Wednesday, July 1, 2009

الحياة و الحقد

ان شاء الله النهاردة هاكون ضيفة الاستاذة رولا خرسا
فى برنامجها على قناة الحياة
الليلة العاشرة و النصف مساء
ماتنسوش بقى

19 comments:

محمد حمدي said...

اولا الف مبروك وان شاء الله متكونش اخر مره تظهرى فى التليفزيون

ثانيا انا طالب منك طلب شخصى ياريت تقدرى تعمليه

لو تقدرى قبل او بعد مقابلتك برولا خرسا تاخدى منها رقم موبايلها وتجيبيهولى .. حتى لو سالتك قوليلها ان فى صحفى فى جريدة عين وجريدة الدستور ومجله احنا وكلمتنا وجرايد تانيه كتير عاوز الرقم ده عشان اكلمها فى موضوع

وياسلام لو تكملى جميلك وتبعتيهولى فى تعليق على مدونتكى وطبعا مش هنشر تعليقك اللى فيه الرقم لانى عامل مودريشن على التعليقات

كده تبقى خدمتينى حدمه جامده

شكرا جزيلا

Unknown said...

يا سيدى شكرا
طب ما اسهل ادينى تليفونك يا محمد
ولا هو مش بيتكشف على حد؟
انا ايميلى
emanhashim@hotmail.com
ابعتلى عليه

Phobos said...

Eman ... please get a copy of the interview, or get someone to record it and don't forget to upload it on your blog or on youtube!

Unknown said...

will do my best phobos
will do my best

Anonymous said...

بجد ربنا معاك و يساعدك انك تغيرى راى الناس الغريب ده
انا شوفتك امبارح ماشاء الله جميله و عاقله و ياريت البنات كلها تفكر كده انا لسه ما اتخرجتش رسمى وكل الناس تقولى"لسه ما اتخطبتيش ربنا يبعتلك ابن الحلال"
ده على اساس ان القطر فات من 50 سنه..اسفه و الله على التطويل بس متضايقه

Unknown said...

انتى ماطولتيش اصلا
ربنا معانا جميعا
انا مؤمنة ان طالما فى بنات كتير مؤمنين بالكلام ده يبقى ان شاء الله فى امل كبير فى بكرة افضل لينا

مستنية رأيك فى باقى الكلام بقى اما تفضى و تقريه
متفقين؟

Unknown said...

انا اول مره ادخل البلوج ده وعرفته من برنامج رولا خرسا وشدني العنوان جدا ودخلت هنا وتصفحت بسرعه كده
بجد كيفتيني يعني :D
لانه انا بككره الانسان الضعيف بشكل عام
بجد البوج تحفه تحفه وانا مبسوطه فعلا انه في شخصيه زيك كده

Magi Mostafa said...

خساره مشفتش البرنامج لو معاكى لينك ليه ياريت تحطيه

Unknown said...

شكرا يا شيماء
ان شالله يا رب تتكيفى علاطول
و ان شالله اشوفك هنا دايما بقى


حاضر يا ماجى .. اول ماوصله هاحاول فى الموضوع ده

Anonymous said...

