هى ليه الست فى مصر بتوكل راجل تانى فى جوازها؟
ليه انا ماجوزش نفسى؟
ليه ابويا يسلمنى لجوزى؟
ليه راجل يسلمنى لراجل تانى؟
انا اجوز نفسى .. انا انطق بالعهود .. انا اسمع الوعود
اتعهد له و يتعهد لى ..وجها لوجه
انا ليه احتاج انوب حد؟؟
انا بدعى كل البنات تفكر فى السؤال
انا بدعى كل الرجالة انهم يفكروا و بس
ليه انا ماجوزش نفسى؟
ليه ابويا يسلمنى لجوزى؟
ليه راجل يسلمنى لراجل تانى؟
انا اجوز نفسى .. انا انطق بالعهود .. انا اسمع الوعود
اتعهد له و يتعهد لى ..وجها لوجه
انا ليه احتاج انوب حد؟؟
انا بدعى كل البنات تفكر فى السؤال
انا بدعى كل الرجالة انهم يفكروا و بس
46 comments:
النهاردة كنت بفكر برضة فى نفس الموضوع دة وانا بتفرج على فرح واحد قريبي .
>ليه محتاجة حد ينوب عنها ؟؟؟؟
مممممممممم , لأنها باختصار أميرة بتجري مراسم تتويجها وبالتالي كأميرة هتبقى ملكة بعد سويعات , بيبقى ليها ألف واحد وواحد حواليها يعلموا ليها وعنها اجراءات التتويج
شفتِ الاجابة بسيطة ازاى
علشان ماتبقاش فوضى
ياانسه ايمان
وبعدين مش الست فى مصر بس اللى اللى بينوب عنها رجل دا كل المسلمين كده
حتى بره برده معظمهم كده
ثانيا :الرجلين اللى بتتكلمى حضرتك عنهم دا الوالد ودا مش هتكلم عليه لانه طبعا اقرب حد للعروسه (للمراه يعنى )والرجل الثانى دا اللى انتى اخترتيه(العريس)
الا لو مكنش الاعتراض على الرجل فى حد ذاته يعنى نظام عقد وحركات من دى دا يبقى كلام تانى
احمد الكومنت بتاعته فيها جنتلة قوي :)
والكومنت بتاعتي مش هتبقي كدة لان سؤالك ده غبي قوي و مستفز..خصوصا حتة راجل يسلمني لراجل تاني ...ده اللي هما المفروض ابوكي و جوزك...(ربنا يشفي)...المهم يا طنط ان هو ده نظام الجواز .. وبما انك المفروض واحدة بتفكر او عايزة تبين كدة المفروض تحترمي الأنظمة والقوانين ...لأن مش من حق حد يعمل اللي هو عايزة اذا كان بينتمي لمكان او مؤسسة ،...الخ ليها قوانين. لأ ده بيطبق او (بتطبق) قوانين وانظمة المكان او المؤسسة دي. و موضوع الجواز كدة برضه نظام و قوانين في اطار عقيدة و دين (سيبك من الاعراف لانها ممكن تتغير). لو مش عاجبك بقي الجواز بالنظام ده عندك حل من اتنين بما انك الست المفكرة يعني...يا اما ماتتجوزيش يا اما تتعتهي وتعملي زي اللي ضرب الدبانة اللي واقفة علي وشه بالنار ..
لو عايزة تفكري يعني و تبقي بتعرفي تقولي يعني و عندك دماغ و كدة شوفي حاجة اهم شوفي مشكلة بصحيح وفكري علي حل ليها وبلاش تفاهة و غباوة.
