Tuesday, March 3, 2009

47 - تعريف جديد

النهاردة.. و بعد اكتر من سنة تدوين فى المدونى دى,عايزة اكتبلكم (تانى) تعريف بيها و باسباب كتابتى ليها و الاهم .. سبب التسمية!

ليه؟ لاننى لحد النهاردة بلاقى ناس من المعلقين او غيرهم مش واصلهم الهدف من المدونة او اختيار الاسم.

انا كنت عارفة من الاول ان الاسم غريب.. كلمة عانس كلمة رخمة و سخيفة , محدش بيحبها لانها مقترنة بمعانى الرفض و الوحدة و الالم و فقدان الامل . و عشان كده شايفين ان الكلمة دى لازم تتلغى اصلا من القاموس. و ان انا بتسميتى للمدونة بيها برسخ الكلمة اكتر.

كمان العنوسة فى رأى ناس كتير مقرون بشرطين و هو ان البنت تكون على الاقل فوق ال30 و ان مايكونش بيجيلها عرسان .. من الاخر ( محدش معبرها ) و نظرا لانى تحت ال30 و ان الحمد لله فى ناس بتعبرنى يبقى انا مش عانس و مش من حقى انى اقول على نفسى كده .. لدرجة ان فى مرة فى التليفزيون استاذة كانت عايزة تفحمنى بسؤال "انتى جالك كم عريس؟" مفروض طبعا ان يبقى عندى نوتة صغيرة مجمعة فيها قائمة باسماءهم!

ماااشى .. لو فى حد ماقراش التعريف يا ريت يقراه.

الهدف من المدونة هو الكلام من منطلق انى (ست من غير راجل ) و ماعنديش مشكلة فى ده .. بالعكس!!

احنا فى مجتمع بيقترن فيه وجود ست من غير راجل بعلامات الاستفهام و الاستنكار و التعجب ... و دول حاجة من تلاتة

عانس ... مطلقة ... ارملة

التلاتة دول مش متسابين فى حالهم. ليه؟ لانها بعدم وجود راجل فى حياتها هى معرضة لمجموعة من الاتهامات فى سلكوها و نفسيتها و تصرفاتها لاننا ببساطة مش بنبلع ان يبقى فى بنى آدمة من غير راجل.

الرجالة على فكرة بيعانوا من نفس المشكلة دى و ان كانت بشكل مختلف و اقل حدة و خصوصا فى حالة اللى ماتتجوزش.. يعنى المطلق و الارمل ممكن تكون ابسط شوية.

الفكرة ببساطة شديدة انى مش شايفة الراجل مكمل لكيان الست و ذاتها.. و ان المشكلة دى فى التربية من الاساس للبنت و الولد.

الاحتياج للحبيب و الرفيق امر طبيعى و منطقى و انسانى جدا .. لكن اللى انا باتكلم فيه هو ان الست مش محتاجة وجود راجل فى حياتها لاكتمال احساسها هى الداخلى بنفسها لانه فى النهاية مش آخر الدنيا!

طبعا الكلام ده منى كان – ولا زال – بيتشاف على انه تخريف واحدة محدش باصصلها و غيرانة هاتموت من كل المتجوزين ... من الاخر يعنى .. واحدة عانس حقود

يا ترى كده اتفهم قصدى ولا ليسة؟؟

20 comments:

mostafa rayan said...

قصدك مفهوم
وان كان كل اختلافي معك هى تلك الحدة التي تتحديثبها في كثير من الاحيان
مما يجعل انتقادات كثيرة توجه لك
وناس تانية تفهمك غلط
دةرأيي وارجوا انك تتقبيليه
تحياتي لك

Anonymous said...

طبعا الكلام ده منى كان – ولا زال – بيتشاف على انه تخريف واحدة محدش باصصلها و غيرانة هاتموت من كل المتجوزين ... من الاخر يعنى .. واحدة عانس حقود

Lol
Liberty is the choice (Sartre)
The couple can be also the association of two liberties
Economic independence of women will oblige men to change.

Shimaa Gamal said...