بسم الله الرحمن الرحيم
أولا أحب أن أشكرك أختنا العزيزة على هذه الجرأة في طرح هذا الموضوع الخطير بشكل كبير على حياتنا و مستقبلنا المهدد بمجتمعات هرمة و متآكلة في العقود القادمة.
إلا أنني أود أن أعرض المشكلة من وجهة نظر قد لا تعجبكم كثيرا إلا أنني متأكد من أنها هي الحقيقة الساطعة التي لا مراء فيها.
العنوسة في الحقيقة مشكلة جديدة على مجتمعاتنا أسبابها مغايرة تماما لما يطرحه الذين يعالجونها اليوم كـ "الفقر" و غلاء المهور إلخ .
المشكلة تكمن في العبث بطبيعة الأشياء.
إن المرأة بطبيعتها كائن يحمل من الغيرة كمية كبيرة تعتبر قاتلة بحسب كافة المقاييس و هذا الغيرة تتركز في ممارستين خطيرتين :
الأولى في منافسة نظيراها بقسوة و إصرار على الرجال المتاحين و خاصة لو كانت هذه المنافسة مفتوحة.
الثانية إن المرأة و بمجرد حصولها على الرجل المطلوب تسعى لامتلاكه خالصا و تحاربه و تحارب كل إمكانية لمشاركة سواها فيه.
هذه الخصال الخطيرة موجدة في طبيعة المرأة كما توجد السموم الطبيعية في النحل ، و لكن الله الذي كرم بني آدم حاصر هذه الخصلة و قننها بشكل يمنع من تسرب خطورتها إلى المرأة و المحيط بوسيلتين:
1- الحجاب الكامل الشرعي المتضمن أساسا وجوب نفقة المرأة على زوجها و عصبتها بما يغنيها عن الاضطرار إلى مخالطة الرجال.
و هذا الحجاب أنهى المنافسة بين النساء على الرجال و جعل المرأة كائنا جميلا مجهولا و جذابا و مولدا لمخيلة الرجال بشكل يجعل النساء كلهن جميلات و جذابات و فاتنات لدرجة أن رسول الله صلى الله عليه و سلم أمر رجلا من أصحابه أن ينتظر حتى يبرد مكان امرأة كانت جالسة قبله حتى لا تتحرك مخيلته بحرارة مجلسها.
2- التعدد المطلق دون قيود سوى القدرة و الرغبة ضمن العدد المحدد شرعا (دون القيود التي ما أنزل بها من سلطان)و هذا هو التعدد الشرعي الذي كان هو القاعدة و الذي حمى جداتنا من العنوسة على مدى 1350 عاما بحيث أن العنوسة لم تكن تذكر أبدا في قواميس أمتنا حتى في أحلك العصور و في أشد أزمات فقدان الرجال و من يريد التأكد فليعد إلى سجلات المواريث و الأحوال الشخصية في مدننا الكبرى كاستانبول و القاهرة و غيرها ليرى كيف أن المرأة لم تكن في الماضي خالية من زوج مهما توارد عليها طلاق أو وفيات أزواج حتى أن امرأة من صحابيات نبينا صلى الله عليه و سلم تزوجت من أربعة من أكابر الصحابة بينهم راشديان من الخلفاء.
إن إطلاق الحرية لغيرة النساء لتتحكم في حياتنا و تشريعاتنا هو سبب العنوسة الوحيد و سيكون سببا في فناء عظيم لهذه الأمة بالهرم و تناقص السكان أو بالإباحية التي تسببت في تحول المجتمعات الكبرى في العالم إلى مجتمعات هرمة متآكلة سائرة إلى الفناء بعد فورة التزايد السكانية الحالية.
الشيخ عبد الله الحمد

Unknown said...

اولا مفيش شكر ولا حاجة
انا باعبر عن نفسى بشكل تلقائى و دى نعمة احمد الله عليها و اشكر كل المشجعين لى عليها

ثانيا اسمحلى ابدأ بالتحفظ على وصفك لعالم المرأة بالمواصفات دى لانه ليس فقط عالم مبنى على الغيرة و حب التملك
فالمرأة قادرة على اعطاء قدر كبير من الحب ليس فى امكان اى حد تصوره الا من حسه و كل منا يقدر يتأكد من ده بالنظر الى والدته.. فالمرأة يا استاذى ليست كائن كاره غيور متسلط بطبيعته و فى كل وقت و بالتأكيد ليس دائما مع الرجال

يبدو ان حظك كان سىء بعض الشىء

التعميم اصلا غريب و غير ناضج ( ان سمحتلى ) لانك بانى كل كلامك على صفات قررت انها فى " كل " الستات و دى ثقة و ان كانت فى رأيى ضرتك و اثرت على حكمك الى انك اكيد مرتاح بيها

Unknown said...

اكيد انا ارفض تماما التعامل مع المرأة على انها وباء يجب السيطرة عليه لحسن ينتشر او عدوى كراهية و بغض

بعدين انت ماليكش تحكم على الستات بعدم مخالطة الرجال
فوقوا بقى .. محالطة ايه بس؟ الست فى كل حتة و انت ليسة بتقول مخالطة؟

عايز تحبسها فى بيتها ماتعملش حاجة فى الدنيا
زى ماتكون جايب معزة عندك

هى الست كل اللى محتاجاه فى الدنيا هو الفلوس عشان يبقى معنى انها جايلها فلوس يبقى خلاص مش محتاجة تخرج من البيت؟؟
يا استاذى فوق
والله ماقصدش حاجة .. بس شكلك عايش فى عالم الكهف

اما عن التعدد فميش حاجة اسمها دون قيود دى
لأ فى قيود بقى
القيود دى ان من حقى اشرط عليه مايجمعش بينى و بين واحدة تانية و يطلقنى الاول لو عايز يتجوز زاحدة تانية
و الشروط دى انى لازم اعرف و اوافق قبل ما يجمع بينى و بين واحدة تانية
و الشروط دى انه يقدر ماديا و معنويا و ( جسمانيا ) على انه يعدل بينهم
على فكرة انت شكل ليسة فى ثانوية
لانك لو عارف اسعار فتح بيت واحد عمرك ما كنت قلت اربعة
طب اقدر انت على ست واحدةة الاول

Walaa ramadan said...

