Sunday, January 27, 2008

7 - البيوت اسرار

لولولولولولولولولولييييييييييييييييييييييييييييييييييييى

شفتوا يا عيال !! مش امونتكوا سجلت حلقة فى التليفزيون!!!!!!!!!!!!

اه و النعمة

من كام يوم سحر معدة برنامج البيوت اسرار فى قناة ال ايه آر تى عين سألت مروة رخا ( حبيبتشى) انها عايزة ضيوف لحلقة عن العنوسة و طبعا صاحبتكوا اكبر مفضوحة فى الموضوع ده ... هيهيهيهيهيهيهى

رحت النهارده و سجلت الحلقة و قابلت د\غادة عبد العال البلوجاوية الشهيرة صاحبة مدونة عايزة اتجوز
و قابلت دينا بنت السيناريست بشير الديك مدرس فى الجامعة الامريكية

والله كان يوم ظريف اوى .. جو الاستديو اصلا كان ظريف .. و المعدة اصلا دمها زى السكر و المناقشة كانت حلوة

كنا 3 بنات و ولد من الشباب و على الناحية التانية 3 استذة جامعة للطب النفسى و علم الاجتماع و الصحة الجنسية

مش عايزة احرقلكوا الحلقة ( على اساس انكوا هاتشوفوها طبعا!! ) بس يعنى حبيت اسجل اليوم هنا لأن انا سبب مرواحى اصلا هو المدونة دى

و بجد مش اكلاشيهات تليفزيون شكرا ليكوا لنكوا بتفاعلكوا معايا اديتونى ثقة استمر و الا كنت هتكبس كبسة المحشى و اسكت للمرة التلاتين الف فى عيشتى ( لاوننى مافتكرش انى كنت هاسكت بس كنت هاكلم نفسى) و شكرا لمروة انها اديتنى الفرصة دى.


و تفضلوا بقبول فائق الاحترام

مقدمه لسيادتكم \ عانس حقود

7 comments:

Sue said...

WOW Congrats ya khokha :) tayeb emta exactly el 7ala2a dee 3ashan netfarag 3aleiky akeed talama enty fiha el 7ala2a 7ateb2a gamda gedan asslan :D MUAH

P=S=Y=C=H=O said...

7alwteek
w kebrna aho w ba2ena bentl3 fi talfazyon:D
mat2oly ya zakya emta w feen 3ashan netfrg 3aleha sa7 !!

Emma said...

wallahy ana lesa kont 3ala elmob ma3 elmo3eda
awel mana sha5seyan a3raf ma3ad el7ala2a ha2olloko ablaha :D
7ayso annany ma3rafsh :D:D

bas shokran 3ala el ehtemam

mostafarayan said...

انا فتحت قناة عين الساعة 9ونص لكن لاقيت برنامج تاني بيتكلم عن غزة
مالاقتش البرنامج بتاعك ايه اللي حصل
لعل المانع خير

nesreen said...

السلام عليكم انا شفت الحلقة واعجبت جدا بارائك القوية وشخصيتك اللذيذة بس ماشالله عليكي انتي عانس حلوة ومثقفة وبيكفي انك دكتورة بس صدقيني الاولاد احلى شي في الدنيا وبيكفي انو حيجي يوم وتلاقيليك سند بالدنيا بعد ما خلقت بنت وولد كل حياتي اتغيرت وعلى فكرة انا اتجوزت وعندي 26 يعني لا عاني ولا حاجة وربنا يرزقك بالانسان اللي يفهمك

Emma said...

نسرين
انتى اكيد ماشوفتينيش لأن الحلقة ليسة هتتذاع بكرة الجمعة 15 فبراير ان شاء الله
ربنا يسها و يبقى عندك وقت تشوفينى بقى
ماشى؟

Emma said...

مصطفى
فعلا البرنامج اتأجل عشان البطولة و ان شاء الله العرض الجمعة اللى جاية