حاسة إنى قلت الكلام ده هنا قبل كده بس نقول كمان :) فى الإعادة إفادة
الست من غير راجل مش عيب و مش نقص و مش عاهة . يعنى أنا مش من متحدى الإعاقة علشان عندى 30 سنة و مش متجوزة و مش مخطوبة و مش مرتبطة
و تعريف العانس تعريف قديم ، ينقصه حاجة مهمة جدًا ، أنا مش عانس إلا لو كنت بدور على الجواز و مش لاقيه
زى بالضبط تعريف البطالة ، الإنسان مايدخلش فى حسابات البطالة إلا لو كان قادر و راغب و يرضى بالأجر السائد و مش لاقى . هنا نقول إن الشخص عاطل . تعريف العنوسة ينقصه الرغبة فى الزواج .
و دى حاجة ترجع للشخص .
هدف المدونة واضح و السخرية اللى فى الإسم مفهومة .
لإن كل البنات أكيد عدت بموقف إن أعز صديقاتها مخبية عليها مشروع العريس علشان خايفة تحسدها على الأملة . لإن كل البنات أكيد عدت بموقف إن أعز صديقاتها حامل فى السادس و شكلها باين و مش عايزة تعترف بالحمل علشان صاحبتها مش متجوزة و عينها هاتعمل حاجة فى البيبى
علشان كل البنات عارفة إن سبحان الله السونار مش بيبين البيبى ولد و لا بنت إلا إذا كانت اللى بتسأل متجوزة
علشان كل البنات عارفة كلمة عقبال ما نفرح بيكى ، زى مايكون أى حاجة بتتعمل فى الحياة مالهاش قيمة مدام مش متنيلة . يعنى تاخدى دكتوراه و يباركولك عقبال ما نفرح بيكى
زى ما يكون الجواز هو الهدف الأسمى اللى علشانه تضحى البنت بكل حاجة

الجواز حاجة لطيفة بس مش هى الحاجة اللى الناس لازم تعيش علشانها .

Anonymous said...

true very true, i got married at 33 years and i was always an independent woman, i was not looking for a man, i just wanted a special man who will respect me as an individual with separate identity and ambition and when i found him i got married and if i would not have found him i would still be unmarried but still happy, although family and friends and neighbors almost turned my life into a nightmare, but i never cared about it.

Unknown said...

مصطفى ريان:
و ماتقبلوش ليه؟ اولا ده رأيك ثانيا الكلام مافيهوش حاجة تزعل
اما عن الحدة فلان الموضوع ساعات بيكون فيه كتير من المثيرات
اما تشوف بنات زى الفل بيضيعوا نفسهم و يسقطوا نفسهم فى الجامعة ولا يقبلوا الاهانة و الضرب و الشتيمة ولا غير كده هاتلاقى نفسك بتتغاظ ساعات

تحياتى ليك انت و اهلا بيك فى اى وقت

Unknown said...

Pathol:
sure it is
one of the very important aspects as well! I can tell you that a lot of men resist this for those reasons. You can find them standing against their daughters working or their wives having money. Other also take full control of their wives bank accounts and more.
If this is for anything, it's because they feel threatened by not being in control of the money.

Unknown said...

و النبى يا شيماء انا تعبت
انا كتبت البوست ده بعد ما لقيت ان ليسة فى ناس بتقول الكلام العجيب اياه
بس انا دلوقتى شبه اتأكدت ان اللى بيقول كده يبقى على الاقل ماقاراش المدونة

اما عن كلامك فمش عايزة اقولك انى و الله فرحت بجد
كنت عايزة اسقف ..هههههه
و كل الامثلة اللى قولتيها بتحصل بالحرف
و هاتفضل تحصل طول ما كل ست بتربى بنتها على المفاهيم دى

Unknown said...

Anonymous:

First of all, allow me to tell you how highly I respect your choices. How honest you are with yourself and your priorities I guess was the first clue. Most of us try to hide their needs behind tall walls of lies and fakeness thinking people will be fooled as well!

