تعريف
لازم الأول نعرف إحنا بنتكلم عن إيه ... يعنى إيه عانس و إيه هو الحقد
" العنوسة"
هو تعبير عام يشمل الذكور والإناث على حد سواء للتعبير عن حالة بلوغ شخص ما سن فوق معدل سن الزواج دون زواجه/ها.فهذا الشخص أكبر من إن يتزوج ولكنه يستعمل أكثر مع النساء
تنتشر العنوسة في مصر بدرجة كبيرة , فبحسب الإحصاءات الرسمية يوجد في مصر 9 ملايين شاب وفتاة فوق الـ35 عاماً لم يتزوجوا، منهم 5.5 مليون شاب و3.5 مليون فتاة فوق سن الـ 30.
ومعدل العنوسة في مصر يمثل 17% من الفتيات اللاتي في عمر الزواج، ولكن هذه النسبة في تزايد مستمر وتختلف من محافظة لأخرى، فالمحافظات الحدودية النسبة فيها 30% لأن هذه المحافظات تحكمها عادات وتقاليد, أما مجتمع الحضر فالنسبة فيه 38% والوجه البحري 27.8%، كما أن نسبة العنوسة في الوجه القبلي هي الأقل حيث تصل إلى 25% ولكن المعدل يتزايد ويرتفع في الحضر. وأسباب انتشار العنوسة في مصر هو ارتفاع معدلات البطالة في وغلاء المهور والإسكان وارتفاع معدل التعليم بالنسبة للإناث! (1)
سيبكوا كم كل اللي فات و خلينا في نقطتين ..." مرور سن الزواج و ارتفاع معدل التعليم للإناث "
- السن ممكن تكون مفهومة أو على الأقل متوقعة .. الصعايدة و الفلاحين و الأرياف يعتبروا اللي عندها 17 سنة عروسة و اللي عندها 23 عانس ... في القاهرة الأمور بتمشى عند 23 و تقلق عند 25 و تسرع عند 27 و تيأس عند ال 30
- الأسباب؟ الأسباب الظاهرة هي إن عمر الست كأنثى و كأم قصير ... بالبلدي يعنى سن اليأس .
لأنها بعد هذا السن لا تصلح لأن تكون زوجة و بالتالي لو كانت غير متزوجة يبقى مش هتتجوز و لو اتجوزت يبقى كتر ألف خير جوزها انه مش متجوز عليها, وطبعا لا تصلح كأم و أكيد لا تصلح للقب امرأة.
لكن السبب الحقيقى هو إن المجتمع لازال ينظر للست كمكافأة في حياة الرجل .. الولد بيتربى على انه يذاكر عشان يخش كلية محترمة" عشان يوم مانروح نخطب لك مانبقاش مكسوفين" , و بيشتغل عشان يحوش حق الشبكة و المهر و فستان الفرح عشان اما يجمعهم ربنا يكافئه بحصوله على المرأة.... و يا ربت ده من باب مثلا تقدير بقيمتيها أو جادة .. إطلاقا
العانس في مجتمعنا هي اللي في بالانجليزية
single
من الأخر كده! كل و أي واحدة مش متجوزة ممكن تكون عانس داخل مجتمعها ... مش مهم بقى عندها كم سنة لأنها حاجة بتخضع لظروف المجتمع نفسه.
العانس و أصدقائها
.العانس هي أخر من يعلم بأخبار الجواز و الخطوبة و الصحوبية و الفركشة
.العانس هي سبب كل الحوادث الغير متوقعة لان عينيها وحشة
.العانس هي مصدر الأر و الفقر و النبر و الحسد و كل المشاعر السلبية
العانس هي الفاضية اللي تضبط مواعيدها على مواعيد المدامات لأنها بحكم إن حياتها بدون رجل فهي حياة فاضية و بالتالي هي مفروض تكون متواجدة و متوفرة في اى وقت و إلا تتهم بالنذالة .
العانس هي سبب الفسخ و الطلاق و سقط الأجنة و النزيف و الخناقات الزوجية .
