Wednesday, January 16, 2008

2- الجيم

موانع شخصية و سلوكية و نفسية و دينية موجودة بيى و بين انى الروح الجيم ( من غير تعطيش الجيم) فى ايام الرجالة و الستات و بالتالى بروح الايام اللى فيها ستات بس. و ده طبعا لواحدة زى حالاتى نوع من انواع العقاب. حاجة تفوق الخيال ... اى مكان بتتجمع فيه الستات لوحدهم ده جنة لا نى باسمع فيه كلام من عينة:

"البطن الحلوة هى اللى تحت الوسط دى , الرجالة بيحبوها"
 "اصل المعدة لما تكبر عند الستات بيبقى الشكل عامل كرش كده وحش اوى"
"عارفة الجناب بتاعت يسرا كده؟ اهى بنتى عندها الجناب دى, بس يسرا طويلة. بنتى قصيرة. بس احسن,  الراجل مايحبش مراته تبقى اطول منه"
"انا هربط بطنى بس, مش بحب انا الرجلين تبقى رفيعة اوى. الست لازم يبقى بنطلونها مليان سنة كده. دى الرجالة بتتريأ على الرجلين الرفيعة موت!"
"والله حسب... اصلها امزجة, لعلمك فى رجالة بتحب الست الرفيعة جدا. طب ده انا واحدة صاحبتى مافيهاش حاجة خالص و جوزها مش متدايق بالعكس"
 "ايوة بس المنظر فى السواريه بيبقى وحش اوى البنت لازم يبقى فيها كده"
 "عارفة كله بيتحل بالكب"
"خطيبى مش بياكل السمك خالص." "لأ ة ما انتى لو عملتيه له بطريقة حلوة حياكله
( مانشالله ما عنه اكل , فى ايه؟؟ و لازم سمك يعنى؟ بتعلفيه فسفور من الخطوبة؟ جو التمثيل و التحوير ده اففففف) امال انا اعمل ايه .. ده انا خطيبى اكله قليل اوى

تيـــــــــــــــــــــــــــــــــــــت!

ايه ده؟! حرام عليكم. يا ناس اتقوا الله فىّ.
طيب فى نقطة مهمة: هل انا باسفه الاهتمام بالشكل؟ اكيد لأ. انا نفسى هناك عشان مش حابة شكلى يبقى مش عاجبنى. هل انا ضد ان الانسان يحب ان الناس تشوفه حلو؟ طبعا لأ, لانها غريزة جوانا كلنا. اى انسان بينبسط اما بيسمع تعبير استحسان من انسان آخر سواء فى الشكل او العقل او الشغل او اى حاجة بقى. انا نفسى انبسطت اوى بالتعليقات هنا ان المدونة عجبتكوا.
 طب ما الحياة بيس اهى ... ايه بقى؟

اقول لكم ... انا اللى بيطلّع كل زرابينى, ان الست عايشة عشان تاخد شهادة الايزو من الرجالة.  الحلاوة هى اللى الراجل يقول عليها حلو و الوحاشة هى اللى يقول عليها وحش. و المأساة بتبقى اما الكلام يبعد عن الشكل. البنت بتبقى ذكية اما الراجل يقول عليها ذكية, و مثقفة اما يقول كده.
لحد هنا مش غريب. الغريب ان حتى النجاح فى العمل مرهون بتصديق الراجل عليه. و لاننا عارفين ان رجالة كتير للأسف مش هيقبل ان الست تكون احسن منه. و ده يؤدى الى ان الست – ايا كانت قناعاتها – بتحط لنفسها سقف ماتعديهوش بينها و بين نفسها, و الا لو عديته حتجازف بالخطر الاكبر و هو بعد الرجالة عنها. و ده اصلا من الافيهات اللى اتهريت فى الدراما العالمية و المصرية بتاعت الست اللى لما بتنجح بتدفع تمن ده من انصراف الرجالة عنها. و بالتالى تعيش بقى الست فاهمة "آخرها" كوي ساوى. فهى لو ذكية, اكيد مش اذكى منه. و لو شاطرة مستحيل اشطر منه. و ده بقى يقوم مودينا للكارثة الكونية اللى انا مقهورة بسببها و باكتب البوست ده اصلا و هو مرض مزمن يعانى منه بناتنا:
UNDER-ESTIMATION