الى احمد
و افرض هى مش عايزة الامارة دى؟
انا اللى بتكلم فيه ان الاختيار حق موجود
و هى مش هتبقى ملكة ولا حاجة و التفكير الرومانسى ده - زى كل الرومانسية - بعيد عن واقع حياتنا
هى و انسان آخر بيتعاهدوا امام الله ان يتشاركوا فى كيان
الى انونيماس
ايه الفوضى فى انها تجوز نفسها؟؟
انت فكرتنى ايام ما الست كانت بتتطالب فى التصويت .. كان برضه فى ناس بتقول ان ده هايعمم الفوضى لانه حايبعتر الاصوات فى عدد ناخبين اكتر و حاجات من دى
فى كتير شايفين فى حصول المرأة على حقوقها انه فوضى
انا بسألك ... ايه الفوضى فى ده
انا بتكلم جد.. فاهمنى لو فى حاجة انا مش فاهماها
اما التسليم .. فانا كل اللى بقوله انه اذا كان الاسلام سمح بحاجة و انا عايزاها .. ليه لأة؟
بره دول تقصد مسلمين؟؟
لو كده يبقى انا على قد ماعرف يعنى فى بلاد كتير البنت فيها بتجوز نفسها عادى
و لو مش مسلمين بيتهيألى برضه انها بتجوز نفسها عادى
اكيد ماعنديش اعتراض و السلام و الا تبقى -زى ما قلت بالضبط- عقد و حركات
انا بس ضد المعنى اللى فى بنات كتير بيشوفوه جميل
و اللى شايفاه مش كده
و كله فى الاخر حر
طالما بيفكر فى اللى بيحصل حواليه و مختار مش بيعمل زى مالناس بتعمل و خلاص
طبعا ردى ل انونيماس الاولانى
اللى انا اعرفه يا مجهول التانى انت ان الاسلام يسمح للمرأة بتوكيل نفسها
و لو عندك مشكلة فى ده ارجع لمدرس الدين بتاعك
طالما هو حاجة مسموحة .. انت زعلان اوى كده ليه لدرجة ان عروقك طقت و اتخليت عن اى سيطرة على لسانك
اصل دى لا يمكن تكوت ردود ناس نحترمة على بعض
الجواز بالنظام ده مش عاجبنى اه .. و فى نظام غيره.. و نظام يجوزه الشرع
مالك بقى.. مفروس اوى كده ليه؟؟ ايه اللى نائح عليك يعنى؟؟
A2olek ana howa mafros leeh !!
3ashan el regalah bet7ab el manzara
w lama mat7'desh aboky wakelak aw ay ragel wakelk w teb2a enty waklet nafsk
teb2y enta keda..!!3a'lty fi zat el 3olya..w albety el awda3
ma3eny shyfha 7oraya sh7'sya gedan
kol wa7ed 7or ya3mel eli ya3gebo w eli howa ma2meen beh..
3o2ad na2s ba2a
nice post ya bet;)
سؤال عادي بيخطر على بال ناس كتير زي أحمد برضه اللي فكر فيه انهاردة:] ومش بس إيمان وأحمد ناس كتيييييير عادي جدا
مش سؤال غبي يعني يا أخ انونيموس انت
بالعكس انا بشكر إيمان انها بتشركنا تساؤلتها وافكارها وتخلينا نتناقش فيها بإحترااااااام وإما نتفق او نختلف
دة اللي اسموا نقاش محترم بس اكيد انت مسمعتش عنو يا انونيموس (اسمك مستفز اوي زيك كدة)
و قبل ما تقول رأيك ابقى شوف هتقولوا إزاي دة لو عايز الناس تقتنع بيه بس اكيد برضه ده هيبقى صعب عليك اصل دة عند الناس المحترمة بس و(ربنا يشفي ال جمييييع)
إيمان.. المرأة لازم اللى يجوزها ولى أمرها.. دا أساسا فى أصل الإسلام
ومن حقها إنها تزوج نفسها ولكن مش هو الأصل
ممكن ترجى كتب الشريعة
أما ليه؟
فأولا مش لازم نعرف ليه ربنا أمرنا بإن المرأة لا تنكح الا بولى
وثانيا.. لو خيرونى.. ح طلب إن والدى هى اللى يحط ايده فى إيد العريس.. لإنى مش جاية من الشارع .. دا ربنا الحمد لله أنعم عليا وطالعة من بيت وأسرة.. يبقى ليه ما أتباهاش بكدة قدام الأسرة الجديدة؟
بصليها مش من منطلق ذكورى بس.. إنما من ناحية تكريم...
وفعلا مش بهرج
ايوة لكن ده لا يمنع انه يجوز شرعا بغض النظر عن الاصل
اما معناها و مغزاها والدعوة الى تعزيز المرأة بذلك فهو امر يخضع للأمور الشخصية و كل واحد باصصلها ازاى
يعنى انا مش بقول ان اى بنت تفكر و تقول عايزة توكل حد دى بالضرورة بنت امعة و ضعيفة .. بس برضه مش اللى تجوز نفسها اكيد واحدة من الشارع
بس .. تفكر و تختار اللى يريحها هى مش اى حد تانى
تختار ايه .. اكيد حاجة تخصها و من حقها بالكامل تحققها
:)
لو هى مش عايزة الامارة , ولا التكريم , ولا المباهاة المباحة سواء ليها أو لأهلها ؛ يبقى ...