العانس بتتحول في حياة صاحباتها إلى كارت معايدة ... تحضر حفلات الأفراح و الخطوبة و السبوع و العقيقية وزيارات المستشفيات و المآتم ... تبارك و تهني و تزغرد و تبكى و تمشى ... مجرد ديكور لزوم سد خانة الأصدقاء عشان الوجاهة الاجتماعية تكمل
العانس في العمل
- العانس في العمل هي محط الأنظار فهي لو أتكلمت مع المتجوز يبقى خرابة بيوت و لو كلمت العازب يبقى بترسم عليه. و الخاطب يبقى بتحط نفسها في الشبهة . و الأصغر منها يبقى خلاص يأست .
- العانس لو عملت حاجة كويسة المقابل بيكون الدعاء بالعدل , و كأنها في الأصل مايلة و هو بقى اللي هايعدلها !
- العانس لو جت يوم متشيكة يبقى مأفورة و أعراض المينوبوز (2) ظهرت عليها بدري و لو راحت الشغل عادى يبقى" شوفوا والنبي المنظر .. طب ازاى حد ممكن ينطس في نظره و يبص لها" .
العانس و الأفراح
- العانس في الفرح متهمة في كل الأحوال ... الملابس الملونة بهرجة واحدة ميتة على الجواز و الألوان الهادية معناها أنها متنكدة
- العانس اللي بترقص رخيصة و صايعة و مش ليدى و لو قعدت في الكرسي يبقى قعدت زى الكبة مش طايقة نفسها.
- العانس لو قبلت عزومة فرح يبقى عشان تشوف عرسان و لو رفضت يبقى أكيد يا عيني بتتعب اما بتروح فرح .
- و في كل الأحوال العانس طبعا غيرانة
(2) المينوبوز هى المرحلة الخاصة بانقطاع الطمث عند الستات و اللى مرتبطة بتغيرات هرمونية و سلوكية و نفسية - عند بعض الستات – عجيبة. بتلاقى منظر البونيه بالوردة من الجنب مع ثلاث طبقات بودرة و سبع الوان فو عينيها و ملابس ولا الدنيا ربيع
38 comments:
أحلى حاجة في كلامك أنه كله صح، وفعلا المجتمع بيبص للبنت الي ماتجوزتش على أنها مالهاش لازمة ولازم تروح تدلق على نفسها جركن جاز وتولع فيه، اما بقى لو كانت كبرت وبقت عانس يبقى كل البلد تفضل تتصعب عليها، بلد عجيبة.
Sal:)
elmoshkla di mesh mogoda fi masr wala eldawal el3arbya bas it is everywhere a singel person isn't a lovable person wa mesh batkelm 3ala single ya3ni wa7ed mesh in a love relation wa 3ando girlfriend ana batkelm 3ala ely mesh metgwez howa elfar2 bas bena wa benhoum 2n e7na benbos 3ala elsingel dah lelbanat bas laken lelragel 3ady henak mesh far2a both of them are not lovable or so welcomed in communities
و جووووووووووووووووون
الدماغ دى متكلفه بس غالبا متكلفة صنف عالى أوى نسبة نقاؤه فوق الوصف
على فكرة انا قريت زمان ان كلمة العانس كانت بتستخدم للمذكر و المؤنس فعلا بس انتى عارفه الرجاله فلفصوا و لزقت فى الستات و اعتقد ان برضه كلمة عازب كانت مشتركه
التعريفات معجبتنيش اوى
لكن تفسيرك للرؤى للعانس فى كل مكان جامدة جدا
بس على فكرة انا عايزة اقولك يعنى ان مش كل اللى بيتجوزوا بيرتاحوا
يعنى تلاقى الواحده لما بتتجوز بقى برضه بيدعولها تخلف و يتقال عليها كلام
البلد دى ما بتسيبش حد فى حاله
بس عارفه اكتر حاجه كنت بكرهها بالنسبة للبنات اللى لسه ما اتجوزوش لما واحده تشوف مثلا البنت فتقولها ها مفيش حاجه فى السكه ؟
كنت بتخنق جدا من بنت عمى لما كانوا بيسألوها كده و تقعد تبرر موقفها ما تقولى و انتو مالكم
:)
اصل انا احب اهدى النفوس
laaa ya emaaan!!
gamda gamda gamdaa!!