اللى بيعانى منه بنات كتير. و اللى واحد من اكبر الامثلة عليه زميلاتى فى كلية الطب اللى كانوا دايما بيقولوا "انا لو عييت مستحيل اروح لدكتورة ست!!" اصل برضه الراجل اذكى كده. لأ لأ احنا ماننفعش نبقى دكاترة*
هى هنا طبعا بتقول كده حتى تعلن لعالم الرجال غبائها و تعاهدهم على الغباء و الطاعة عشان تكون "ست" فى نظرهم, لانها طبعا مش حتكون ست الا لما تسمعها منهم!

الى هذه الدرجة و اكتر البنت بتتربى على انعدام الثقة و الامان و الاحساس بذاتها فى حالة عدم وجود الراجل فى حياتها. لدرجة انه مهما كان ثمن ده من احساس بالدونية و اذلال او حتى اخفاء لمزاياها و نجاحاتها حتى على نفسها. عندها كل ده يهون بس ما تبقاش عايشة من غير راجل!!!



*
هى داخلة طب مش عشان تكون دكتورة .. عشان تكون فى سوق العرايس دكتورة و معظم دول طبعا بياخدوا تخصصات التحاليل و الاشعة عشان مش بيشتغلوا دكاترة فعلا "حسب فهمهم هم للتخصص"


17 comments:

P=S=Y=C=H=O said...

la2a ana lesa mawsletsh lil sawad da:D
mish lildaragdy ya eman !!

hwa bosy ana sheyfa en kol berg3 lil gaw eli 3esha feh el bent lw el bent 3ashet fi gaw 7aset en fi fra2 w tazmet bena w bena el a7'oha masln mish 7atb2a waska fi nafsah w kareh en heya ba2et bent asln..
w dah mawdo3 nesby gedan .. mish kol el bant keda besr7a.. bas mo3azm el banat e7'wtha el welad 3amlelhom 32ad..'' a7medak yaraby'':D

bas mo3zem el banat dem3'hom tafha mish betfker 3'er fi relation w dah 2al w dah sawa.. W DOL ''BANAT''
ya3ny lesa mab2osh setat lama teb2a set ba2a 7ay3melo eh..!!

Yasmine Adel Fouad said...

عارفه يا كوكا

انا طول عمرى بقول ان مشكلتى بخصوص البنات فى البنات اللى حافظة ، البنات اللى تقولك احنا لازم نتجوز ، او بعد سن كذا تبقى عنستى أو الست تسمع كلام الراجل و يكون ده عن حفظ و تصديق لمجرد انهم هم اللى قالولها عارفه لو واحده مقتنعه فعلا عن تجربة او عن تشغيل نافوخ هقول تمام ده رأيها لكن عن اسطوانة بتاخدها مع الرضاعه بتنزل النوعية دى من نظرى


يابنتى خدى الاشكال دى كناس يلهموكى تكتبى و تضحكى مش علشان يطقلك عرق


علشان لما تتجوزى يا اختى جوزك ما يخدكيش ناقصه عرق ، تؤتؤ الرجالة ما بيحبوش كده

:)

بلا وكسة

Samar Ali said...

ya7'teey...
ana zyh2t mn kalam el setat!

Sue said...

bosi homa el banat elly beysma7o lel afkar dee tet7akem fihom wely mestaneya ra2y ragel fiha aw ta2kidoh 3ala enaha 7elwa aw zakeya yeb2a heya elly gabeto le nafsaha ya3ni
enama el bent elly waska mn nafsaha mesh 7asa enaha adna mn el regala ya3ni heya dee ely el mafrood te3ish bera7eteha laken lel asaf fel mogtama3 el zokory elly e7na fih da el bent el mostakela el waska fe nafsaha mesh bete3raf te3ish mn aslo
ediny fel tafeh wana a7ebak ya nananas
fokek ya bnty e3mely highlight we sawaty lama teshoffy sorsar we sa7'sa7'ileik kam mara keda wala 7aga 3ashan teb2y bent ra2i2a wel nas te7ebeik lol

Unknown said...