This "I don't a man, I need a good husband" is really very far from a lot of our young ladies in our society. Most of them don't care how miserable they are going to be. For the misery of being unhappily married with disturbed kids in a dysfunctional family is far more better than the misery of being single "spinster"

Thanks a lot for your amazing words and hope I can see your comments more here :)

nohamy said...

فيه حاجة غريبة خدت بالي منها
احنا لية بنقول عانس مش عانسة
لية بندي لها صفة المذكر
ثانيا الصورة الكوميديا عن عانس ترجع الى زينات صدقي و نشوي مصطفي

mostafa rayan said...

بصي يا ايمان
انا معاكي اننا مش من المفروض نقرن وجود اي طرف بوجودالطرف الاخر في حياته لاء الراجل والست المفروض يعيشو حياتهم ويتمتعو بيها ويحسو بنفسهم بصرف النظر عن موضوع الجواز دة
كمان انا مشمع اناي حد يضيع سنين من عمره علشان يستنى حد تاني لأن عمري اغلى شيء عندي لكن لما بنت بتسقط نفسها في الجامعةهي اكيد بتعمل كدة مع حد هي بتحبه ومش قادرة تتخيل حياتها من غيره .. دة حب ماحدش يقدر يلومها عليه .. هي بتضحي بحاجةعلشان حاجة اكبر واحيان كتير بتكون التضحية دي في صفها ومصلحتها يمكن اقرب مثل على كدة زوجةالفنان مصطفي قمر كانت شاطرة جدا في الجامعة وهوكان مشغول
بالفنوالحفلات فكان بيسقط فسقطت نفسها سنة علشان تفضل معاه دخلت وماحلتش حاجة لكن دلوقتي هي عايشة معاه حياة سعيدة و كريمة ومش مخليها محتاجة لشئ
هي دلوقتي زوجةالفنان الناجح والمشهورمصطفي قمر وفي ستات كتير بيتمنو حياتها دي متهيالي لو ماكنتش
ضحت وكانت نجحت واتخرجت وارتبطت بحد تاني ممكن ماتبقاش سعيدة زي ماهي سعيدة دلوقتي
هي ضحت بس كسبت
ياريت تكوني متفهمة لوجهة نظري
وتحياتي لك

mostafa rayan said...

بالنسبة لتعليق شيماء ان نتيجة السونار مابتتعرفش إلا قدام واحدة متجوزة بس
فدي طبيعة ستات
وبردو ماحدش ينكر ان في احيان كتير قوي حتى الست لمابتكون متجوزة واتاخرت شوية في الحمل وبتعرف ان حد من قرايبها حامل
بتزعل واحيان كتير بتحبس نفسها في اوضتها وتفضل تعيط لأن فلانة حامل وهي لسة
دي طبيعة نفس بشرية ماحدش يقدر ينكرها

Unknown said...

احلى حاجة التعامل مع السابيات على انها "طبيعة بشرية" مسلم بها
مين قال انها طبيعة بشرية؟ دى موجودة فى مجتمعاتنا شكل اكبر
ماعتقدش فى فى مجتمعات تانية خرزة زرقة و بخور عشان العين .. هههههههه .. اللى شيماء بتقوله ده حاجات مصرية عربية خالصة

اللى تقبل ان تعريفها يكون انها زوجة فلان يبقى هى اللى بالضبط اللى انا باقوله
فى حاجة اسمها انها تعمل "نفسها "يا فندم
بالذمة برضه فى حد يقول كده؟؟ و هو ايه اللى ينفع الراجل اما مراته ولا خطيبته تسقط عشانه؟؟ مفروض يكون هو عايزها تنجح

Unknown said...

أنا مريت هون قبل هيك وقريت شوي
من امبارح لليوم قريت كتير؛ تقريبا كل شي

وكلامك اجى عالوجع في أشياء كتير يا إيمان

بس اسمحيلي أحكيلك أنك بتحكي ظواهر موجوده بقوه في حياتنا

رجاء استمري بس خففي عصبيه شوي:)

Unknown said...

مياسى:
كلامك بجد بسطنى اوى اوى
اتمنى اقرا رأيك فى كل حاجة باكتبها
يهمنى رأيك جدا
و شكرا على تشجيعك

shalimar said...