1. تعرف هى "ليه" عايزة كدة ؟؟ وايه الهدف والفائدة من دة .
2. تشوف مرجعيتها رأيها وحكمها ايه فى رغبتها فى تزويج نفسها .
3. لو مفيش مشكلة مع المرجعية , تبدأ تفكر ازاى هتنفذ رغبتها فى تزويج نفسها .
صباح الخير أو مسائه على حسب التوقيت المحلي
العزيزه إيمان
بعد فترة ليست بالقصيره من متابعة مدونتك الممتعه القويه أسمحي ل بالتعليق القصير الأتي
من الواضح أن كتب الفقه أجمعت على أن من شروط عقد الزواج (النكاح) بالتعبير الفقهي وجود ولي للعروس، ويرتكز هذا الرأي الفقهي على حديث واحد فقط مرفوع للسيده عائشه، والحقيقه أنا عجزت أن أجد أي أشارة لشرط الولي في القرأن الكريم، أعتقد الموضوع محتاج شوية تفكير ومراجعه
تساؤلك منطقي جدا، خصوصا أن التبريرات الموضوعه لوجود الولي كلها تبدو تلفيقيه
زي حكاية أميره وتتويج والكلام ده
بس غريبه ليه عدوانية المعلقين دي؟
تحياتي وأحترامي
مره أخرى شرط الولي يعد شرط تمام وليس شرط صحه
والأيه الكريمه تقول
"فإن طلقها فلا تحل له من بعد حتى تنكح زوجاً غيره" [البقرة:230]
وهي هنا تنكح لنفسها دون ذكر لولي
والحديث الشريف يقول "الأيم أحق بنفسها من وليها والبكر تستأذن" رواه مسلم
وأنا شخصيا أرجح الأخذ بالية القرأنية فهي تبقى الأصح والأضمن
تحياتي: :
هو طبعا و كالعاده الناس هنا مش بتعرف تتكلم و ترد من غير م "تلطش" فى غيرها و طبعا اللى بيرد من غير ما يسيب اسمه ده عامل زى اللى بيرمى طوبه من البلكونة على حد ماشى لا بيه ولا عليه فى الشارع. المهم .. ما علينا
زمان يا ايمان كانت البنت فعلا محتاجة وكيل .. عينى عليها كانت ولا البقرة فى مزاد ... كبار العيلة بيختاروا العريس و بيتفقوا على السعر و بعدين بيتمموا البيعة ... و طبعا ليلة الدخلة ... زى أى بقرة فى أجدعها زريبه لازم العريس و امه و امها يدبحوها و يوروا الناس دمها
النهارده الدنيا اتغيرت شويتين ... لكن طقوس بيع البقرة لا تزال قائمه
الشرع بيقول أن لا تنكح البكر الا بولى( و بعض الفقهاء حكم بأن عقد الزواج هو عقد فاسد بدون ولى). اما الثيب (المطلقه أو الأرمله) فهى تنكح بولى أو بدون
ده ألى أنا أعرفه عن الشرع و الله و أعلم لكن رأيى أنا الشخصى أن أى أب يتمنى أن يكون الولى بتاع بنته فهى حاجه ظريفه زى كده ما الأجانب الأب بيسلم بنته للعريس فى الكنيسه . يعنى وجود الأب فى يوم زواج بنته حاجه رمزيه, و على فكره ساعات العريس نفسه بيكون ليه ولى.
ay bent el "maftrad "madam ba2et fi sen el roshd leha el 7orya el kamla fi karrtha fi 7aytha..3ashan betkon waslt lil nodag el fa3ly fi sh7'sytha w tafkerha w men kol el naw7y.. dah el tab3y fesyologyen..
lw 7anklem 3an moktm3na..
dah yeb2a mawdo3 tany
w specialy lw mawdo3 7asas zay el ''gawaz''
men el badehy w tab3y en bent tetgwez bi wakel..tamam
tayeb naftred en el bet di yatema
mish 7attgwez..la2a 7attgwez..
bas 7ala 3an 7ala tefr2..
hena mafesh 7aga esmha keda..wala sam3t 3anha enha 7aslt abel keda!!w belzat lw ahlha 3ayshen..
el mawdo3 dah belzabt keda zay mawdo3 el '' 3esma''
El a7' anonymous el tany da..
awlan...enta magtlksh el gara2a w el shaga3a enk te3ln keda 3n nafsk w twarena ta3ltk el bahyia ely mlyana 3o2d.
sanyean b2a...lesank taweel byzeyda 7bten talata...msh mn el eslam ya 7adret el beeh enk trod bel manzar da...by2olo en f deena 3eeb...3arfo? ely enta ma7mo2 awi kda 3leeh w mask f shoyet hayafa.
rabena yeshfek enta w amsaalk...maho ely zyako homa ely may3eshena f el gahlia el tania ya beeh.