ايوة يا جماعة بس دى ثقافة جيل
طب ماهو لحد امتى يعنى
لازم نبدأ بالتغيير
انا واحدة من الناس الاحساس بالمسؤلية دى هو اللى خللانى اعمل البلوج دى اصلا
لأنى كنت بسكت و بحتفظ برأيى لنفسى بس لقيت الكلام ده ماينفعش ابدا
لازم نقول فى كل حتة
لازم ماخافش ... و هخاف من ايه .. ما خلاص .. انا رسمى بقيت عانس حقود و ان كان عاجب!!!!
هههه

mostafa rayan said...

بصي يا ربناخلق البشرية كدة خلي الست يكونعندها ميل فطري للرجل والرجل يكون عنده ميل فطري للمرأة
علشان الحياةتعمر وتستمر
كلام الستات اللي في الجيم (الرجالة بيحبوا دة وكدة ) طبيعي
مش معني كدةان الست توقف حياتها علي الجواز اوالراجل مايعملش حاجة غير بس يعاكس البنات بس ماتنكريش انالستلماالراجل بيعاكسهاهي شكلهاالخارجي بيرفض دةبس منجواهابتكونفرحانةقوي انها شدت انتباهه لدرجةانه عاكسها زي الست بردةلما بتقول عن الراجل حاجةكويسة دي بتفرحه قوي
ربنا خلقنا كدة يا ايمي وان شاء الله لما ربنا يكرمك وتتجوزي وجوزك يقولك كلمة حلوة او يثني علي جمالك او حاجة حلوة انت عملتيها هتحسي بكلامي دة

AyA said...

اللي يغيظ بقى , لما بنوتة مثلا طول عمرها بتكره شكل معين للكحل, وبعدين لما خطيبها يقولها عليه حلو يبقى تحطه بالشكل ده علطول, طب انتي مش هتشوفي النهاردة عشان تحطيه كده؟ يا ستي اسكتي انتي بس لما تحبي هتعرفي....
ماشي لما أحب انسان ومثلا فيه شكل معين استايل معين هو بيحبه, ممكن اعمل ده بس لو انا خارجة معاه مثلا, لكن مش هغير دولابي كله علشان هو مابيحبش الستايل ده... يعني انا اقصد مافيهاش حاجة لما انا اغير حاجة بسيطة جدا ومش جذرية في شكلي عشانه وبالعكس ممكن انا كمان اطلب منه مثلا يحلق دقنه بشكل معين, لكن مش كل حياتي تبقى زي ماهو بيحب ولا كل حياته هتبقى زي ما انا عايزة, مهما كانوا اتنين بيحبوا بعض سواء زوجين سواء حتى بنتين اصحاب, يستحيييييييييل اتنين بني ادميين يبقوا واحد! ولو كانوا مخلوقين عشان يبقوا واحد ما كان ربنا خلقهم توأم ملتصق من الاول...



اقتباس:
بس ماتنكريش ان الست لماالراجل بيعاكسهاهي شكلهاالخارجي بيرفض دةبس منجواهابتكونفرحانةقوي انها شدت انتباهه لدرجةانه عاكسها


مش عارفة ايما ممكن تعدي لفظ زي اللي عايزة اقوله ولا لا :), وبعدين حضرتك دخلت امتى جوا دماغ ست عشان تعرف هي بتفكر ازاي؟
الكلام ده مش صحيح خالص, بالمنطق كده, لو واحد أميّ, قاللي ان روايتك جميلة اوي,هيفرق معايا رأيه؟انا افرح برأي حد في حالتين, لما يكون حد يهمني, او يكون حد بيفهم في مجال الحاجة اللي أثنى عليها, انما لما واحد مش محترم يرمي كلمة في الشارع وانا عارفة كويس اوي انه بيعاكس اي حاجة لابسة جيبة! عايزة اقولك ان مافيش مشاعر سلبية الا ما بنحس بيها... يعني الغضب والمرارة والقهر لأني مش قادرة اقتله....يعني, حاجات كتير بنحس بيها مش من ضمنها أكيد الفرح....

Unknown said...