اتفهم جدا طبعا ... بس ايه الي مخليكي محققة الاكتفاء الذاتي من غير راجل ..


اهتمامك جدا بشغلك وحبك ليه او دراستك او حلمك .. ما هو لازم احساس يعوض عن احساس والا شو رأيك ؟؟ انا رأي كدة

Anonymous said...

عارفة يا ايمان وتاكيدا لكلام شيماء انه مش يس البنات المتجوزين بيخافوا من العين لما بيحملوا ولا يجيبوه بيبي ده في انقح من كده ده انا اعرف ام خبت على بنتها -انسة في اول الثلاثينيات- انه مرات اخوها حامل وما عرفتش الا لما وصلت الشهر الرابع وكمان اخوها مرضيش يقولها غير لما مراته بقت في التامن
ايه رايك?
لا تعليق على نفسيات الناس اللي من اسرة واحدة ويكون ده شعورهم
انا لو مكان البنت دي هعاملهم بالمثل ويا ريت محدش يقول اسامح واعديها ودي في الاخر ام وخايفة على ابنها من اخته ..ده مرض نفسي عند الامهات وبيزرعوا في بناتهم وبتدمر قيم انسانية عالية بسببه
روحي اقراي بريد الجمعة هتلاقي السبب الرئيسي لجحود الابناء الذكور هو التربية الخاطئة من جانب الامهات عشان كل واحدة فاكرة ان ابنها شيئ مقدس لا يمكن ان يحاسب او يعدل عليه والغريبة ان الابن الجاحد المتجوز محدش بيلومه والكل يتوقع انه اخته اللي ما اخدتش حقها العادل في الحب المفروض تكون في قمة التضحية وترعى مامتها في شيخوختها !!! حتى صاحب بريد الجمعة اللي بقتنع بارائة للاسف عمره ما قال حاجة للامهات اللي دلعوا ولادهم الذكور الجاحدين احنا ما بنحلش المشكلة من جذورها? ليه ما نعترفش ان الامهات بترتكب اخطاء قاتلة وابدية المفعول ويدفع تمنها اجيال ملهاش زنب?
اسفة اني خرجت عن الموضوع الاساسي بس لو تاملت في كل مصيبة انسانية للاسف الشديد بيكون وراها ام لا تعرف معنى الامومة ولا حاسة بخطورة الدور اللي بتلعبه في حياة اسرتها
الحمد لله ربنا ارحم من عبيده

Unknown said...

شاليمار - اتمنى الاسم كده يكون صح-:

اولا الاكتفاء الذاتى ده شعور بيبقى موجود من الاول و الانسان بيعمل على تنميته و توجيهه .. لو بتسألى عنى بشكل شخصى فانا الحمد لله سبع صنايع و البخت ضايع ... هههههههه
اقصد انى باشتغل فى اكتر من حاجة و بحاول اخلينى علاطول مشغولة .. بادور زى كل الناس على اللى يفيد

Unknown said...

عارفة يا انونيماس
عارفة كويس كمان

عشان كده بقولك ان التربية المنيلة دى هى اكبر سبب للعذاب اللى احنا فيه

كب واحدة اتقهرت عمرها كله بتربى ابنها على انه حاجة مش هاتحصل تانى و مفروض انا ادفع تمن ده
و كل راجل بيربى ابنه على انه امتداده - اصلهم من نسل مينا موحد القطرين -

انا بس كل نفسى ان كل واحدة فينا فعلا تحاول تكون هى التغيير اللى بتتمناه
و اما تخلف تفتكر الكلام ده

Unknown said...

نفسي يبقي عندنا كلنا هدف اكبر من ست و راجل مسلم و مسيحي صعيدي و بحيري يا ريت
نتحد علي هدف ان كلنا نعيش حياة كويسة

مدونتك حلوة و كل المشكلة انك حساسة شوية زيادة
اتمني تشرفيني بزيارة مدونتي

http://apps.facebook.com/blognetworks/blog/الطمع_قل_ما_جمع


http://www.greedyppl.blogspot.com

Unknown said...

شكرا يا سيندباد و اكيد هاكون هناك
الف شكر