Thursday, December 11, 2008

40 - فقاعتى البنفسجية .. فيروز .. و شادى

انها حلمى و ملاذى مؤخرا .. تلك الفقاعة الملونة الشفافة

لونها .. قد تكون بلا لون , فهى شفافة و لكنها تلون كل شىء باللون البنفسجى

رائحتها .. عطرة , مزيج من رائحة زهرة اللافندر و مجموعة منتقاه من الفواكه

فسيحة .. مريحة .. جوها مثالى, لا يستلزم الكثير من الملابس .. بل لا يستلزمها بالمرة

فى داخلها كل ما اريد .. و هو لا شىء سوى حلمى الذى حلمت به يوما ما من سنين , كنت اطير فى سماء الليل المضيئة بزرقة نور القمر و صوت فيروز يقول:

"انا و شادى غنينا سوا
لعبنا على التلج ..ركبنا بالهوا
اكتبنا عالاحجار .. قصص صغار .. و لوحنا الهوى "


و الآن - داخل فقاعتى - اعلو فوق الاماكن .. فوق الاشخاص .. اشاهد الاحداث دون تعلق بابطالها .. اشم رائحة الزهور دون الحاجة الى قطفها .. فانا مثلها يحركنى الهواء كيفما يشاء

اما عن هذا "الشادى" .. فانا اراه من وراء هذا الجدار الرفيع الجميل البنفسجى .. لا ارى ملامحه , و لكنى ارى ابتسامته بوضوح .. فهو يبتسم لى انا .. انا وحدى
قد لا استطيع ان استمع لما يقول لمن حوله .. لكنى اعلم انه يبحث عنى

ليس عندك يا شادى .. ليس عندك
فانا هنا ... داخل حلمى .. ملاذى .. وطنى ..فقاعتى

فهل تحلق للسماء حتى ترانى؟
هل تحرك اجنحتك لتدركنى؟
هل تكون معى دون ان تعكر علىُ عالمى؟
هل تحمينى بداخله.. ام اجد نفسى اخاف عليه منك؟
هل انام و انت معى .. حالمة ب"غنيتنا" ام اغمض عين تاركة الاخرى نحوك متحفزة؟
هلا تأتى معى داخل فقاعتى يا شادى؟

10 comments:

Bella said...

ازيك ياايمان

كل سنة وانت طيبة وعيد سعيد عليكي وعلى اهلك وكل احبابك

وصف رائع وبديع لاغنية فيروز
نفس الشعور اشعر به عندما استمع إليها ولكن يبقى السؤال حائراً
هل يريد شادي أن يدخل الفقاعة أم الافضل أن تخرجي من فقاعتك لتكونا في مناخ واحد؟

تحياتي

A said...

عزيزتي إيمان...

أول مرة أمر على مدونتك الجميلة...

موضوعك جميل و بيوصف عالم رااائع موجود جوانا... عالم دائما ما أصفه في كتاباتي بأنه :(بنفسجي اللون مخملي الملمس) بجد... كلماتك معبرة وجميلة

كل عام وأنت بخير

آلاء

Anonymous said...

مممممممم
ماشي يا ستي
أزاد الله من تأملاتك

Anonymous said...

ياصديقتى السابقة
شادى مش موجود ولو اتوجد بيقعد فترة شادى وبعدها بيبقى شادى اللى عاوز واحدة خام :D

Unknown said...

انا عارفة ان الدمغة اللى زينا يا بيلا بتفكر زى بعض

شكرا يا الاء و اتمنى اشوفك كتير

ماشى يا انونيماس الاملانى

و مش عارفة ايه صديقتى السابقة دى
بس اللى عايز خام بيتفقس الحمد لله .. ربنا كريم و رحمته واسعة

AyA said...

:)
تدوينة جميلة....
انا ليل نهار عايشة في فقاعات بكل الوان الطيف :) غاضبانة بتخيل اني بهزأ الشخص اللي ضايقني لأني مابعرفش اهزأ ومتسالنيش ازاي, مبسوطة اتخيل اني برقص لأني مابعرفش ارقص ومتشسألنيش ازاي دي مواهب مش مهارات تكتسب :) وانا معنديش المواهب دي, قلقانة بتخيل اني بحلم وان المشكلة هتنتهي لما أفتح عينيا وأصحى.....

صحيح الاحلام دي بتخفف الضغوط بس بعد فترة بتبدأ تبقى هي نفسها ضغط وابدأ افكر انا ليه ماقدرتش اعمل كده وليه ما تجرأش واخد الخطوة الفلانية وليه انا ما قدرتش اقول كذا وليه مقدرش اتكلم زي ما بكتب؟
وجربت كتير اكتب على النت بس متعرفيش ازاي بلاقي الكلام يلف يلف ويخبط في اشخاص من حياتي الحقيقية....

AyA said...

اقتباس:
ياصديقتى السابقة
شادى مش موجود ولو اتوجد بيقعد فترة شادى وبعدها بيبقى شادى اللى عاوز واحدة خام :D



:)
اه والله فعلا, بس تعرفي, غالبا اللي بيفكر بالشكل ده, لما يلاقي الخام اللي في دماغه متعجبوش ويتخنق ويقول لا مش عارف اتفاهم معاها دي بتعمل حاجات غبية, هي متعاملتش مع ناس قبل كده؟؟ وممكن يقعد يفكر ماهي اكيد خام لسبب, هي معقدة؟ هي ش***؟ هي بتكدب؟
وساعتها يرجع للحل اللي بيلجأ له معظم اللي بيفكروا بالطريقة دي, ياخد واحدة عادية وبتمثل انها خام...

Unknown said...

ازيك يا اية
واحشانى

بصى يا ستى .. اللى بتقوليه ده انا فاهماه كويس اوى و باعيشه كتير
المهم فى الحالة دى الوسطية
مش كده ولا كده
خدى نفسك "واحدة واحدة" مش لازم من الاول توصلى للى بتحلمى بيه
بس المهم تاخدى اى خطوة فى اتجاهه
و ان شاء الله هاتوصلى
بس ابدأى

و بجد مش عشان اللى قلتيه..بس انا نفسى اقرالك
انتى كل رد هنا ينفع مقال لوحده
انتى فعلا عندك كتير تقوليه
فعشان كده باقولك
ممكن تبدأى بالردود دى
خدى واحد منه
انسخيه فى ملف وورد و اتفرجى عليه
هايتفرد لمقال حلوة اوى
جربى و هاتشوفى

Unknown said...

اما قضية شادى و الخام
ففى ستات كتير - للأسف - ماعندهاش مشكلة انها تبقى الخام و هو يخونها طول اليوم و بعدين يرجع ينام جنبها بليل

انا الستات هم اللى هايموتونى بالنقطة مش الرجالة

engineer moray said...

عجبتنيييييي جدا بجد روعه وطول ما انتي مؤمنه بوجود شادي حتلاقي اللي يدخل فقاعتك وهوا حاببها.اما عن اللي بيقولوا مافيش شادي فهما غلطانين لاني لقيت شادي اللي منور فقاعتي ^_^