اهلا يا مصطفى
متأسفة على تأخر ردى لظروف خارجة عن ارادتى

اولا قصة ان الست اما بتحط مكياج بتحطه للرجالة .. لو انا ليا عندك اى درجة من المصداقية , خدها منى .. لأة .. الحكاية مش كده
مثال صغير اوى -- المحجبة اللى متعودة تعمل شعرها و تصبغه كل فترة بلون -- و مش المحجبة اللى بتطلع قصة من الطرحة و لا حاجة
اللى اقصده بالنثل ده .. هو ان الموضوع فعلا مش زى مانت تخيل .. آه فى بنات كده .. بس فى برضه اللى بتحب شكلها يكون حلو لنفسها .. و ده اللى باتمنى يكون الوضع

Unknown said...

اللى بتتكلمى فيه ده يا اية هو حاجة معروفة اوى و هى " التغيير الشامل " اللى فى بنات بيعملوه عشان يعجبوا الرجالة
و دى للأسف كارثة كبرى منتشرة اوى
بس تفتكرى حلها يكون ايه؟ انا بافكر معاكى بصوت عالى

احمد على المصرى said...

يارب ارزق اختى ايمان بالزوج الصالح والهنا والسعادة يارب على شان نستريح منها

احمد خليل said...

صديقتى العزيزة انت المسئولة لية تروحى الجيم فى الوقت المخصص للنساء فقط مش حتسمعى الاهذا الكلام
الطبقة الاجتماعية او العينة اللى انت دايما بتتكلمى علبها دى لاتمثل الشعب المصرى دى ستات تجهز نفسها لتكون محظية لرجل وليست زوجة او صديقة ...الصبايا والسيدات اللى اشتركوا فى الثورة غير دول خالص ...عالم بتهنم بعقلها اكتر من اهتمامها بجسمها ...دة قدرنا لاننا من هذة الطبقة اللى مع التقدم ستزول

Unknown said...

استاذ احمد خليل مرة واحدة؟
والله مرورك يشرفنى جدا

و كلامك جميل و مطمئن ليا اوى. فعلا بنات ثورة مصر غير كده خالص
و ان شاء الله هنتخلص من بقايا الافكار اللى ياما اشعرت النساء بالذل و المهانة

يا رب

الف شكر لمرور حضرتك و تعليقك. حقيقى مبسوطة و فخورة اوى
:)

Anonymous said...

Hi would you mind stаting whiсh blog platform you're working with? I'm planning to start
my own blog ѕοon but I'm having a difficult time making a decision between BlogEngine/Wordpress/B2evolution and Drupal. The reason I ask is because your design and style seems different then most blogs and I'm lookіng for
something unique. P.S Apologies for being off-topic but I had to ask!


My web page - Ipad Repair bangsar

احمد على المصرى said...

نسوان اخر زمن بيروحوا الجيم والتعرى بين النساء حرام بدع واشياء لا تستقيم مع شرع الله اين الرجال الذين تركوا النساء يذهبن وصاحبة المدونة كل من يختلف مها تقول انت مش فاهم حاجة سبحان الله التخلف انواع فى جنس النساء احمد المصرى صاحب مدونة انا المصرى

Anonymous said...

Do you have a spаm issue on thiѕ ωebsite; I alsο am а bloggeг, and I ωаs curious аbout youг sіtuation; many
of us hаvе crеated sοme
nice methodѕ and wе аre loоking tο ѕwap
methoԁs with othеr folks, ρleaѕe ѕhοot me an еmaіl
іf іnterested.

my pаge; iphone repair malaysia

Anonymous said...

ӏ needed tο thank you fοr this fantastic reаd!

! Ι cегtainly enjoyed every littlе bit of it.
I have got you saved аѕ a faѵoгitе
to check out new things you post…

Feel free to visіt my homepаge - macbook Repair

Anonymous said...

I think this іs аmong the most vital іnfοrmation for mе.

Anԁ i am glad rеading yοur аrtiсlе.

Βut wanna remarκ οn some general thіngs,
The ωebsite stylе iѕ ideal, the artіcleѕ is really excellеnt :
D. Gοod job, cheerѕ

Also vіsit my web-sіte: ipad repair penang