انا مش هاكون دبلوماسية زي ؟إيمان
شوف يا شيخ الكلام اللي انت بتقولة دة مش ية اي معني يعني اية كائن غيور و مادام فية فلوس مش في مشكلة و التعدد المطلق؟
اولا: زي ما في غيرة بين النساء في غيرة بين الرجال و غيرة سيئه جدا(انا اعرف واحد سعي بكل جهدة علشان يضيع بعثه علي صاحبه علي الرغم انه مش مؤهل ليها)ودي علي سبيل المثال لا الحصر.
ثانيا:كلنا بنشتغل و الحمد لله ناجحين و يعتمد علينا و انا بشتغل في مشروع كنا بنتين م تالت ولادو دالوقتي بنتين بس ليه مش قدروا يتحملوا الشغلوحتي مش كاملوا رسايلهم ورموا كل حاجه ,انا مش باقول ان كل ااولاد كدة بس انا حابه اشير لظاهرة
ثالثا: احب افكر فضيلتك ان الرسول علية افضل الصلاة و السلام رفض ان علي يتزوج علي فاطمه وانه تزوج كل واحدة من زاوجاتوا بتكليف إلهي,كمان احب افكرك بقول المولي (ولن تعدلوا)
كمان إن زي ماهو من حق الرجل انه يختار يتجوز تاني هي كمان من حقها ترفض و تختار من غير ما تكون مذنبه,ليه بتعملوا الستات علي انهم ااقل عليهم الطاعة ليكوا وبس و احنا مش لينا اي حقوق غير انكوا تصرفوا علينا
سيدي الفاضل :احنا اهلنا بيصرفوا علينا و مع ذلك بنشتغل باجتهاد وبنطلب العلم ونساعد الناس,انا عليا كل الواجبات اللي عليك امام الله و ليا نفس الحقوقو باللة عليك بلاش تبص من عقليتك العربيع علي شريعه ربنا وتقول اللي علي مزاجك بس
ولو القضيه قضيه صرف المعزة هتكون احسنلك مننا كلنا

Unknown said...

عفارم يا ولاء
:)
يسلم عقلك و قلبك
و ربنا يصبرنا يا رب

Anonymous said...

أنا آسف لمروري على مدونتكم الكريمة لأنني كنت أتصور أنها مدونة بريئة يكتب فيها متحمسون لفكرة ما أما الآن ففلقد تأكدت أنها مجرد غصن من شجرة كبيرة تطرح خمطا و أثلا و شيئا من سدر قليل.
لقد توقعت استفسارات أو حوارات جدية أقلها طلب بعض الأدلة على ما ورد في مداخلتي أو نشرها على الصفحة الرئيسية لمناقشتها علنا و لكن الواضح أن الردود كانت لمجرد إثبات النفور من ما أوردته لا أكثر.
الشيخ عبدالله الحمد

Unknown said...

و هو ردك مش منشور؟
ماهو منشور بالكامل اهه
و زى ماهو
مفيش اى حد لمسه ولا جه جنبه

Unknown said...

أنا مش عارفة حضرتك معترض علي اية
بالظبط يا شيخ
يعني اية كنت متصور انها بريئه هي طلع ليها تاريخ والا ايه.
ويعني ايه قليل من كثير هو مش مجرد ذكر كلمات فصحي و خلاص انا فندت كلام حضرتك و ناقشته ياحترام وبدون هجوم. انما حضرتك رديت بكلام و خلاص (انا اسفه)
ولعلم ححضرتك كلام حضرتك مش كان محتاج اي استفسارات ووجهة نظر حضرتك واضحة جدا.واللي عندة دليل بيقوله مش بيستني حد يطلبه.
و رد حضرتك منشور زيه زي كل الردود و في نفس المكان مش مستخبي يعني.

Anonymous said...

عن البوست دا يا بلحة يا مقمعة


http://3anes.blogspot.com/2008/11/blog-post_28.html

يا فالحة ياللي عاملة نفسك فاهمة و انتي و لا فاهمة حاجة


الي اتكلم عنه الاخ اللي من الاخوان دا و عباراته و فهمه اللي على قده ما سعدتهوش انه يتكلم فيه جدل حاصل عالميا دلوقتي في تدريس اللغة الانجليزية كلغة اجنبية و في اماكن معينة في العالم كلغة تانية

و انا بقولك الكلام دا عن دراسة

ما بيحصلش
tailoring للمناهج بشكل يناسب المجتماعات و خصوصيتها الدينية و الثقافية

بيحصل فرض مباشر لقيم معينة على المجتمعات الشرقية القصد منه التغريب و بدون مواربة و بدون نقاش و اقري يا هانم من اول
ال orientalism لا ادوارد سعيد لحد مليون بحث و بحث ها تلاقيهم منشوريين لحد النهاردة الصبح على جوجل سكولار