انا عايز اقولك حاجة بجد مش تريقةولا اي معني تاني
انت دمك خفيف اوي واصلي الحقد لأنك بجد كل مابتحقدي اكتر انا بضحك من كلامك اكتر
بصي يا يوميات عانس حقود
عايزاقولك اني مش مع Anonymous
التاني في بعض كلامه لكنك انت بردة رديتي عليه بطريقة سوقية لا تختلف كثيرا عن طريقته بل اراها تزيد كان يجب انك تبدأي بنفسك وتردي عليه بطريقة ألطف من كدة
بالنسبة لموضوع الولي اناشايف انه شيئ جميل وتكريم للمرأة زي ماقال بعض القراء اما لو انك لم ترغبي في ذلك فانت حرة زوجي نفسك بنفسك من غير ولي ولكن هل اهلك هيوافقوا؟
سوقية؟ عموما شكرا
انا ما هاسكت لحد و اديله خده التانى لما يستخدم اهانات مباشرة
و كفاية حكاية انونيماس دى .. انا بفكر اتجاهل اى حد اجبن من انه حتى يستخدم اسم مستعار
شكرا
Alexandrian far away
لتوضيحك
مروة رخا:
والله اللى شابفة نفسها بقرة تروح متأمأ بعيد عننا بس ما تحاولش تدعى ان تنبلة الحيوانات عزة عشان دى قديمة اوى فى عصر ما قبل البتنجان اما كان الشعر بيتكتب فيها يتغزل فى مدى تقلها من تخنها و كسلها
و قاللها "تمشى الهوينى"ولا الهوينة .. مش عارفة تتكتب ازاى بس هابص هههههههه
Crystal Lobna :
انا مش عايزة اقلبها قال الله و قال الرسول لانى مش أهل لده بس انا اتأكدت قبل ماتكلم .. رجائى تراجع مصادرك من غير احكام مسبقة
Hanno:
شكرا ليكى انتى .. و اطمنى اوى .. ان شاء الله لا هاسكت ولا هابطل اسأل
drsamoor :
الجاهلية التانية للأسف مش ناتجة عن جهل .. الجاهل فى الاول و فى الاخر جاهل .. دى جاهلية متنقية .. منقيين فيها امتى يبقوا بيفهموا كويس و امتى يرجعوا بالشريط قرون من الزمان
لأ و ايه .. الظرف انهم فاكريننا هانخاف!!
mostafarayan
يا ريت كلامك و موقفك يكون اوضح من كده .. ماعتقدش ان هدفك من التعليق التعليق على شخصى و انت قلت ان التريقة برضه مش قصدك ... طب انا ممكن افهم ايه من كلامك
يا ريت لو سمحت تفهمنى
اناAnonymousاللي انت وصفتيه بالجبن
شكرا لوصفك ودة بس من ذوقك العالي جدا
بس Anonymousدي مش من عندي دي من عند بلوجر اللي انت عاملة مدونك عنده
وبعدين سؤال يعني هي هتفرق معاكي ايه اذا كان اسمي سعد ولا سعيداعتقد ان فكرةالمدونات هي مناقشةالأفكار مش الأسامي
من كتاب الأم للإمام الشافعي
"( قال الشافعي ) وجاءت السنة بمثل معنى كتاب الله عز وجل أخبرنا مسلم وسعيد وعبد المجيد عن ابن جريج عن سليمان بن موسى عن ابن شهاب عن عروة بن الزبير عن عائشة رضي الله تعالى عنها أن رسول الله صلى الله عليه وسلم قال { أيما امرأة نكحت بغير إذن وليها فنكاحها باطل فنكاحها باطل فنكاحها باطل فإن أصابها فلها الصداق بما استحل من فرجها } .