3rfa...aslo mogtma3 ibn ***####@@!
blash mn awelaha tollet lesan :D
Begad ya khokha Gamda Mooot 7elwa awy we 3andeik 7a2 asslan fe kol 7aga e7na fel mogtama3 da el gawaz belnesba lihom hadaf fee 7ad zato mesh beyetgawezo 3ashan la2o 7ad bey7ebo we 3awzin yefdalo ma3ah la2a da beyetgawezo 3ashan da el hadaf wely mayetgawezsh yeb2a fashel we ma2dersh yewsal lel hadaf el samy beta3 el 7ayah :S
we asslan kaman elly yegen begad en kol el regala sawa2 3andohom 20 wala 30 wla 40 wala 50 wala 100 7ata 3awzin yetgawezo bnt 3andaha 19 aw 20 sana 7aga habal ya3ni wel moshkela enohom beytgawezo el bnt el 7elwa el rewsha we 7'alas fa el wa7ed yela2y en el banat el kewayessin mesh beytgawezo wel baant elly ..... homa elly beyetgawezo 7aga 3'ariba awy....
bas begad lazem el nas te3'yar nazreteha lel mawdoo3 da ya3ni el set elly mesh metgaweza mesh ma3naha enaha fiha 7aga 3'alat wala enaha a2al mel metgawezin ya3ni...
anyway i really enjoyed reading and cant wait to read more of yawmeyat 3aness :)
هههههههههههههههههههههه
هههههههههههههههههههههه
بجد دى كتاباتك
انتى معجزة
بجد كلامك يخلى الواحد يموت من الضحك والعياط فى وقت واحد
انا عديت على البوست ده امبارح وقريت اول سطرين بس
وانهاردة قريتة كله
بس بصراحة مزنوق مش عارف اعلق بإيه بعد الكلام بتاعك ده
عموما ليا عودة تانى
تحياتى
أحمد الصباغ
Asl Yabenty 7ta3mel Eh Fi Ta7'lof Eli E7na 3ayshen Feh..!
W Ta7'lof Dah menoz el azal sa3b ta3'erah.. 3ashan tet3mely ma3 nas betfham fi mawde3 di sa3b begad
fa ta7'lof bi ta7'lof ba2a..
rabena yeshefy el nas
keep goin' ya bet gamed a7'er 7aga
حلوة قوي المدونة دي
وكلامك كله صحيح للاسف
نحن نعيش في مجتمع مريض لايرحم نساءه والافظع ان القهر الذي تتعرض له المرأة على يد امرأة مثلها قهر مضاعف
فهي متهمة في كل الاحوال واغلب من يضايقها بالملاحظات السخيفة ستات زيها وكل واحدة فيهم متصورة انها محصلتش لانها اتجوزت والتانية تعتبر كسر علشان ماجالهاش العدل لحد دلوقتي
مجتمع مقرف صراحة
حلوة جدا مدونتك
علي فكرة المواضيع ابسط من كدة بكتير قوي
انت مكبرة الحوار قوي
انت كدة هتعقدي نفسك بنفسك الحياة كلها قسمة ونصيب واللي ليكي نصيب فيه هتأخديه
بلاش الأكتئاب النفسي الحاد اللي
السلام عليكم
انا لسة شايفة مدونتك انهاردة و هحاول اقرا كل البوست اللي عندك
المهم طبعًا كل اللي انت قلتيه دا حصل و بيحصل وهيحصل طول ما الناس بتفكر ان الجواز هو النهاية المنتظرة لكل بنت:
"مسيرك لبيت عدلك"
والبنت اللي متتجوزش الناس بتدعيلها وتقول:
ربنا يعدلهالك
على أساس ان حالها مايل من غير جواز أو بختها اللي مايل ..الله أعلم باللي بيكون مقصود
المهم ان كلام Bella
صح 100%
كل الكلام اللي بيضايق اي بنت متجوزتش بييجي من ستات و بنات
انما الرجالة وخصوصا في الشغل بحس انهم بيحترموا وبيحبوا التعامل اكتر مع اي واحدة مش متجوزة لانهم عارفين انهم بيتعاملوا مع شخص على نفس المستوى من الكفاءة والقدرات ..بني ادم مش هيستأذن ساعة رضاعة و لا ياخد أجازة وضع ولا رعاية طفل
الستات في الشغل بيرموا عليها الشغل حتى لو من اختصاصها انها تعمله بحجة انها هي وراها ايه
ما تتسلى فيه بدال ما هي فاضية
والحكاية دا اكتر حاجة مضايقاني الأيام دي فعلا ..لان اوقات بلاقي نفسي مضغوطة في الشغل بسبب اني مش متجوزة و الاقي اللي اكبر مني واللي اصغر مني بيرمي شغله عليّ
...