الهانم فاطمة ثابت اللي اتحمقت و كتبت و غالبا اتحمقت علشان قال وصفهم بالمتبرجات ما كتابتش كلمة واحدةبموضوغية من الموضوعية اللي الهانم بتتشدق بيها و قال من المتفوقين في كليتها قال و طبعا تلاقيها عاهة من عاهات الجامعة الامريكية او ما شابه عن المنهج اللي بيدرسوه اللي اغلبه كتب الهيدواي اللي ما بتدرسش دلوقتي الا في المعهد البريطاني و معمول ابحاث طويلة عريضة على محتواها و اللي فيه من فرض قصري لثقافة ما عادتش حتى موجودة في بريطانيا و لا تعكس اي شئ من حياة المجتمعات دي و بتخلق عندنا وهم كامل عن لمجتمعات دي

اقري في الحضارة و الثقافة و الهوية لو سمحتي

انا قاعدة اقرا في البلوج بتاعك مستنية جهلك و تخلفك يخلصوا و يبان بصيص امل لاي حتة عقل بيفهم لكن مافيش

مش كده

انتي فعلا عندك مشكلة هرمونات و عندك مشكلة اعجاب بنفسك عامي عينك عن انك تتعلمي

عجباكي الكام انترفيوا و انهم بيعجبهم انك بترصي كلام حلو و هما في الاخر كلمتين "انتي حرة"

و انا مش من الاخوان و ست و مش من الناس اللطيفة اللي بتدور على المواقع تدافع عن الاخوان و انا في رايي ان الاخوان دول من اوسخ ما مر على شعب مصر

لكن لما اقرا حاجة اتعلمت اني اوزنها و اجنب مشاعري و غبائي و اشوف الامور بموضوعية و افهمها كويس و طبعا حضرتك لطختي المقالات من على المواقع الاسلامية بدون حتى ما تقريها

الاخ الاخواني اللي اتكلم كنت مستنية اسمع ادلته من المنهج اللي هو تحدي صريح لثقافة البلد مسلميين و مسيحيين و انا يا هانم مدرسة انجليزي و عارفة يعني ايه منهح يتفصل لنوعية معينة من الطلبةو دارسة في المعهد البريطاني وانا في مجتمع بيعاني من المرحلة التالتة للسكوت على التحدي الصارخ لثقافته الا اذا كنتي من انصار نهد و نبني على نضافة و ما عنديش مانع انك تناقشي الفكرة دي لو فاهماها

و لا الاعلان السخيف اللي حطاه بتاع البنت مصريةو شغل ماما سوزان و الحياة الوردية و غباوته

لا هي مصر ها تتقدم لما الفلاحة تسيب ارضها و حياتهاو تشوف ان التعليم وسيلتها للارتقاء الاجتماعي المزيف

ايه الغباء دا

لو سمحتي اقري يا ايمان

بلاش شغل انصاف المثقفين و بلاش الانغلاق الغبي في علبة النسوية و كلام الكليشيهات دا


اللي بيحصل في مجتمعاتنا مأساة على مستوى الانسان مش على مستوى المرأة و لا الرجل

انزلي من برجك العاجي يا ايمنا و سيبك من دي بصتلي و دي ما قلتليش انها حامل و الواد العيل استغرب من ذكائي الفذ علشان بقرا ميكي و الدستور حتة واحد يااااااااااااه ميكي و الدستور جتة واحدة

و لا اللي يدخل يجاملك بكلمتين و موجة اعجابك بنفسك تركبك و شكرا شكرا مرسي مرسي

ظني فيكي احسن من كده


و مش ها كتبلك اسمي و ها علق انونيمس لاني قرفت من مدونتك و زعلانة على الوقت اللي ضيعته بكتبلك بديهيات لكن يمك تتعلمي زي ما تعلمنا لان زي ما انتي ما قلتي ما تخلقناش و معانا السي دي جاهزة لكن من فضلك استخدمي العقل اللي ربنا ادهاولك بدل ما تحوليه لحتة بالوظة

Unknown said...

طب الف شكر على ذوقك يا ستى
انا هاسيب تعليقك مش هامسحه عشان انا مهووسة بنفسى و معجبة بيها
و اما تهدى من شحنة الكراهية اللى فيكى منى دى - لو ده حصل يعنى - تعالى نبقى نتفاهم حتة حتو و بوست بوست
بس يا ريت يبقى الرأى على البوست عشان سياق المناقشة كله يبقى مع بعضه

و عدم كتابتك لاسمك حاجة اكيد بتاعتك
بس هى بس بتبين البنى آدم مسنخبى و مكسوف
يعنى
انا دلوقتى لا عارفة انا باكلم بنت ولا ولد
ممكن تكونى اى حد
و الواحد - زى مانتى ليسة قايلة - حبايبه كتير-
و شكرا انك بتقولى انى بارتب كلامى كويس
:)