وقال بعضهم في الحديث فإن اشتجروا وقال غيره منهم فإن اختلفوا فالسلطان ولي من لا ولي له أخبرنا مسلم وسعيد عن ابن جريج قال أخبرني عكرمة بن خالد قال جمعت الطريق ركبا فيهم امرأة ثيب فولت رجلا منهم أمرها فزوجها رجلا فجلد عمر بن الخطاب الناكح ورد نكاحها أخبرنا ابن عيينة عمرو بن دينار عن عبد الرحمن بن معبد بن عمير أن عمر رضي الله عنه رد نكاح امرأة نكحت بغير ولي أخبرنا مسلم وعبد المجيد عن ابن جريج قال قال عمرو بن دينار نكحت امرأة من [ ص: 14 ] بني بكر بن كنانة يقال لها بنت أبي ثمامة عمر بن عبد الله بن مضرس فكتب علقمة بن علقمة العتواري إلى عمر بن عبد العزيز وهو بالمدينة إني وليها وإنها نكحت بغير أمري فرده عمر وقد أصابها ( قال الشافعي ) فأي امرأة نكحت بغير إذن وليها فلا نكاح لها لأن النبي صلى الله عليه وسلم قال { فنكاحها باطل } .
وإن أصابها فلها صداق مثلها بما أصاب منها بما قضى لها به النبي صلى الله عليه وسلم وهذا يدل على أن الصداق يجب في كل نكاح فاسد بالمسيس وأن لا يرجع به الزوج على من غره لأنه إذا كان لها وقد غرته من نفسها لم يكن له أن يرجع به عليها وهو لها وهو لو كان يرجع به فكانت الغارة له من نفسها بطل عنها ولا يرجع زوج أبدا بصداق على من غره امرأة كانت أو غير امرأة إذا أصابها قال وفي هذا دليل على أن على السلطان إذا اشتجروا أن ينظر فإن كان الولي عاضلا أمره بالتزويج فإن زوج فحق أداه وإن لم يزوج فحق منعه وعلى السلطان أن يزوج أو يوكل وليا غيره فيزوج والولي عاص بالعضل لقول الله عز وجل { فلا تعضلوهن } وإن ذكر شيئا نظر فيه السلطان فإن رآها تدعو إلى كفاءة لم يكن له منعها وإن دعاها الولي إلى خير منه وإن دعت إلى غير كفاءة لم يكن له تزويجها والولي لا يرضى به وإنما العضل أن تدعو إلى مثلها أو فوقها فيمتنع الولي . .
"
هية وجهة نظر!!
بس إنتي حيقلل إيه من شأنك لو المسئول عنك هوة اللي إتكلم (أو بلغ رأيك) بالنيابة عنك ؟
مش بونقك والله .. أنا بس عايزة أفهم اللي إنتي بتفكري فيه ..
ريحي نفسك شوية
ازيك يا ايمان انا بصراحه اول مره ادخل على مدونتك النهارده وانا على فكره زميله لك فى المهنه وكمان فى الحقد وعمري ذيك تمام بس انا ختها من قصيرها وخت تخصص اكاديمي ممل بعد ظغط معنوي ومجتمعي مع شويه عدم ثقه بالنفس المهم والله كلامك قلب عليا المواجع الجديد والقديم لاني بقول نفس كلامك بس على نطاق اضيق لغليه اما كل اللى حوليا اتهمونى بالحقد وعدم الرضا وكثره الشكوي بلا داعي يعنى عايزه ايه من الددنيا اكثر من كده معيده بكليه الطب والعريس اكيد جاي جاي هو انتي شويه مش عارفين انه الشغل ده اسوا شى حصلي والعريس الى جاي جاي مفيش اي بشاير بيه يعني اختك بعد اختيارها الخاطى بتضيع وقت بصراحه يا ايمان انا بحقد عليك علشان انتي بتمارسي المهنه الى كنت اعتقد انا فى الوقت الحالى ليكى ممكن تعملك satification من غير اما يكون غيرها فى حياتك
انا عاوز اتجوزك
ايه رأيك؟
:)
عريس
يا أهلا بالعرسان ..هههههههه
اما زميلتى فى المهنة و الحقد
مش مهم كلنا نستخدم نفس الاساليب و الاسلحة
المهم اننا نحارب و يبقالنا دور