عندي تعليقات كتيرة تاني هبقى ارجع ان شاء الله
اعتقد ان تعليق فضفضة ابلغ رد على مصطفى ريان
شكرا يا فضفضة
و مستنية تعليقاتك على الباقى
بجد مدونة جميلة من اول بوست قريته
وان شاء الله اكمل
مهندس اسكندراني بالغربة
thx ya eskandarany
inshalla yekoon elba2y 3agabak
:D
كان فيه كلمة قريتها في سلسلة قصص عمر وسارة اللي كانت بتتنشر على النت من فترة, بتوصف ازعاج الناس للبنت حلو اوي:
-يا بنتى دول ناس فاضية ما تسأليش فيهم هم الناس كده يسألوا البنت اول ما تدخل الجامعة ) مفيش عريس
ولا ايه !!( ولما تتخطب )هااا الجواز امتى عاوزين نفرح بيكم !!( وأول ما يجوزوا )مفيش بيبى فى السكة
؟ !!( ولما تجيبى البيبى ) يالا بقى همتك هاتى له أخ يلعب معاه !!( ولما تجيبى الطفل التانى ويتأكدوا تماما
انك غرقتى فى المشاكل يسيبوكى غرقانة وما يسألوش عنك تانى !! بالذمة تعملى اعتبار لناس حشرية
كده ؟
و نسمع ليه اصلا؟
ربنا يخليلنا عقلنا يا اية
الحمد لله بجد الف مرة
انا لسة سامعة عن المدونة النهاردة و التعريف اللي انتي كاتباة للعانس
صح جداوالواحدةافضل لها الايام دي انها متديش ودنها لاي حد
واذا كان حد شايف ان الواحدة مادامكبرت بقت ال(OPTIONS) بتاعتها في الجواز قليلة او معدومة لازم يتقاله انه اكرم للبنت تستنى الشخص المناسب بدل ما تقبل باي حد لمجرد انها(كبرت) , واظن انه مافيش واحد مننا لاحظ ان في عيلته جوازة او اتنين تمت بالطريقة دي وفي الاخر( بعد ما تقع الفاس في الراس) تقابل الست مشاكل كتيرة ممكن توصل لاهانات حتى لان الزوج شايف نفسه املة و تضطر الالزوجة انها تيجي على نفسها (عشان ما ما تخربش بيتها)
ويشوف الاولاد المعاملة دي ويتعلم الولد ازاي يعامل البنت باستهانة وتتعلم البنت ازاي تبقى خنوعة وتلغي شخصيتها امام الرجل عشان ما تبقاش عانس وبعد ما تتجوز عشان بيتها ما يتخربش
و تستمر الحلقة المفرغة في الدوران.
بالضبط كده
تسلمى يا رب
ماعندكيش فكرة انا فرحانة بيكى ازاى
ربنا يشفيكى انت معقدة لية لبسة 50نضارة سودا لية بكرة تتجوزى حرام ما تعزبيش البنات بكلامك الى زى السم دة ربنا يهديكى الناس الى فوق عندى فكرة نلم من بعض منشترى عريس للاخت على شان نستريح منها ولا نجوزها لحد ناقص نكد
I am 2 years late... I have just seen this blog...
sooo true
I live abroad by myself... 2al eeh badress... but still in the egyptian community, it is so true.
