانة بتاعت "المدام" و بس

Shimaa Gamal said...

لما بقول إن جواز الصالونات جواز جواميس بيقولوا عليا معقدة . مع إن المشكلة الوحيدة إنى مش فاهمة إزاى واحد و واحدة ياقبلوا بعض بنية الجواز
الطريقة اللى بيتم بيها جواز الصالونات و اللى إنتى وصفتيها عروسة المازورة تضمن الإنشكاح و بنك يصرف فده فى رأيى نوع من أنواع الدعارة القانونية .
الست للإنشكاح و الراجل بيصرف فى المقابل الفرق إنه عقد طويل الأجل
و الكلام بتاع أصلك هاتحبيه بعد لما تتجوزوا . طيب فرضنا محبتهوش . أو أصلاً إزاى هاتعايش مع شخص مش بحبه علشان خاطر هو جوزى و مسيرى أحبه ؟
الجواز مهم أه ، ضرورة لأ . يعنى مش لازم نعمله علشان الأسباب الغلط .
و أكيد مش بالطريقة الغلط . مش بطريقة منورين ، نقرأ الفاتحة و نجهز الشقة و حرام تأجلى الخلفة و معندناش بنات تطلق و لازم تعيشى علشان عيالك

هو ده بقى الجواز؟

Unknown said...

و أكيد مش بالطريقة الغلط . مش بطريقة منورين ، نقرأ الفاتحة و نجهز الشقة و حرام تأجلى الخلفة و معندناش بنات تطلق و لازم تعيشى علشان عيالك


هايل يا شيماء هاااااااااايل
الكلمة دى هايلة فعلا

Anonymous said...

first time for me to post on the net..but really what you are saying sounds strange....you are only 26 years old!!!! and you have allllllllll these feelings against men and marriage why kda??? yes tab3an being independant and FREE and not married is great bas bardo having someone to love you and you love him is very important..marriage does not mean you are weak or a maid or a man haythakm feekyyy...this is not marriage this is ghalasa...
you sound still young and i am sure one day soon you will meet a man and from there you will change your view..i am not saying marriage is life akeed no tab3an ..life has soooooooooo many other things bas dont you wish sometimes that you have someone special beside you..some one that even though you are independant you can sometimes bardo depend on him..some one to hold hands and laugh even play together...it doesnt matter how you get married salonat or love or 7'atf even....almohem ykoon fee no3 min alkbool and feeling relaxed to the other person....yabenty al3ab is not in marriage al3ab now is that the MEN homa alatghayaroo and ba2oo 3yall you cant depend on and have no responsibility...and yes staying single is better that marrying someone and carrying his responsibility as well...

Unknown said...

" bas dont you wish sometimes that you have someone special beside you..some one that even though you are independant you can sometimes bardo depend on him..some one to hold hands and laugh even play together"

Of course I do! And because I want these things I'm talking about saying no to all these kinds of marriages that depend on the idea of ( gawaza wesalam )

انسانة واقعيه said...

الحقيقة زى مذكرت قبل كدة انا فعلا مريت بالتجربة دة ..وكانت صعبة ..اصلا مكنتش موافقة على المبدا وكنت شيفاة تخلف لان الجواز مش هدف بحد ذاتة زى مقولتى..ولكن ظروف معينة او امر حتمى معين اجبرنى على المقابلة الاولى ..وعارفة بجد

كانت فى منتهى السخافة بالنسبالى وبالنسبالة وهوة كمان كان اول مرة يقعد قاعدة زى دة وفضل هوة وبابا يتكلموا وانا شوية وهعيط

والموضوع تخيلى كان ماشى وشغال بحجة ان مفيش سبب منطقى للرفض..بس ولله الحمد وقف وقبل اى خطوة ايجابية تتحسب عليا سواء خطوبة او غيرة

وبحمد ربنا بجد ..وش ندمانة لانى على الاقل الموقف دة خلانى اثبت على رايى اكتر واقولة وافرضة عليهم لان دة حياتى انا

فاكيد طلعت منة بفوايد..ويمكن بينى وبينك البنات اللى بتقبل كدة بيبقى نوع من تكبير الدماغ العالى والرغبة فى الراحة .. يعنى هتكبر دماغها من كلة ولا شغل ولا بتاع واللى هتعوزة هتلاقية

بس اكيد فية حجات فى الحياة اهم بكتير..وانا برضة مش بشجع قصص الحب اهى دة ابشع وادل

انا شايفة ان لو الانسان قابل الطرف اللى يرتحلة يدخل بشكل جدى علطول ..مش جاهز يبقى يسكت لحد ميجهز محدش يعلق حد معاه وبعدين ميحصلش نصيب لاى سبب ..ونرجع نقول ندم وخيانة وكلام خايب كدة مش جايب تمنة

ربنا ادانا عقل نميز بية..والمهم اننا مش نستسهل..المهم نقدر قيمه نفسنا وقيمة الحياة ونعيشها صح

ونبطل السلبية لانها بجد ذادت اوى فكل حاجة بقى تكبير الدماغ صفة سايدة فجيناتنا

تسلم ايدك ايمان

Unknown said...

ربنا ادانا عقل نميز بية..والمهم اننا مش نستسهل..المهم نقدر قيمه نفسنا وقيمة الحياة ونعيشها صح

ونبطل السلبية لانها بجد ذادت اوى فكل حاجة بقى تكبير الدماغ صفة سايدة فجيناتنا


يسلم قلبك و عقلك
اهه انتى قلتى اللى نفسى فعلا فى الجملتين دول