جايز انا بعمل كده .. اعملى انتى حاجة تانية
المهم ... تعملى حاجة
و ان شاء الله الاقيكى هنا كتير بس يا ريت تعملى ليكى اسم و لو مستعار عشان بس اعرفك
سارة سويدان:
مش هاينفع اريح نفسى طول ما فى حاجات كتير غلط و طول مانا عايشة فى وسط العايشين للأسف
هى مش حكاية ايه اللى هايقلل و مين اللى هايزود .. هى عملية زى ما قلت قبل كده .. الاختيار بس مش اكتر
طيب اجي اكلم بابا امتي؟
عريس مسمسم
:)
طب ايه رأيك يبقالك هوية مبدأيا؟
و لا يهمك
مقدرش ازعلك ابدا
ادي الهوية
:)
لما اختى اتخطبت وكنا ايامها فى دولة من دول الخليج و كان والدى عنده فى الشغل ستاف كبير من الاجنبيات من جنسيات مختلفة وكانوا بيستغربوا جدا من قلق بابا وسؤاله على عريس اختى واخلاقه لدرجة انهم كانوا بيقولوا لبابا يا بخت بنتك ان لها اهل يسالوا عن عريسها ويهتموا بيها ... لان كل واحدة منهن كان ليها بوى فريند واهلها فى بلدها مبيعرفوش عنها حاجة ويسمعوا خبر جوازها مثلا فى التليفون من غير ما يشوفوا عريسا ولو لمرة
يا جماعة يا فيمينست ياللى دماغكم راكبة شمال الدين من عند ربنا مش من عند بشر وربنا هو الاعلم بما يصلح لخلقه مش عاجبكم حكم ربنا دى مشكلتكم انتم
(على فكرة كلامى للمسلمات فقط)
يا جماعة يا فيمينست ياللى دماغكم راكبة شمال الدين من عند ربنا مش من عند بشر وربنا هو الاعلم بما يصلح لخلقه مش عاجبكم حكم ربنا دى مشكلتكم انتم
بالظبط كدا .محدش يقول ده تعصب ده دينا .مش هنقص ونلزق فيه على كيفنا مش كل حاجه مش عجبانا نقوم نفتكس ونقول ليه منعملش
القوانين دى مش من صنع بشر ولا من صنع اسامه ولا اى حد بيتقال عليه متعصب
معلش انا طولت بس بدايق بجد اما الاقى حد بيعترض على حكم الله .الله هوا خالقنا .
لو انتى عملتى لعبه صغيره كدا بتتحكمى فيها زى ما انتى عايزه حتى لو كسرتيها هتعترض ؟!
ربنا ادانا عقل نفكر بيه
بس مش معقول عقلنا المتواضع ده هيعدل من قوانين الله.لان ببساطه كل شئ من صنعه هوا وحده
تحياتى
وربنا يوفقك
سمية:
اللى انتى بتتكلمى عنه مش بيتناقض مع اللى انا بقوله
فيها ايه لو ابويا شاف العريس و سأل عليه و وافق عليه و انا اللى اكتب كتابى لنفسى؟؟؟
ليه دى مش مع دى؟؟؟
شكرا على انك شايفة دماغى راكبة شمال
و على فكرة.......مدونتى لكل البنى آدمين
من غير اسم:
للمرة الالف ... ده لا يتعارض مع الدين
دى حاجة مسموح بيها دينيا
و من غير كلام كتير منى و من غيرى فى الدين عشان ده للمكان ولا المجال
انا بس عايزة ا}كد انى عارفة انه لا يتعارض مع الاسلام
انتوا اللى واخدين من الاسلام كبس النفس عشان عايزين تتكبسوا
احنل واخدين من الاسلام كبس النفس وانتى يا ايمان بتاخدى منه اللى يعجبك وييجى على مزاجك المهم انه ميكبسش على نفسك ونسيتى (او يمكن متعرفيهوش اصلا) حديث سيدنا محمد عليه الصلاة والسلام (حفت النار بالشهوات وحفت الجنة بالمكاره) والحديث معناه ان الجنة محتاجة صبر فى الدنيا ...صبر على الشهوات والمزاج والاهواء ... مش اخد من الدين الحاجة اللى عاجبانى واطنش اللى مش عاجبنى واقول اصله بيخنق ولا اقول دة مش من الدين اصلا ...