I feel so rejected that I started avoiding all people.
I only have one more comment.
العانس بالانجليزى
is old maid or bachelorette. It is not so common because most of unmarried women date or have boyfriends.
Salam,
Thanks for reminding me of such a nice post :)
I know the meaning isn't single, I meant in Egypt. Any single woman is a sinister in their eyes.
and I can totally understand what you mean by living in an Egyptian society abroad, I hear horrible stories about people who live everywhere and refuse to allow any hint of thinking to come close to their brains.
Just promise yourself when the time comes and you have your own children, you'll remember that while dealing with them, cause this is the only hope for change that I can see :)
انت لسة عايشة حرام عليكى كفايةعقدى العالم من افكارك العقيمة اية يعنى اتخرتى شوية عن الهباب اقصد الزواج ارحمينا شوية وعقللى كدة انت شعنونة خلى املك فى الله اكبر من تخاريف مخك
اه يا ماتريكس ليسة عايشة هاروح فين يعنى؟ امر الله بقى
بعدين يا سيدى ادينى مسلية برضه
عندى فكرة ما تيجى نتجوز ونخلص الناس من كلامك ونريح العالم دة من نكدك
هممممممم
لأة
بجد الصبر طيب
مستعجلة لية ما فى ناس اتجوزت وبعد اشهر راحت للمحاكم الشرعية طيب اعملى زيارة لمحكمت الزنازيرى حتشوفى العجب وحتشكرى ربنا انك كدة من غير جواز
والله نصيبك ربنا شيلة مستعجلة لية يا ماما خلى عندك شوية صبر وبلاش تشاهدى الدش والحاجات دة الى تسرع عندك الهرمونات
بص
انت واضح انك لا فاهم انا باتكلم فى ايه ولا عايز تفهم و لا فارقة معاك
و كل ده من حقك, بلاش دوشة بقى
Clearly there is much to learn about it. I think he did some good things in features as well. Keep working, great job!
this is the google translate result. is this what you mean??
العانس الي تحس انها عانس
وبالنسبة للمجتمع يولع مجتمع منافق ظالم يدعي الفضيلة وهو ميعرفهاش
الميزة اني فوق ال30 ومتجوزتش
نضوج حرية في اطار تعاليم ديني عندي امل اني حتجوز حد يسعدني مش زي الي اتجوزت ولقيته مظلم عليها حياتها وفقدت الامل
انا فوق الثلاثين " ارفض ان اسمي عانس " واسعد واشرف بذلك لأن عندي امل السعادة و الي متجوزة بتحسدني عليها
اما بالنسبة لللاطفال دول رزق انا ايه الي ياكدلي اني لو اتجوزت حكون ام ده نصيب وانا برضي واسعد بالي ربنا بيكتبة لي
Anonymous:
يسلم عقلك و قلبك و لسانك
اهه ده كلام الناس الراسية على حال الدنيا الحقيقى و بتعيش فى سلام نفسى و ارتياح
ما الدنيا مليانة مشاكل, اجيب لنفسى هم بجوازة مش مرتاحة ليها ليه بقى؟
الحمد لله ان فى ستات زيك
عشان انا كده ان ادايما الحمد لله متفائلة
يومك هنا :)
فى اكثر من 9 مليون بنت لسة لم تتزوج خلاص يعنى انت عاملة فيها فلسفة وعلم نفس فى موضوع الزواج مكبرا الموضوع لية دة حاجة بتاعة ربنا زى الرزق وانتى عارفة اكيد كدة
ما تزعلى منى من كلامى السابق حرية بقة ربنا يخدها سلام المهم ما تزعلى منى
مش عارفة حضرتك اخدت كلامى كده ازاى اصلا
انا مش باتكلم عن الجواز من عدمه
انا باتكلم عن احساس البعض بنقصان من لم تتزوج بشكل اصبح يصيب الستات بنقصان الثقة فى النفس و عدم قدرتهم على مواجهة المجتمع
اما الفلسفة و علم النفس فهى علوم الحياة اللى لما بنتكلم فى مواضيع اجتماعية لازم بنخبط عليهم
اما مكبرة الموضوع, فهو طبعا موضوع كبير
اما تبقى عندك بنات الجيل بتتربى انها من غير راجل ولا حاجة يبقى موضوع كبير
شكرا لتعليقك و اهلا بيك و بتعليقاتك فى اى وقت
و ان كنت افضل ان تكون اكثر شجاعة و تظهر اسمك و حقيقة هويتك
انا ماتركس الى هاجمتك قبل ذالك
اسمى احمد بلاش نخلط الشجاعة فى مجرد اسم المهم الانسان من داخلة المهم سلوكة الكلمة وجعتنى مش عارف لية هو فى امن دولة عندكم على شان اخاف من ذكر اسمى اكيد لا ولاكن بس انت محصورة كلامك فى الجواز بس وامور متعلقة بة مش عارف لية خليكى منفتحة على كل الامور
Al salam 3alaykom eman .