يا بنات الدنيا دى كام سنة بنعيشهم ربنا بيختبرنا فيهم وبعد كدة فى حياة طويييييييييييييييييييييييييييييلة هنعيشها كلنا.....خلووووووووووووووود يااما فى النار يا اما فى الجنة يبقى شعارنا فى الدنيا لازم يكون ( ان صلاتى ونسكى ومحياى ومماتى لله رب العالمين لا شريك له وبذلك امرت وانا اول المسلمين)
وكمان نفتكر ان ربنا بيقول ( وما كان لمؤمن ولا مؤمنة اذا قضى الله ورسوله امرا ان يكون لهم الخيرة من امرهم )
يعنى ربنا لما يضع قانون اقول سمعا وطاعة بدون مناقشة ولا اعتراض ( دة اذا كنت عايزة الجنه) دة لان ربنا هوة اللى خلقنى وعارف الاصلح ليه ( والله يعلم وانتم لا تعلمون)
اه انا ممكن اناقش بابا او ماما او جوزى لكن ربنا مينفعش افاصل فى حكمه
يا بنات تانى؟؟
انا مش هناقش امور احاديث و فقه لاسباب معلومة و مغهومة
اللى شايفة ظ شايف انه مش بيعمل كده لاسباب دينية هو حر
و فى الاخر كلنا مش مخللين فيها
طب يا ايمان بلاش بنات ....اقول ايه بس؟؟؟ :)
والله يا ايمى انا مستخسرة عقليتك الحلوة وثقافتك العالية تهدر فى كلام مش جوهرى...مشكلة مجتمعنا مش ان البنت تكتب كتابها بنفسها او تعيش لوحدها ... احنا مشاكل مجتمعنا اكبر من كدة بكتيييييييييييييير
مجتمعنا محتاج اعادة بناء للانسان واعادة احياء الاخلاق الانسانية والقيم اللى كل الاديان بتدعو ليها واللى بتشهد انهيار كامل اليومين دول بيتبعه فساد اجتماعى واقتصادى وسياسى... كله بينصب على كله وكله بيكدب على كله وكله بيسرق كله وكله بيتهم كله انتى مش معايا فى كدة؟
اتمنى ان كل بنت واعية ومثقفة زيك تكون لبنة فى بناء التغيير ... التغيير للاحسن...تهتم بقضايا اكبر من الحرية الشخصية للبنت لقضية الحرية بمفهومها الواسع واللى احنا محرومين منها فى وطننا
وبعدين يا ايمى انتى مسمية نفسك عانس ليه ... انتى لسة صغيرة اوى على كدة
انا معاكى فى ان شكل الحياة محتاج تغيير
بس انا مش معاكى ان قضايا المرأة اللى مطالبة تعيش على شكل حياة الناس فى القرن الماضى انها تعيش بيه فى عام 2008
الدنيا اتغيرت و البنت لازم تجمد معاها
انا مش عانس
فى كلمة صغيرة فوق على اليمين هاتفهمك الوصف ده جه منين
طيب يا ايمان ايه هية قضايا المراة اللى انتى بتتكلمى فيها؟؟ ان مش شايفة غير دعوات للتمرد على العادات الصح منها والغلط والتمرد على بعض ما لا يسمح به الدين اللى هوة القانون الالهى على الارض ...عموما انتى حرة فى ارائك وفى طريقتك فى الحياة ... كل انسان بيختار طريقه وربنا يهدينا جميعا لصراطه المستقيم
السلام عليكم ورحمة الله وبركاته
اختى الغالية ايمان,, لكِ مدونة جميلة ودمها خفيف وحلوة,,, ام اعن رأي في الموضوع فهوان لكل انسان الحق في التفكير في هذه الحياة حتى في المسلمات والحقائق حتى يزيد اقتناعنا بها واعتقد ان الدين عندما شرع زواج النساء بموكل فلابد ان هناك سببا ما وراء ذلك لذا عليك ان تبحثي انتِ عن السبب لا ان تبحثي عن البديل.
وتحياتي لكِ
السلام عليكم يا دكتور إيمان
أولا أنا زميلتك في المهنة
أنا قريت من مدونتك ما شد انتباهي كثيرًا لكن هذه المدونة بالذات استفزتني للرد
و استفزني للرد أكثر جدالك في ثابت من الدين
لأن شروط العقد هي
1- الإيجاب و القبول
2- الولي
3- الشاهدان
4- الصداق ( المهر )
5- الإحصان بمعني أن تكون عفيفة غير زانية أي لا يعرف عنها أنها زانية أو أنه زان إلا أن يتوب.
6- الكفاءة ككفاءة الدين و ( استثني منه زواج المسلم بكتابية ) و كفاءة الحرية ألا يكون عبدًا مثلا و هناك كفاءات أخرى لم تشترط لصحة العقد كالمال واللون والجنس والقبيلة والمنزلة الاجتماعية فكل هذه الاعتبارات مهدرة، ولا تخدش عقد الزواج.
7- الصيغة و هي الصيغة التي يتم بها الإيجاب و القبول في عقود الزواح عند العقد
ده شرع ربنا يا إيمان و بالنسبة لأدلة وجوب الولي كشرط من العقد في حد كتبها في تعليق هنا مفصلة
و يكفي قول النبي صلى الله عليه وسلم: [لا نكاح إلا بولي] وقوله: [أيما امرأة نكحت (أي تزوجت) بغير إذن وليها فنكاحها باطل، فنكاحها باطل، فنكاحها باطل، فإن دخل بها فلها المهر بما استحل من فرجها فإن اشتجروا فالسلطان ولي من لا ولي له] (رواه الخمسة إلا النسائي).
ده شرع ربنا ماينفعش نجادل فيه زي ما انتي ماينفعش تقولي ليه الفجر ركعتين و الظهر اربعة
لما ربنا يقدر لنا شيء في الشرع هو لحكمة علمناها او جهلناها
و الحكمة مش عشان يخنق المرأة و لا عشان يتحكم فيها الرجال و يسلمها راجل لراجل
ديننا كرم المرأة و لا ينكر ذلك إلا جاحد
و بلاش يا إيمي نتكلم في الدين بالرأي لأن الدين مش برأيي و لا برأيك
مين احنا عشان نجادل في دين ربنا
و مين انا و لا انتي عشان نحكم إنه يجوز بغض النظر عن الأصل
لا
الأصل هو ما أنزله الله و حكم به رسوله و جواز غير الأصل هو اللي بيكون له أحكام
لا أنا و لا انتي اللي بنحددها
برضه شرع ربنا اللي بيحددها سواء بأدلة في القرآن أو أقوال الرسول صلى الله عليه و سلم أو أفعاله و أفعال صحابته.
مش باقتناعي أو اقتناعك الشخصي
لأن ربنا اعلم بينا منا أنزل شرعه و بعث من يبينه.
أرجو متاخديش الدين برأيك يا إيمان احنا اقل من إننا نجادل في شرع ربنا و حتى الفقهاء و الأئمة لما كتبوا في دين الله كتبوا عن علم و قراءة و بحث في الأدلة و البراهين و حياة وهبت من أولها لآخرها لدين الله
عشان كده لما نكون مش عارفين حاجة بندور علبها من كلام الفقهاء مش عند مدرس الدين اللي هو أصلا مدرس عربي و إنسان عادي
بالظبط زي واحد بدل ما يروح للدكتور يكشف عليه يروح لواحد معاه بكالوريوس تجارة واقف في صيدلية
و ماتقوليش مافيش حاجة كده بيقفوا ياختي ):
سمية
شكرا لاحترامك لحرية الآخرين حتى لو مشم موافقة على طريقة حياتهم
هو ده بالتحديد اللى نفسى ان كلنا نعمله, اننا نسيب كل حى فى حاله
متشكرة اوى
و اسفة على التأخير فى الرد
بلا اسم
اللى اعرفه ان الدين سمح كمبدأ بان الست توكل نفسها لكن الاخترف فى الشروط
اهلا بيك فى اى وقت و اسفة على تأخرى فى الرد
رقية
متشكرة اوى لمحاولتك اللطيفة انك تفهمينى
انا اللى اعرفه انه مش حرام ان الست تجوز نفسها و لا يبطل الزواج
فى شروط طبعا و منهج للموضوع ده
متشكرة لتعليقك مرة تانية
شكرا جزيلا لكتابة هذا ، كان من المفيد unbelieveably وقال لي للطن
و ايه اللى كنت(ى) تبحث(ين) عنه؟
Τo bеgin, you vоlіtiοn
want tο applу аn oil οr lotіοn to οne of your foг self bosom tantric masѕage 1.
Tо gіve yоursеlf a thеatгісаl rοle іn the malе sexual system.
It focusеs on the аbstеntіon bеnefits to gettіng tantric massаgе s in general.
Feel freе to surf tο mу page: erotic massage london
Post a Comment