This is a great blog.
I love it ... I have few comments for the the whole idea :
1- kabry dema3'ek men el mogtama3 bey2oul eih .. El mohem rabena beywaseky b eih
2- el bent el sale7a fe3lan hedeya gamela lel ragel bass heya hedeya men rabena . W kazalek el zoug el sale7 hedeya men rabena lel zouga . W belshokr tadoum el ne3am. Fa el matgawzeen ye7medo rabena we yra3o rabena fe azwaghom .. We elly lessa ma etgawezoush yes2alo allah men fadleh.
3- kelmet 7ader betraya7 7atta been el azwag ... F waseya l kol el nass yenfa3o mogtama3hom w ykataro men kelmet 7ader.
4- continue the good work . Show the pepole the optimestic point of view of the unmarried girl . Life is a great gift whatever your status ...... Al7amdo lellah rab el3almeen
Amr heyyyyyyyyy
What a nice surprise :)
1- ana mekabara dema3'y and you know it, bas still I try to look around and see how people think.
This is not for me, this is for younger women who are always put under the microscope in a way that affects their identities big deal
2- kalam mafeesh ba3do taba3an, wa ne3ma bellah
3- hahahaha :D 7ader
i really agree with you on this point
4- Doing my best wallahy, there's no other options!
I am begad so happy to see your comment ya Amr
Such an honor :)
Thanks
the most hurting issue i faced in this subject is that my brother said this term about me when i was 33 years old so what about now when i am 39 years old ?this term will go with me to grave
انا احيي كل عانس
لأنها انقذت رجلا من ان يكون تعيسا
معك عانس سنة أولى
أحييييييك من كل قلبي، لأن كل كلمة قلتيها صحيحة مائة بالمائة
أنا هنا أعيش في مجتمع محافظ ،و طبعا سن العنوسة الرسمي فيه يبدأ من خمس وعشرين وفيه ناس بعد الجامعه مباشرة وفيه ناس بعد الثلاثين على حسب المجتمعات
ولكن في كل الأحوال، أنا فخورة بعنوستي هذي، ولا يهمني كلام الناس، وأنا هي أنا والرجل لن يزيد أو ينقص شيئا مني، حتى لو كنت في نظر اهلي وجماعتي وكل من هم حولي ناقصة لأني ضلع اعوج يعتقدون أني بحاجة لمن يقومني ولكن من وجهة نظري أرى أني مثالية بحالتي هذه...يكفي أني اتمتع بالراحة والسكون..ولن اكذب على نفسي...كثيرا مابكيت لأني اود طفلا ولكن هذا لا يعني أني اسمح للآخرين بالشفقة أو مهاجمتي بأي حال من الأحوال...بأسا لمجتمع متخلف كمجتمعاتنا ويكفي أن تنظري لفارق اللفظ بين كلمة عااااااااانس وكلمة single
ولا نجدهم يطلقون كلمة
spinster
Post a Comment